काठमाडौं । सोलुखुम्बुमा एक शिशुको आकाशमै जन्म भएको छ । सोलुखुम्बु देखी काठमाडौं हेलिकोप्टरमा गर्भवती महिला लिएर आउँदै गर्दा आकाशमै ती शिशुको जन्म भएको हो ।
सोलुको नुन्थलाबाट उडेको हेलिकोप्टरमा काठमाडौं आउँदै गरेकी नोर्साङ डोल्मा शेर्पाले छोरा जन्माएकी हुन् ।
कैलाश हेलिकोप्टरका अपरेसन इन्चार्ज श्रीहरि कुइँकेलका अनुसार भक्तपुर आसपास शिशुलाई जन्म दिएकी हुन् । आमा र बच्चा दुबैलाई हाल भक्तपुर अस्पतालमा राखिएको छ ।
