एजेन्सी –सेभिल्लामाथि गोल बर्षा गर्दै बार्सिलोना स्पेनिस कोपा डेलरे फुटबलको सेमिफाइनलमा प्रवेश गरेको छ । घरेलु मैदानमा भएको दोस्रो लेगमा बार्सिलोनाले सेभिल्लालाई ६–१ गोलले हरायो ।
पहिलो लेगमा २–० गोलले पछि परेको बार्सिलोनाले घरेलु मैदानमा सानदार प्रदर्शन गरेको थियो । बार्सिलोना समग्रमा ६–३ को जित निकाल्दै सेमिफाइनलमा पुगेको हो ।
बार्सिलोनाको जितमा फिलिप कोउटिन्होले ११औं मिनेटमा पेनाल्टी मार्फत खाता खोले । उनले ५३औं मिनेटमा ब्यक्तिगत दोस्रो गोल गरेका थिए ।
यसैगरी इभान राकिटिकले ३१औं, सर्जि रोबर्टोले ५४औं, लुइस स्वारेजले ८९औं र कप्तान लियोनेल मेस्सीले दोस्रो हाफको इन्जुरी समयमा एक एक गोल थपेका थिए ।
सेभिल्लाका सेल्लिाका गुइलहेमी एरानाले एक गोल फर्काएका थिए । यसअघि २७औं मिनेटमा इभर बनेगा पेनाल्टीमा चुकेपछि सेभिल्ला कमजोर सावित बनेको थियो ।
