काठमाडौं । गृह मन्त्रालयले नेपाल प्रहरीका पाँच प्रहरी नायब महानिरीक्षक (डिआईजी) लाई अतिरिक्त महानिरीक्षक (एआईजी) मा बढुवा गर्न सिफारिस गरेको छ ।
सोमबार मन्त्रालयमा बसेको बढुवा समितिको बैठकले उनीहरुको बढुवाका लागि सिफारिस गरेको हो ।
समितिले सबैभन्दा पहिलो नम्बरमा उत्तमराज सुवेदीलाई बढुवा गर्न सिफारिस गरेको बताइएको छ । अन्य डिआईजीहरु अरुणकुमार बिसी, दिवेश लोहनी, मुकुन्दराज आचार्य र पुजा सिंहलाई एआईजीमा बढुवा गर्न सिफारिस गरिएको छ ।
