काठमाडौं । राष्ट्रिय प्रजातन्त्र पार्टीका अध्यक्ष कमल थापाले २०६२र६३ को जनआन्दोलनको माग धर्म निरपेक्षता नभएको बताएका छन् । राजधानी दैनिकमा खबर छ ।
हिन्दुत्व जनजागरण अभियानअन्तर्गत काठमाडौंको बूढानीलकण्ठ नगर समितिद्वारा शनिबार आयोजित सभामा अध्यक्ष थापाले भने, ‘२०६२/६३ मा भएको जनआन्दोलनको माग धर्म निरपेक्षता थिएन, यो विषय कहीं उठेको पनि थिएन, विदेशी प्रभाव, दबाब र पैसाको प्रलोभनमा धर्म निरपेक्षता जबर्जस्ती लादिएर आयो ।’
उनले हिन्दू राष्ट्र आफ्नो पार्टीको बटम लाइन भएकाले सो अभियानमा सघाउन अन्य पार्टीसँग आस्था राख्नेहरूलाई समेत आग्रह गरेका छन् । अध्यक्ष थापाले सनातन धर्म कमजोर हुँदा मुलुकको एकता र पहिचान कमजोर हुने भन्दै हिन्दू धर्ममा आस्था राख्ने कोही पनि अरू धर्मको विरोधी हुन नसक्ने दाबी गरे ।
राप्रपाले उठाएको हिन्दू राष्ट्रको मागलाई सम्बोधन गर्न सरकारलाई आग्रह गर्दै उनले मागलाई सरकारले बेवास्ता गरे । सडक आन्दोलन गर्ने चेतावनी समेत दिए ।
