काठमाडौँ। नेकपा एमालेका नेता भीम रावलसँग नेपाल कम्युनिष्ट पार्टीका महासचिव नेत्रविक्रम चन्द ‘विप्लव’ ले भेट गरेका छन् ।
अमेरिकी सहायता परियोजना एमसीसीविरोधी नेताहरु भेट्ने क्रममा आज विप्लवले रावलसँग भेट गरेका हुन् ।
एमसीसी सम्झौता संसद्बाट अनुमोदनपछिको राजनीतिक परिस्थितिका बारेमा कुराकानी भएको भेटमा सहभागी नेकपा प्रवक्ता खड्गबहादुर विश्वकर्मा ‘प्रकाण्ड’ ले बताए ।
विप्लवले यसअघि नेकपा (एकीकृत समाजवादी) का सम्मानित नेता झलनाथ खनाल, माओवादी केन्द्रका नेता नारायणकाजी श्रेष्ठ, नेपाल मजदुर किसान पार्टीका अध्यक्ष नारायणमान विजुक्छे र प्रेम सुवाललगायतलाई भेटिसकेका छन् ।
विप्लवले भेट गरेका नेताहरु सबैजना एमसीसीविरोधी हुन् ।
