काठमाडौं । टी-ट्वान्टी अन्तर्राष्ट्रिय क्रिकेट सिरिजको दोस्रो खेलमा यूएईले आफ्नो चौथो विकेट गुमाएको छ ।
यूएईले चौथो विकेटको रुपमा मोहम्मद उस्मानलाई शुन्य रनमा गुमाएको हो ।
५.४ ओभरमा छक्का प्रहार गरेका साइमनलाई ५.५ ओभरमा भने सन्दीपले कप्तान पारस खड्काबाट क्याच आउट गराए । लगतै ब्याटिङमा आएका उस्मानलाई ५.६ ओभरमा कप्तान खड्काकै हातबाट क्याच आउट गराए ।
यसअघि दोस्रो विकेटको रुपमा गुलाम शब्बरलाई ६ रनमा आउट भएका थिए । त्यस्तै, अश्फाक अहमदले चार रन बनाएर आउट भए ।
यूएईका महत्वपूर्ण दुबै विकेट नेपालका सोमपाल कामीले लिए ।
आजको खेलम दुई जना खेलाडी परिवर्तन भएका छन् । टिममा रोहितकुमार पौडेल र बसन्त रेग्मीलाई आराम दिएर ललितनारायण राजवंशी र पवन सर्राफलाई मैदान उर्तान लागिएको हो । सर्राफको यो नै टी–ट्वान्टी क्रिकेटमा डेब्यु हो ।
तीन खेलको टी-ट्वान्टी सिरिज अन्तर्गत नेपालले दोस्रो खेलमा आज युएईसँग प्रतिस्पर्धा गर्न लागेको हो । पहिलो खेलमा यूएईसँग २१ रनले पराजित भएको नेपाललाई आजको खेलमा जित्नै पर्ने दबाब छ ।
आईसीसी क्रिकेट एकेडेमीमा हुने खेलमा नेपाल जित हात पार्ने लक्ष्यमा हुनेछ ।
तीन खेलको एकदिवसीय अन्तर्राष्ट्रिय क्रिकेट सिरिजमा यूएईलाई २–१ ले पराजित गरेको नेपाल टी–ट्वान्टी क्रिकेट सिरिजमा भने १–० ले पछि परेको छ । आजको खेलमा जिते नेपालले सिरिज १–१ को बराबरीमा पुर्याउनेछ ।
