काठमाडौँ । सशस्त्र प्रहरी सहायक निरीक्षक इन्द्रबहादुर चन्दले नक्कली प्रमाणपत्र पेश गरेर बलमा भर्ना भएको खुलेको छ ।
अख्तियार दुरुपयोग अनुसन्धान आयोगले चन्दको प्रमाणपत्र जाँच गर्दा माध्यमिक शिक्षा परिषद्, उत्तरप्रदेश, भारतबाट प्राप्त गरेको इन्टरमिडियट तहको नक्कली शैक्षिक प्रमाण पत्र पेश गरेको खुलेको हो ।
सशस्त्र प्रहरी सहायक निरीक्षक पदमा नियुक्ति लिई लाभ तथा सुविधा समेत लिएको पुष्टि भएको हुदाँ चन्दविरुद्ध प्रचलित भ्रष्टाचार निवारण ऐन, २०५९ को दफा १६ को उपदफा (१) अनुसारको कसुर गरेको देखिन आएको हुँदा निजलाई भ्रष्टाचार निवारण ऐन, २०५९ को दफा १६ को उपदफा (१) बमोजिमको सजाय हुन मागदाबी लिई आज विशेष अदालत काठमाडौंमा आरोप पत्र
आयोगले दायर गरेको छ ।
