काठमाडौं। फोर नेसन्स वूमन्स च्याम्पियनसिपको उपाधि म्यानमारले जितेको छ ।

त्रिपुरेश्वरस्थित दशरथ रंगशालामा भर्खरै सम्पन्न खेलमा नेपाललाई २-० गोलले हराउँदै म्यानमार च्याम्पियन बनेको हो । म्यानमारको जितमा यु पर खिनले गोल गरिन् । खेलको ६२ औं मिनेटमा खिनले गोल गरेकी हुन् । नेपाली डिफेन्सलाई बिट गर्दै लगेकी उनले लेफ्ट साइडबाट प्रहार गरेको बल सिधै गोल हुन पुग्यो । नेपालका गोल किपर एन्जिला सुब्बाले कुनै मौका नै पाइनन् ।

पहिलो हाफमा दुबै टोलिले प्रतिस्पर्धात्मक खेलेपनि दोस्रो हाफमा भने म्यानमारले नेपाललाई दबाबमा राख्यो । खेलको २४ औ मिनेटमा म्यानमारले अग्रता लिने अवसर गुमायो । बिमला बिकले म्यानमारको गोल हुन दिइनन् । म्यानमारका सान थले प्रहार गरेको बललाई बिमलाले विफल पारिन् । उनी गोल पोस्टमा रहँदा सान थको प्रहार सिधै बिमलालाई लागेको थियो ।

३४ औं मिनेटमा नेपालले गोल गर्न चुक्यो । साबित्रा भण्डारी र सरु लिम्बुले गोल गर्न सकेनन् । रेखा पौडेलले उपलब्ध गराएको पासमा डि-बक्स भित्र पाएको अवसरलाई दुबै जनाले प्रहार गरेको बल म्यानमारका खेलाडीलाई लाग्न पुग्यो ।

खेलको ४३ औं मिनेटमा रेखा पौडेलले हेडिङबाट गोल गर्न लाग्दा म्यानमारका डिफेन्डरले उनलाई रोके । नेपाली खेलाडीमा आपसी तालमेल नमिल्दा नेपालले गोल गर्न सकेन । ५५ औं मिनेटमा साबित्रा भण्डारीले गरेको हेडिङ पोस्टभन्दा थोरै बाहिर गयो ।

खेलको ६२ औं मिनेटमा म्यानमारले अग्रता लियो । उसका लागि यु पर खिनले गोल गरिन् । नेपाली डिफेन्सलाई बिट गर्दै लगेकी उनले लेफ्ट साइडबाट प्रहार गरेको बल सिधै गोल हुन पुग्यो । नेपालका गोल किपर एन्जिला सुब्बाले कुनै मौका नै पाइनन् ।

६४ औं मिनेटमा म्यानमारले अग्रता दोब्बर पार्यो । कप्तान विन थेङ्गी तुनले प्रहार गरेको बल नेपालका डिफेन्डरलाई लागेर गोल हुन पुग्यो ।खेलको इन्जुरी समयमा साबित्राले फ्रीककबाट प्रहार गरेको बललाई म्यानमारकी गोलकिपर म्यो म्या म्या नेविनले पन्च गरेर बाहिर पठाइन् ।

१५,५६८ दर्शकले खचाखच भरिएको रंगशालामा नेपालले पुनः उपाधि खडेरी अन्त्य गर्ने मौका गुमायो । १२ पटक विभिन्न प्रतियोगिताको फाइनल खेलेको नेपाल आजको फाइनलमा पनि अभागी साबित भयो । प्रतियोगितामा नेपाल र म्यानमारसँगै किर्गिस्तान र लेबनान पनि सहभागी थिए ।

काठमाडौं ।राजधानीमा जारी चार देशीय अन्तर्राष्ट्रिय महिला च्याम्पियनसिपमा कीर्गिस्तानलाई हराउँदै म्यानमार फाइनल प्रवेश गरेको छ ।

दशरथ रंगशालामा भएको खेलमा कीर्गिस्तानलाई ५-० को फराकिलो अन्तरले हराउदै म्यानमार फाईनल पुगेको हो । म्यानमार एक खेल आगवै फाईनल पुगेको हो ।

म्यानमारले पहिलो हाफको पहिलो, ३०औं, ३५औं र ४०औं मिनेटमा गोल गर्‍यो । यस्तै, दोस्रो हाफको ४९औं मिनेटमा म्यानमारले पाँचौं गोल गर्‍यो ।

लगातार दोस्रो हार बेहोरेको कीर्गिस्तान भने प्रतियोगिताबाट बाहिरिएको छ । पहिलो खेलमा कीर्गिस्तान नेपालसँग १-० ले पराजित भएको थियो ।

आजै हुने दोस्रो खेलमा नेपाल र लेबनान भिड्दैछन् । खेल साँझ ६ बजेबाट सुरु हुनेछ । यो खेल जितेमा नेपालले पनि फाइनलको यात्रा तय गर्नेछ ।

काठमाडौँ। काठमाडौँमा जारी अन्तर्राष्ट्रिय महिला च्याम्पियनसिप फुटबलमा आज (बिहीबार) नेपालले लेबनान सँग खेल्दैछ ।

त्रिपुरेश्वरस्थित दशरथ रङ्गशालामा बिहीबार साँझ ६ बजे लेबनान र नेपाल दुवै टिमले जारी लिगको दोस्रो खेल खेल्दैछन् । यसअघि पहिलो खेलमा नेपालले किर्गिस्तानलाई १-० गोलले पराजित गरेको थियो । नेपाल आज दोस्रो जितको खोजीमा हुनेछ ।

किर्गिस्तानसँग फिनिसिङमा चुकेको नेपाललाई लेबनानविरुद्ध जित निकाल्न सहज छैन । अर्को तर्फ लेबनानले आफ्नो पहिलो खेलमा बलियो मानिएको म्यानमारविरुद्ध उत्कृष्ट खेल खेलेको थियो । यद्यपि खेलमा लेबनान ३-१ गोलले पराजित भएको थियो ।

अघिल्लो खेलमा नेपालकी स्टार खेलाडी सावित्रा भण्डारी ‘साम्बाले’ दोस्रो हाफमा मात्र खेलेकी थिइन् । नेपालले लेबनानसँगा दोस्रो पटक खेल्न लगेको हो ।