काठमाडौं । तीन खेलको एक दिवसीय अन्तर्राष्ट्रिय क्रिकेट सिरिजको अन्तिम खेलमा यूएईले दिएको २५५ रनको चुनौती पछ्याउँदै ब्याटिङ गरेको नेपालले पहिलो विकेट गुमाएको छ ।
नेपालले पहिलो विकेटको रुपमा विनोद भण्डारीलाई ९ रनमा गुमाएको हो । उनलाई यूएईका कप्तान मोहम्मद नाभिदले आउट गराए ।
अहिले पाँच ओभरको खेल चलिरहँदा नेपालको स्कोर एक विकेटको क्षतिमा १९ रन भएको छ ।
आईसीसी क्रिकेट एकेडेमीमा टस हारेर पहिले ब्याटिङ गरेको युएईले निर्धारित ५० ओभरमा ६ विकेटको क्षतिमा २५५ रन बनायो ।
यूएईका लागि सिपी रिज्डवान ४५, साइमान अनवरले ६२, बुटाले अविजित ५९, मोहम्मद नाबिद ११ रनमा नटआउट रहे । गुलाम सकवरले १८ रनको योगदान दिए। अहमत र चिराग शून्य मै आउट भएका थिए ।
युएईको पहिलो विकेटको रुपमा २.५ ओभरमा अहमतलाई सोमपाल कामीले शून्य रनमा आउट पारेका थिए ।
करण केसीले चिराग सुरीलाई ५.६ ओभरमा शून्य र सिपी रिज्डवानलाई ४१.२ ओभरमा ४५ रनमा खेलिरहदा बिनोद भण्डारीको हातबाट क्याच गराएका थिए ।
नेपालका लागि तेस्रो विकेट सन्दीप लामिछानेले लिए। उनले गुलाम सकवरलाई १९.४ मा १८ रनमा आउट पारेका हुन् । चौथो विकेटमा मुहमद उस्मानलाई २०.२ ओभरमा २६ रनमा गुमाएको थियो ।उस्मानको विकेट नेपाली टिमका कप्तान पारस खड्काले लिएका हुन् ।
