काठमाडौ । नेपालले आफ्नो पहिलो एकदिवसीय क्रिकेट श्रृंखलाअन्तर्गत संयुक्त अरब इमिरेट्स (युएई) विरुद्धको खेलमा खराब सुरूवात गरिरहेको छ।
पहिलो ओभरमै उपकप्तान ज्ञानेन्द्र मल्ललाई शून्य रनमा गुमाएको नेपालले ८० रन नपुग्दै आफ्ना महत्वपूर्ण छ विकेट गुमाएको छ।
नेपालले छैठौ विकेटको रुपमा ३ बलको सामाना गर्दै पवन सराफ पनि ४ रन जोड्दै इमरानको बलमा आउट भएका छन् ।
यसअघि सातौं ओभरको पहिलो बलमा दोस्रो विकेटका रूपमा बिनोद भण्डारीलाई ५ रनमा गुमाएको नेपालले कप्तान पारस खड्कालाई २० रनमा तेस्रो विकेटका रूपमा गुमाएको थियो। चौथो विकेटका रूपमा दीपेन्द्र सिंह ऐरीलाई शून्य रनमा गुमायो। उनी रन आउट भए। पाँचौ विकेटमा सोमपाल कामी पनि ३० रनमा अमिरको बलमा आउट भएका छन् ।
युएईका लागि सुरूवाती २ विकेट कप्तान मोहम्मद नाभिदले लिएका हुन्। भने तेस्रो विकेट क्वादर अहमदले लिएका हुन्। चौथो र पाँचौ अमिर तथा छैठौ इमरानले लिएका हुन् ।
अहिले कृजमा आरिफ सेख र करण केसी रहेका छन् ।
