काठमाडौं । राष्ट्रिय स्वतन्त्र पार्टीका सांसद मोहनलाल आचार्यले मुलुकभर अत्याबश्यक खोपहरुको अभाब भएको भन्दै सरकारको ध्यानकर्षण गराउनु भएको छ ।

आइतबार प्रतिनिधिसभा बैठकमा बोल्दै सासंद आचार्यले गर्मी र बर्खासंगै सर्पदशं र भुस्याहा कुकुरको टोकाईका घटनाहरु अत्याधिक बढ्ने गरेको तर पर्याप्त औषधी खोप र उपचारको अभाब हुदा प्रत्येक दिन नागरिकहरु अकालमा मृत्यु बरण गर्न बाध्यभएको जनाउनु भएको छ ।

उहाँले भन्नुभयो – कपिलबस्तु जिल्लाको ग्रामिण गर्मी र बर्खासंगै सर्पदशं र भुस्याहा कुकुरको टोकाईका घटनाहरु अत्याधिक बढ्ने गरेका छन् । पर्याप्त औषधी र उपचारको अभाब छ प्रत्येक दिन नागरिकहरु अकालमा मृत्युबरण गर्न बाध्य छन् । स्थानीय स्वास्थ चौकीहरुमा अत्याबश्यक औषधीहरुको अभाब हुनु र सामान्य उपचारका लागि पनि टाडा टाडा जानु पर्ने बाध्यताका कारण बिरामीहरुको ज्यान जोखिममा पर्ने गरेको छ । सबै स्वास्थ्य संस्थाहरुमा अत्याबश्यक खोप र औषधीको उचित प्रवन्ध गर्न र भुस्याहा कुकुर नियन्त्रणका लागि बिशेष कार्यक्रम संञ्चालन गर्न म सरकारको ध्यानकर्षण गराउछु ।