काठमाडौंः चर्चित कवि, लेखक एवं कलाकार उपेन्द्र सुब्बाले कबड्डी४ की अभिनेत्री मिरुना मगरमाथि भएको दुव्र्यवहारको घटनाबाट आफू निकै चिन्तित र दुःखित भएको बताएका छन् ।

सामाजिक संजाल फेसबुकमा उनले पोस्ट गरेको एउटा स्टाटसमा यस्तो कुरुप समाज बन्नमा मेरो पनि सानो हात रहेको भन्दै “सरी नानी” लेखेका छन् ।

पहिचानको पक्षमा बीस वर्ष यता निरन्तर लेख्दै बोल्दै आएको बताउँदै उनले अगाडि भनेका छन्, “तर मलाई पत्तै भएन हाम्रो समाज यती संक्रिर्ण र साम्प्रदायिक भइ सकेछ । पहिचानको आन्दोलनले हामीबाट मेरो भन्ने भइ सकेछौं ।

“मेरो जाति, मेरो भाषा, मेरो मान्छे । यतिसम्म कि हाम्रो जति सबै राम्रो भन्ने भइ सकेछौं । होइन भने त जो जो ले मिरुना मगरलाई तथानाम गाली गर्दै हुनु हुन्छ, फुर्पाभाइको ठाउंमा अरु कोहि बाहुन पुजारी कि त क्रिश्चियन पास्टर भएको भए पनि यसोरी नै गाली वैज्वत गर्नु हुन्थ्यो होला ? म त आदिवासी हुनुमा गर्व गर्थें। तामाङ, गुरुङ, मगर, शेर्पा, राई, लिम्बु सब एकै हो सोच्थें ।

यस्तो कुरुप समाज बन्नमा मेरो पनि सानो हात छ । सरी नानी“

कबड्डी ४ मा अभिनय समेत गरेका कलाकार उपेन्द्रले गरेको पोस्टप्रति सयौं व्यक्तिले प्रतिक्रिया जनाएका छन् । जसमा केही व्यक्तिले मिरुनामाथि भएको दुव्र्यवहारलाई व्यक्तिगत घटनाका रुपमा लिनुपर्नेमा त्यसो हुन नसकेकामा दुःख व्यक्त गरेका छन् । कतिपयले यस घटनालाई जातीय, धार्मिक र साम्प्रदायिक रङ दिएपछि समस्या सिर्जना भएको गुनासो गरेका छन् ।

नेपाली समाजभित्र पहिचानको खोजी गर्नेहरुप्रति लक्षित गर्दै राजकुमार राईले लेखेका छन्, “पहिचानको आन्दोलन आआफ्ना भाँडा भर्ने साधन बनाएको परिणाम हो ।”

अभिनेत्री मिरुनाले फेसबुकमा बिहीबार नै एउटा स्टाटस पोस्ट गर्दै आफूले गरेको कार्य ९कुटपिट० कुनै पनि धर्म र समाज विरुद्ध नभई व्यक्ति विरुद्ध भए तापनि यस घटनाबाट जान अन्जानबाट दुःखित हुनुहुने सबैप्रति क्षमायाचना गरेकी छिन् ।

काठमाडौं । ‘कबड्डी ४’ की अभिनेत्री मिरुना मगरले गत साता भएको ‘दुर्व्यवहार’को घटनालाई लिएर सामाजिक संजालमार्फत प्रष्टीकरण दिएकी छिन् ।

गलत दुर्व्यवहारका विरुद्ध आवाज उठाउन आग्रह गर्दै उनले चुपचाप दुःख नसहन अपील समेत गरेकी छन् । ‘कुनै पनि सही कार्य गर्नुको निम्ति समय गलत हुँदैन,’ उनले भनेकी छन् ।

मिरूनाले आफूले गरेको कार्य (कुटपिट) कुनै पनि धर्म र समाज विरुद्ध नभई व्यक्ति विरुद्ध भए तापनि यस घटनाबाट जान अन्जानबाट दुःखित हुनुहुने सबैप्रति क्षमायाचना गरेकी छिन् ।

उनले अगाडि भनेकी छिन्ः ‘तपाईंहरूमध्ये धेरैले मसँग बाँड्न आउनुभएको मेराजस्ता घटनाका कथाबाट म अत्यन्तै प्रभावित भएकी छु । यो समयमा यी कथाबाट साहस जुटाउन सकेकोमा तपाईंको प्रशंसा नगरिरहन सक्दिनँ । चुपचाप आफूले कहिल्यै दुःख नसहनुहोस् र गलतको विरुद्ध जहिल्यै लड्नुहोस् । अहिलेलाई जति नै कठिन भए पनि भोलिको दिनमा परिवर्तन अवश्य होला ।’

गत जेठ १५ गते सिभिल मलको कफी सपमा फुर्पा तामाङले आफूलाई अनुचित ढंगले छोएको आरोप मिरुनाले लगाएकी थिइन् । उजुरीपछि प्रहरीले फुर्पालाई पक्राउ गरेको थियो । तीन हजार रुपैयाँ धरौटीमा रिहा भएका फुर्पाले मिरुनासँग माफीसमेत मागेका थिए ।

मिरूनाको वक्तव्यः