काठमाडौं । अभिषेक थापाले राप्रपा केन्द्रीय सदस्यबाट राजीनामा दिएका छन् ।
एकता महाधिवेशनबाट केन्द्रीय सदस्यमा निर्वाचित भएका उनले अन्ततः राजीनामा दिने घोषणा गरेका हुन् ।
उनी राष्ट्रिय प्रजातन्त्र पार्टी (राप्रपा) नेपालका अध्यक्ष कमल थापाका भतिज समेत हुन् ।
उनले विज्ञप्ती जारी गर्दै भनेका छन्, ‘विगत २०६४ सालदेखि राप्रविसको केन्द्रीय सदस्य, राप्रयुसको केन्द्रीय सचिव हुँदै हाल राप्रपाको निर्वाचित केन्द्रीय सदस्यसम्म आईपुग्दा पार्टीमा बढ्दै गएको विचलनका कारण राप्रपामा बसिरहन अप्ठ्यारो महसुस भएका कारण आजकै मितिबाट राप्रपाको साधारण सदस्य समेत नरहने गरि केन्द्रीय सदस्यबाट राजिनामा दिएको छु ।
आजसम्म मप्रति सहयोग र सद्भाव राख्नुहुने सम्पूर्ण महानुभावप्रति आभार व्यक्त गर्दछु ।’
