एजेन्सी । आगामि सिजनको आईपीएलका लागि १३५५ खेलाडीहरूले दर्ता गराएका छन्। २ करोडको आधार मूल्य क्याटेगरीमा अष्ट्रेलियाका क्यामरुन ग्रीन, इंग्ल्यान्डका लियम लिभिङ्गस्टन, भारतका रवी बिश्नोई र वेंकटेश अय्यर, श्रीलङ्काका मथीश पथिराना र वानिन्दु हसरङ्गा सहित कुल ४५ खेलाडी परेका छन्।

दर्ताको अन्तिम मिति नोभेम्बर ३० थियो। मिनी अक्सन डिसेम्बर १६ मा अबु धाबीमा हुनेछ। दर्ता पूरा भएपछि आईपीएलले यो लामो सूची सबै फ्रेन्चाइजीलाइ पठाएको छ। हरेक टोलीमा अधिकतम २५ खेलाडी राख्न सकिन्छ। यसपालिको अक्सनमा जम्मा ७७ स्लटहरू भरिनेछन्, जसमा ३१ विदेशी स्लट पनि समावेश छन्।

ग्रीनमा हुनेछ सबैको नजर

अक्सनमा सबैभन्दा ठूलो ध्यान अष्ट्रेलियाका अलराउन्डर क्यामरुन ग्रीनमाथि रहनेछ। गत वर्ष चोटका कारण उनी मेगा अक्सनमा सहभागी भएका थिएनन्।

यसपटक केकेआर र सिएसके दुवैले उनीमाथि बोली लगाउने सम्भावना छ। यी दुवै टोलीसँग सबैभन्दा धेरै पर्स छ र एक–एक विदेशी स्लट पनि खाली छ।

केकेआरलाई ग्रीनका लागि बलियो दावेदार मानिएको छ, किनकि वेस्टइन्डिजका आन्द्रे रसेलले आईपीएलबाट सन्न्यास लिएपछि टोलीलाई यस्तो अलराउन्डर आवश्यक छ जसले कुनै पनि परिस्थितिमा ब्याटिङ र बलिङ दुवै दिन सकोस्।

केकेआरले ९ खेलाडी रिलिज गर्‍यो

केकेआरले वेंकटेश अय्यरसहित ९ खेलाडीलाई रिलिज गरेको छ। वेंकटेशलाई गत वर्ष २३.५ करोडमा खरिद गरिएको थियो। अब टोलीसँग १२ स्लट खाली छन्, जसमा ६ विदेशी स्लट पनि छन्। सिएसकेसँग दोस्रो सबैभन्दा ठूलो पर्स छ र उसले ९ स्लट भर्नुपर्नेछ, जसमा ४ विदेशी खेलाडी पर्नछन्।

२ करोड क्याटेगरीमा धेरै रिलिज खेलाडी पनि

धेरै खेलाडी जसलाई हालसालै टोलीहरूले रिलिज गरेका थिए, उनीहरूले पनि आफूलाई २ करोडको आधार मूल्यमा राखेका छन्।

यसमा चेन्नईका पथिराना पनि परेका छन्, जसलाई चेन्नईले गत वर्ष १३ करोडमा रिटेन गरेको थियो, तर चोटका कारण उनले प्रभावशाली प्रदर्शन गर्न सकेनन्।

त्यसैगरी इंग्ल्यान्डका लियम लिभिङ्गस्टनलाई आरसीबीले गत मेगा अक्सनमा ८.७५ करोडमा लिएको थियो, तर एक सिजनपछि नै रिलिज गरियो।

भारतीय खेलाडीहरूमध्ये वेंकटेश अय्यर र रवी बिश्नोई पनि २ करोड क्याटेगरीमा छन्। लखनउले बिश्नोईलाई गत वर्ष ११ करोडमा रिटेन गरेको थियो, तर लगातार कमजोर प्रदर्शनका कारण यसपालि रिलिज गरियो।

ग्लेन म्याक्सवेल समावेश छैनन्

२ करोडको सूचीमा अष्ट्रेलियाका ग्लेन म्याक्सवेलको नाम छैन। उनलाई गत वर्ष पंजाब किंग्सले ४.२ करोडमा किनेको थियो, तर ३७ वर्षीय म्याक्सवेल यस सिजनअघि नै औंलाको चोटका कारण बाहिरिएका थिए। उनको ठाउँमा पञ्जावले माइकल ओवेनलाई टोलीमा राखेको छ, जसलाई यस वर्ष रिटेन गरिएको छ।

मोइन अलीले पिएसएल खेल्ने

इंग्ल्यान्डका मोइन अलिले फाफ डु प्लेसिसझैँ आईपीएल २०२६ मा खेल्नुभन्दापनि पिएसएल खेल्ने निर्णय गरेका छन्। मोइन २०१८ देखि आईपीएल खेल्दै आएका थिए र चेन्नईसँग २ उपाधि जितेका थिए।

पञ्जावका विकेटकिपर जोश इङ्ग्लिस पनि अक्सन सूचीमा छन्। उनले टोलीलाई फाइनलसम्म पुर्‍याउन महत्वपूर्ण भूमिका खेलेका थिए, तर व्यक्तिगत कारणले उनी २०२६ को पूरै सिजन उपलब्ध हुने छैनन्। आईपीएलले फ्रेन्चाइजीलाइ जानकारी दिएको छ कि इङ्ग्लिसको उपलब्धता केवल २५ प्रतिशत मात्र रहनेछ।

अब फ्रेन्चाइजिहरूले बनाउनेछन् छोटो सूची

आईपीएलले सबै फ्रेन्चाइजीलाइ ५ डिसेम्बरसम्म आफ्नो मनपर्ने खेलाडीहरूको शर्टलिस्ट पठाउन भनेको छ। त्यसपछि लामो सूचीलाई छोट्याएर अन्तिम अक्सन सूची जारी गरिनेछ।

एजेन्सी । आईपीएलको पूरा नाम इन्डियन प्रिमियर लिग भए पनि १८ सिजनसम्म आइपुग्दा ‘प्लेयर अफ द टुर्नामेन्ट’को अवार्ड कुनै न कुनै विदेशी खेलाडीले १३ पटक जितेका छन् ।

क्रिस गेल, सुनील नारायण, एबी डिभिलियर्स, राशिद खान र लसिथ मालिंगा जस्ता विदेशी खेलाडीहरूले यो लिगलाई अझ प्रसिद्ध बनाए ।

यस पटक पनि विदेशी खेलाडीहरूको प्रभुत्व देखियो । किनभने लिगमा ३३ प्रतिशत रन र ३६ प्रतिशत विकेट विदेशी खेलाडीहरूले लिएका थिए ।

जबकि तिनीहरूको संख्या भारतीय खेलाडीहरूको तुलनामा केवल एक तिहाइ मात्र थियो । लिलामीमा विदेशीहरूको प्रभुत्व थियो ।

मेगा लिलामीमा ६३९.१५ करोड रुपैयाँ खर्च भएको थियो, जसमध्ये ४० प्रतिशत रकम अर्थात् लगभग २५६ करोड रुपैयाँ ६२ विदेशी खेलाडीहरूको खातामा गएको थियो । जबकि १२० भारतीयले बाँकी ६० प्रतिशत रकम पाएका थिए ।

३ विदेशीले ५००ं रन बनाए, ९ मध्ये २ ले शतक पनि बनाए
आइपीएलको १८ औं सिजनमा ९ खेलाडीले शतक बनाए । जसमध्ये ७ जना भारतका र २ जना विदेशका थिए । ११ खेलाडीले ५००ं माथि रन बनाए । जसमध्ये ८ जना भारतीय र ३ जना विदेशी थिए ।

शीर्ष ५ विदेशी रन स्कोररहरूमा २ दक्षिण अफ्रिकीहरू पनि समावेश थिए हेनरिक क्लासेन र एडेन मार्कराम । तर यी दुवैले ५०० रन बनाउन सकेनन् । अस्ट्रेलियाका मिचेल मार्शले १ शतक सहित ६२७ रन बनाएर सर्वाधिक रन बनाए ।

अस्ट्रेलियाका मार्शले सबैभन्दा धेरै चौका (५६) प्रहार गरे । मार्शले सबैभन्दा धेरै अर्धशतक (६) पनि प्रहार गरे, र उनी सिजनमा शतक बनाउने पहिलो विदेशी खेलाडी पनि बने ।

कुन देशका खेलाडीले कति रन बनाए ?
दक्षिण अफ्रिकाः १४८.५९ को स्ट्राइक रेटमा २५३२ रन बनाए । यसमा एक शतक र १४ अर्धशतक समावेश थिए । उनीहरुले २१७ चौका र ४४८ छक्का प्रहार गरे । सनराइजर्स हैदराबादका हेनरिक क्लासेनले ४८७ र एलएसजीका एडेन मार्करामले ४४५ रन बनाएर शीर्ष दुई ब्याट्सम्यान बने ।

अस्ट्रेलियाः १५९.१८ को स्ट्राइक रेटमा १८४५ रन बनाए । यसमा १ शतक र ११ अर्धशतक समावेश थिए । लखनऊका मिचेल मार्श ६२७ रन बनाएर शीर्ष स्थानमा थिए, उनले एक मात्र शतक बनाए । ११ अर्धशतकमध्ये ६ उनको नाममा पनि थिए ।

इङ्ग्ल्याण्डः १५४.९७ को स्ट्राइक रेटमा १६३५ रन बनाए । यसमा १३ अर्धशतक समावेश थिए । गुजरात टाइटन्सका जोस बटलरले ५३८ रन बनाए । विल ज्याक्स र साम करनले पनि तीव्र स्ट्राइक रेटमा ब्याटिङ गरे ।

वेस्ट इन्डिजः ७ ब्याट्सम्यानले १७३.०६ को स्ट्राइक रेटमा १५४२ रन बनाए । यसमा ८ अर्धशतक, १३१ चौका र १०९ छक्का समावेश थिए । निकोलस पूरनले ५२४ रन बनाएका थिए । उनले सबैभन्दा धेरै ४० छक्का पनि प्रहार गरे ।

न्युजिल्याण्डः ७ किवी ब्याट्सम्यानले १२८.८५ को स्ट्राइक रेटमा केवल ३९३ रन मात्र बनाउन सके । टोलीबाट केवल ३ अर्धशतक मात्र भए । ती मध्ये पनि चेन्नई सुपर किंग्सका रचिन रविन्द्र १९१ रन बनाएर सर्वाधिक रन बनाउने खेलाडी बने । बाँकी ६ ब्याट्सम्यानले मिलेर २०२ रन मात्र बनाउन सके ।

अफगानिस्तानः ६ ब्याट्सम्यानले १२८.६६ को स्ट्राइक रेटमा २०२ रन बनाए । रहमानुल्लाह गुरबाजले ७४ रन बनाएर सर्वाधिक रन बनाए । यद्यपि, उनले कोलकाताबाट केवल ५ खेल खेल्ने मौका पाए ।

श्रीलंकाः ४ ब्याट्सम्यानले ९६.८ को स्ट्राइक रेटमा १२१ रन बनाए । तीमध्ये कामिन्दु मेन्डिस ९२ रन बनाएर शीर्ष स्थानमा रहे । बाँकी ब्याट्सम्यानले विशेष केही गर्न सकेनन् ।

काठमाडौँ । आईपीएल २०२५ ले नयाँ विजेता पाएको छ । रोयल च्यालेन्जर्स बैंगलोर (आरसीबी)ले १८ सिजनमा आफ्नो पहिलो उपाधि जित्यो ।

मंगलबार अहमदाबादको नरेन्द्र मोदी स्टेडियममा भएको फाइनलमा पञ्जाब किंग्सलाई ६ रनले पराजित गर्दै आरसीबी च्याम्पियन बनेको हो ।

आईपीएलमा पहिलो पटक कप्तानी गरिरहेका रजत पाटीदारले घरेलु मैदान बाहिर (अवे) सबै खेलहरू आरसीबीलाई जित दिलाए ।

टोलीले ११ खेल जित्यो । ९ फरक खेलाडीहरू खेलका उत्कृष्ट खेलाडीहरूका रुपमा देखा परे ।

यसैबीच, आरसीबी पहिलोपटक कसरी च्याम्पियन बन्न सफल भयो भन्नेबारे यहाँ चर्चा गरौँ ।

प्रत्येक खेलाडीको फरक भूमिका
आरसीबीको प्रतियोगिता जित्ने रणनीति मेगा लिलामी अघि नै बन्न थाल्यो । जब मेन्टर दिनेश कार्तिकले निर्देशक मो बोबट र प्रशिक्षक एन्डी फ्लावरसँग योजना बनाए र उत्कृष्ट टोली किन्यो ।

क्रिस गेल, एबी डिभिलियर्स, ग्लेन म्याक्सवेल र फाफ डु प्लेसिस जस्ता ठूला खेलाडीहरूमा बाजी लगाएको आरसीबीले यस पटक विराट कोहली बाहेक अरू कुनै पनि ठूला खेलाडीलाई रिटेन गरेन ।

आरसीबीको युट्युब च्यानलमा, कार्तिकले व्यवस्थापनले प्रत्येक भूमिकाका लागि फरक–फरक खेलाडीहरू कसरी किनेको थियो भनेर वर्णन गरे । टोलीले ओपनिङ, मिडल अर्डर, फिनिसिङ, स्पिन, पावरप्ले र डेथ बलिङका लागि उत्कृष्ट खेलाडीहरूको विकल्पहरू निर्णय गर्‍यो ।

लिलामीमा उत्कृष्ट खेलाडीहरू मात्र किनिन्थ्यो । यदि उत्कृष्ट फेला परेन भने दोस्रो उत्कृष्ट खेलाडी किनिन्थ्यो, तर आरसीबीले भूमिकामा आधारित खेलाडीहरूमा मात्र ध्यान केन्द्रित गरेको थियो । जसको परिणामस्वरूप बैंगलोरले लिलामीपछि उत्तम टोली बनायो ।

पञ्जाब किंग्स र दिल्ली क्यापिटल्सले पनि समान टोलीहरू बनाए । पञ्जाब उपविजेता रह्यो भने दिल्ली पाँचौं स्थानमा रहँदै बाहिरियो, तर बैंगलोरले च्याम्पियन बनेर आफ्नो लिलामी रणनीति सही प्रमाणित गर्‍यो ।

५ ब्याट्सम्यानको स्ट्राइक रेट १७०ं माथि
आरसीबीले प्रतियोगितामा ब्याटिङ अलराउन्डरहरू सहित ११ ब्याट्सम्यानहरूलाई प्रयास गर्‍यो । तीमध्ये ५ जनाको स्ट्राइक रेट १७० भन्दा बढी थियो, जसको अर्थ उनीहरूको भूमिका निरन्तर आक्रमण गर्नु थियो । यसमा रोमारियो शेफर्ड, टिम डेभिड, जितेश शर्मा, ज्याकब बेथेल र फिल साल्ट समावेश थिए ।

बैंगलोरका ४ ब्याट्सम्यानले २५० भन्दा बढी रन बनाए । तीमध्ये विराट कोहलीले ६५७ रन बनाएर शीर्ष स्थानमा रहे । ओपनिङमा फिल साल्टले उनलाई राम्रो साथ दिए, जसले १७५ भन्दा बढीको स्ट्राइक रेटमा ४०३ रन बनाए ।

१० खेल खेलेर घाइते भएर प्रतियोगिताबाट बाहिरिएका देवदत्त पडिक्कलले पनि १५० को स्ट्राइक रेटमा २४७ रन बनाए । कप्तान पाटीदारले पनि ३१२ रन बनाए । यी चारै जनाले मिलेर आरसीबीको तल्लो मध्यक्रममा दबाब बढ्न दिएनन् ।

फिनिशरहरूमा दबाब बढ्दा पनि जितेश, डेभिड र शेफर्डले अवसरको फाइदा उठाउँदै टोलीलाई जित दिलाए । लिग चरणको अन्तिम खेलमा, जब आरसीबीले शीर्ष–२ मा पुग्न २२८ रन पछ्याउनुपरेको थियो, विकेटकिपर जितेशले ३३ बलमा ८५ रन बनाएर बैंगलोरलाई जित दिलाए ।

४ बलरले १३ भन्दा बढी विकेट लिए
आरसीबीले बलिङ युनिटमा पनि धेरै परिवर्तन गरेन । जोश हेजलवुड, यश दयाल र भुवनेश्वर कुमारलाई नयाँ बलले डेथ ओभरहरू ह्यान्डल गर्ने जिम्मेवारी दिइएको थियो भने स्पिनरहरू कृणाल पाण्ड्या र सुयश शर्मालाई बीचको ओभरमा रन रोक्ने जिम्मेवारी दिइएको थियो ।

दुबै स्पिनरहरूले ८.५० भन्दा कमको इकोनोमी रेटमा रन दिए र २५ विकेट लिए । कृणालले फाइनलमा पनि इकोनोमी बलिङ गरे र केवल १७ रनमा २ ठूला विकेट लिए ।

चोटका कारण हेजलवुडले केवल १२ खेल खेल्न सके, तर उनले २२ विकेट लिए । भुवनेश्वर कुमारसँगै, उनले पावरप्लेमा आरसीबीको बलिङमा दबाब बढ्न दिएनन् । यदि भुवनेश्वर र हेजलवुड कहिल्यै फ्लप भए भने, बायाँ हाते तेज गेंदबाज यश दयाल तेस्रो स्पेलमा आएर विकेट लिने थिए । आरसीबीका फास्ट बलरहरूले ६४ विकेट लिए, जुन एमआई र एसआरएचपछि प्रतियोगितामा सबैभन्दा धेरै थियो ।

यदि पाँचै बलर सफल नभएको भए, रोमारियो शेफर्डले १–२ ओभर बलिङ गर्थे र ठूलो विकेट लिन्थे । फाइनलमा पनि उनले पञ्जाबका कप्तान श्रेयस अय्यरलाई केवल १ रनमा क्याच गराए र आरसीबीमाथि प्रभुत्व जमाए । शेफर्डले ८ खेलमा ११ को इकोनोमीमा रन दिनुका साथै ६ विकेट पनि लिए ।

एक–दुई नभई नौ फरक नायकहरू देखा परे
आरसीबीको उपाधि जित्ने अभियानको सबैभन्दा राम्रो पक्ष भनेको १२ खेलमा टोलीका ९ फरक खेलाडी प्लेयर अफ द म्याच बन्नु थियो ।

टिम डेभिडले यो पुरस्कार टोली हारेको बेला पनि पाएका थिए, किनभने उनको प्रदर्शनले आरसीबीलाई धेरै कठिन पिचमा सम्मानजनक स्कोरमा पुग्न मद्दत गरेको थियो ।

बेंगलोरका प्लेयर अफ द फाइनल क्रुणाल पाण्ड्याले यो अवार्ड ३ पटक जितेका छन्, जुन टोलीमा सबैभन्दा धेरै हो । उपाधि खेल बाहेक, उनले दिल्लीविरुद्ध ब्याटिङ र कोलकाता विरुद्ध बलिङका लागि प्लेयर अफ द म्याच अवार्ड पाए ।

उनीपछि, कप्तान रजत पाटीदारले २ वटा अवार्ड जिते, दुवै अवार्ड सबैभन्दा सफल आईपीएल टोली मुम्बई र चेन्नई विरुद्ध आएका थिए । यी बाहेक, ७ फरक खेलाडीहरू पनि आफ्नो प्रदर्शनको आधारमा १–१ पटक प्लेयर अफ द म्याच बने ।

घरेलु मैदान बाहिर ९० प्रतिशत खेल जित्नु
१८ औं सिजनमा पञ्जाब र बैंगलोर त्यस्ता केही टोली थिए जसले घरेलु मैदानभन्दा बाहिर धेरै खेल जितेका थिए । बैंगलोरले १५ मध्ये १० खेल आफ्नो घरेलु मैदान बाहिर खेलेको थियो र त्यसमध्ये ९ खेल जितेको थियो ।

घरबाहिर आरसीबीको एक मात्र हार लखनउमा सनराइजर्स हैदराबाद विरुद्ध थियो, जसमा जितेश शर्मा कप्तान थिए । रजत पाटीदारको कप्तानीमा, टोलीले घरेलु मैदान बाहिर सबै ८ खेल जित्यो, जसमा क्वालिफायर–१ मा जित, मुल्लानपुर र अहमदाबादमा पञ्जाब किंग्सविरुद्धको फाइनल समावेश छ ।

३ फाइनल हारे, अब सफलता मिल्यो
आरसीबी प्रतियोगिताको छनोट टोलीहरूको हिस्सा हो, जसले २००८ देखि आईपीएल खेल्दै आएको छ । २०२४ सम्म, टोलीसँग उपलब्धिको नाममा कुनै ट्रफी थिएन, तर टोली ३ पटक फाइनलमा पुगेको थियो । आरसीबीले २००९, २०११ र २०१६ मा ३ फाइनल खेलेको थियो, तर तीनै वटा हार्यो ।

२०२५ भन्दा पहिले, संयोगवश बैंगलोरको लागि टोलीले पछ्याउने क्रममा तीनवटै फाइनल हारेको थियो । २००९ मा, आरसीबीले डेक्कन चार्जर्सविरुद्ध टस जित्यो, तर खेल ६ रनले हारेको थियो । २०११ र २०१६ मा, टोलीले टस हार्यो र पहिले बलिङ गर्नुपर्‍यो जसमा चेन्नई र हैदराबादसँग हार्यो ।

१८ सिजनमा पहिलो पटक, आरसीबीले फाइनलमा पहिले ब्याटिङ गर्ने मौका पायो । अहमदाबादको ब्याटिङमैत्री पिचमा टोलीले १९० रन मात्र बनाउन सक्यो । जुन बराबर स्कोर भन्दा लगभग १५–२० रन कम थियो, किनभने पञ्जाबले सोही मैदानमा मुम्बई विरुद्ध क्वालिफायर–१ मा एक ओभर बाँकी रहँदा २०४ रन पछ्याएको थियो ।

तर, यस पटक आरसीबीले आफ्नो उत्कृष्ट बलिङको आधारमा आफ्नो भाग्य परिवर्तन गर्‍यो र पञ्जाबलाई १८४ रनमा सीमित गर्‍यो र उपाधि जित्यो । अर्थात्, आरसीबीको भाग्यमा पहिलो आईपीएल जित्ने कुरा लेखिएको थियो भन्नु गलत हुनेछैन, पछ्याएर होइन तर स्कोरको रक्षा गरेर ।

यद्यपि, बैंगलोरभन्दा पहिले सनराइजर्स हैदराबाद, डेक्कन चार्जर्स, चेन्नई सुपर किंग्स (३ पटक) र मुम्बई इन्डियन्स (४ पटक) ले पनि पहिले ब्याटिङ गर्दै आईपीएलको फाइनल जितेका छन् ।

च्याम्पियन कोहलीको साथ
भारतका लागि सबै आईसीसी ट्रफी जितेका विराट कोहलीसँग २०२४ सम्म आईपीएल ट्रफी थिएन । जसका कारण उनी प्रायः सामाजिक सञ्जालमा ट्रोल हुन्थे । भनिन्थ्यो कि कोहली आरसीबीका लागि अभिशाप हुन्, जबसम्म उनी त्यहाँ छन्, बैंगलोरले आईपीएल जित्न सक्दैन ।

यी सबैका बाबजुद पनि, कोहलीले आरसीबी छोडेनन् र फ्रान्चाइजले पनि उनलाई छोडेन । १८ औं सिजन अघि, आरसीबीले कोहलीलाई २१ करोड रुपैयाँ दिएर रिटेन गर्यो । उनले लगातार तेस्रो सिजनमा ६०० भन्दा बढी रन बनाए र ब्याटिङको जिम्मेवारी सम्हाले ।

फाइनलमा उनले ३५ बलमा ४३ रनको सुस्त इनिङ खेले, तर खेल समाप्त भएपछि उनको इनिङका कारण आरसीबीका बाँकी ब्याट्सम्यानहरूले विकेटको चिन्ता नगरी स्वतन्त्र रूपमा सट खेल्न पाए । टोलीले १९० रन बनाएको थियो, जसमा कोहली सर्वाधिक रन बनाउने खेलाडी थिए ।

जब पञ्जाबले पाँचौं ओभरमा आफ्नो पहिलो विकेट गुमायो, कोहलीले आफ्नो परम्परागत शैलीमा उत्सव मनाउन थाले । उनको कार्यबाट स्पष्ट थियो कि उनले जितको आशा त्यागेका छैनन् ।

पञ्जाबको प्रत्येक विकेटसँगै उनीहरूको आशा बढ्दै गयो । अन्तिम ६ बलमा २९ रन बचाउनु पर्दा पनि कोहलीको आँखामा हारको डर स्पष्ट देखिन्थ्यो ।

२० औं ओभरको पहिलो दुई डट बल जोश हेजलवुडले फाल्ने बित्तिकै कोहलीको आँखा रातो भयो । उनी भावुक भए । खेलपछि विराटले भने कि त्यो क्षणमा उनले आरसीबीसँग बिताएका १७ सिजनको असफलता आफ्नो अगाडि देखे ।

उनलाई लाग्यो कि पर्खाइ सफल भयो । खेल सकिएपछि विराटले आफ्नो अनुहार मैदानमा लुकाए र धुरुधुरु रुन थाले । उनको आँसुले हरेक क्रिकेट फ्यानलाई केही हदसम्म भावुक बनायो ।

जब कोहलीले ट्रफी लिएर उत्सव मनाउन थाले, स्टेडियममा उपस्थित प्रत्येक आरसीबी फ्यानको तपस्या पूरा भएको जस्तो महसुस भयो । बैंगलोरका फ्यानहरूले १७ वर्षदेखि जुन वफादारीको बारेमा कुरा गरिरहेका थिए, त्यसको प्रतिफल आरसीबीले ट्रफी जितेर पायो ।

अर्कोतर्फ, विराट १२ महिना भित्रमा भाग लिएका हरेक प्रतियोगितामा च्याम्पियन पनि बने । २९ जुन २०२४ मा उनले भारतको लागि टी–२० विश्वकप जिते, ९ मार्च २०२५ मा उनले च्याम्पियन्स ट्रफी जिते र अब जुन ३ मा उनले आईपीएल जिते ।

काठमाडौँ । इन्डियन प्रिमियर लिग (आईपीएल) २०२५ ले नयाँ विजेता पाएको छ ।

रोयल च्यालेन्जर्स बैंगलोर (आरसीबी) ले पञ्जाब किंग्सलाई ६ रनले हराउँदै १८ औं सिजनको उपाधि जितेको हो । आरसीबीले पहिलो पटक आईपीएलको उपाधि जित्दा पञ्जाबको ट्रफी जित्ने पर्खाइ भने बढेको छ ।

उपाधि जितेपछि, आरसीबीले चम्किलो ट्रफीसँगै २० करोड भारु विजेता पुरस्कार पायो । जबकि उपविजेता पीबीकेएसले १२.५ करोड रुपैयाँमा चित्त बुझाउनु पर्यो ।

तेस्रो स्थानमा रहेको मुम्बई इन्डियन्सले ७ करोड रुपैयाँ र चौथो स्थानमा रहेको टोली गुजरात टाइटन्सले ६.५० करोड रुपैयाँ पायो ।

सिजनमा सबैभन्दा धेरै (७५९ रन) बनाएका गुजरातका साई सुदर्शनलाई ओरेन्ज क्याप दिइएको थियो भने २५ विकेट लिएका गुजरातकै प्रसिद्ध कृष्णलाई पर्पल क्याप दिइयो । राजस्थान रोयल्सका १४ वर्षीय वैभव सूर्यवंशी सिजनको सुपर स्ट्राइकर बने । उनीहरुले १०–१० लाख पुरस्कार पाए ।

प्लेयर अफ द टुर्नामेन्ट भने मुम्बई इन्डियन्सका सुर्यकुमार यादव घोषित भए । उनले १५ लाख प्राप्त गरे ।

साई सुदर्शन अल्टिमेट फेन्टासी प्लेयर अफ द सिजन, सुदर्शनले नै सबैभन्दा धेरै चौका प्रहार गरे । उनले ८८ चौका प्रहार गरे । यसबाट पनि उनले १०–१० लाख प्राप्त गरे । सबैभन्दा बढी छक्का निकोलस पूरनले प्रहार गरे । उनले ४० छक्का प्रहार गरे ।

ग्रिन डट बल (११५) मोहम्मद सिराज, क्याच अफ द सिजन कमिन्दु मेन्डिस भए । उनीहरुले १०–१० लाख प्राप्त गरे । यस्तै, सुपर स्ट्राइकर अफ द सिजन वैभव सूर्यवंशी भए । उनले टाटा कर्भ गाडी प्राप्त गरे ।

एजेन्सी । आईपीएल २०२५ को फाइनल खेल आज रोयल च्यालेन्जर्स बैंगलोर र पञ्जाब किंग्सबीच अहमदाबादको नरेन्द्र मोदी स्टेडियममा हुँदैछ ।

खेल नेपाली समयानुसार राति पौने आठ बजे सुरु हुनेछ । फाइनलमा वर्षाले बाधक बनाउने सम्भावना रहेको छ ।

भारतीय मौसम विभागले अहमदाबादमा हल्का वर्षाको चेतावनी जारी गरेको छ । यद्यपि, क्रिकेट प्रशंसकहरूले यसबारे धेरै चिन्ता लिनुपर्दैन, किनकि नरेन्द्र मोदी स्टेडियम अत्याधुनिक उप–माटो निकास प्रणालीले सुसज्जित छ ।

स्टेडियममा एक अद्वितीय घुमाउरो प्रणाली निर्माण गरिएको छ । जसको माध्यमबाट, वर्षाको अवस्थामा पनि पिच र मैदानमा कुनै उल्लेखनीय प्रभाव पर्ने छैन । पानी रोकिएको आधा घण्टामै मैदान सुकाइने छ ।

यस कारणले गर्दा नरेन्द्र मोदी रंगशालाले आधुनिक क्रिकेट रंगशाला पूर्वाधारको लागि एक बेन्चमार्क स्थापित गरेको छ । यो आधुनिक प्रविधि आईपीएल क्वालिफायर–२ को समयमा पनि प्रभावकारी साबित भयो ।

आईपीएलले ३ वर्षपछि नयाँ च्याम्पियन पाउनेछ । आईपीएलले अन्तिम पटक २०२२ मा नयाँ च्याम्पियन पाएको थियो, जहाँ गुजरात टाइटन्सले फाइनलमा राजस्थानलाई हराउँदै उपाधि चुमेको थियो ।

बैंगलोर चौथो पटक र पञ्जाब दोस्रो पटक फाइनलमा पुगेका छन् । यो दुई टोली बीचको पहिलो फाइनल हुनेछ । आरसीबीले २००९, २०११ र २०१६ मा फाइनल हारेको थियो भने पीबीकेएसले २०१४ मा एक मात्र फाइनल हारेको थियो ।

आईपीएलको इतिहासमा हालसम्म पीबीकेएस र आरसीबी बीच ३६ खेल खेलिएका छन् । दुवैले १८–१८ खेल जितेका छन् । दुवै टोली नरेन्द्र मोदी रंगशालामा दोस्रो पटक भिड्नेछन् ।

यस सिजनको क्वालिफायर–१ मा पनि यी दुई टोली आमनेसामने भएका थिए, जहाँ बैंगलोरले खेल ८ विकेटले जितेको थियो । यो सिजनमा यी दुई टोलीबीचको चौथो खेल हुनेछ । बैंगलोरले २ पटक र पञ्जाबले १ पटक जितेको छ ।

काठमाडौँ । कप्तान श्रेयस अय्यरको अविजित अर्धशतकको मद्दतले पञ्जाब किंग्सले क्वालिफायर–२ खेलमा मुम्बई इन्डियन्सलाई पाँच विकेटले पराजित गर्दै आईपीएल २०२५ को फाइनलमा स्थान बनाएको छ ।

पहिले ब्याटिङ गर्दै मुम्बईले २० ओभरमा ६ विकेट गुमाएर २०३ रन बनाएको थियो भने जवाफमा पञ्जाबले श्रेयसको बलियो अर्धशतकीय पारीको मद्दतले १९ ओभरमा पाँच विकेट गुमाएर २०७ रन बनाएर जित हात पार्यो ।

पञ्जाब २०१४ पछि पहिलो पटक फाइनलमा प्रवेश गरेको हो । अब, उसले जुन ३ मा अहमदाबादको सोही नरेन्द्र मोदी रंगशालामा रोयल च्यालेन्जर्स बैंगलोर (आरसीबी)सँग प्रतिस्पर्धा गर्नेछ । आरसीबीले क्वालिफायर–१ खेलमा पञ्जाबलाई नै हराउँदै फाइनलमा स्थान बनाएको थियो ।

पाँच पटकको च्याम्पियन मुम्बईको यात्रा क्वालिफायर–२ मा समाप्त भयो । टोलीले एलिमिनेटरमा गुजरातलाई हराएको थियो, तर हार्दिक पाण्ड्याको नेतृत्वमा रहेको टोलीले क्वालिफायर–२ पार गर्न सकेन ।

पञ्जाब र आरसीबीले अहिलेसम्म कहिल्यै आईपीएल ट्रफी जितेका छैनन्, त्यसैले अब प्रतियोगिताले नयाँ च्याम्पियन पाउने निश्चित छ ।

श्रेयस अय्यरले टोलीलाई जित दिलाए
लक्ष्य पछ्याउने क्रममा पञ्जाब किंग्सको सुरुवात राम्रो भएन र टोलीले केवल ७२ रनमा तीन विकेट गुमायो । यसपछि श्रेयस र नेहल वढेराले चौथो विकेटको लागि ८४ रनको साझेदारी गरे । यस क्रममा श्रेयसले २७ बलमा आफ्नो अर्धशतक पूरा गरे ।

श्रेयस र वढेरा बीचको साझेदारी अश्विनी कुमारले तोडेका थिए जसले ४८ रन बनाएपछि वढेरालाई आउट गरेका थिए । यद्यपि, श्रेयस क्रिजमा रहे र १९ औं ओभरको अन्तिम बलमा छक्का प्रहार गर्दै टोलीलाई जित दिलाए । श्रेयसले ४१ बलमा पाँच चौका र आठ छक्काको मद्दतले ८७ रन बनाउँदै अविजित रहे ।

पञ्जाब किंग्सका लागि प्रियांश आर्यले २०, जोश इन्ग्लिसले ३८ र प्रभसिमरन सिंहले ६ रन बनाए । शशांक सिंह दुई रन बनाएर आउट भए भने स्टोइनिस दुई रन बनाएर अविजित रहे । मुम्बईका लागि अश्विनी कुमारले दुई विकेट लिए भने ट्रेन्ट बोल्ट र हार्दिक पाण्ड्याले एक–एक विकेट लिए ।

सूर्यकुमार र तिलकले मुम्बईलाई बलियो स्कोरमा पुर्याए
मुम्बईका लागि जोनी बेयरस्टो (३८), तिलक वर्मा (४४) र सूर्य कुमार यादव (४४) ले ठूलो स्कोरको जग बसाले । नमन धीरले पनि १८ बलमा ३३ रन बनाएर टोलीलाई २०० रन पार गरे । रोहित शर्मा (आठ)ले गत खेलमा जस्तै पाएको राहतको अधिकतम सदुपयोग गर्न सकेनन् ।

तेस्रो ओभरमा, अज्मतुल्लाह उमरजाईले काइल जेमिसनको बलमा कठिन क्याच छोडे । यद्यपि, अर्को ओभरमा, रोहितले आफ्नो मनपर्ने पूल शट खेले तर मार्कस स्टोइनिसको बलमा विशाल विजयकुमारले उनलाई क्याच आउट गरे ।

सुरुवाती झट्काबाट विचलित नभई, मुम्बईले प्रति ओभर दस रनको दरले स्कोर गर्न जारी राख्यो । दोस्रो बलमा तिलकले छक्का प्रहार गरे भने बेयरस्टो पनि अर्को छेउबाट आक्रामक खेलिरहेका थिए । दुवैले दोस्रो विकेटको लागि ५१ रनको साझेदारी गरे ।

पावरप्लेमा मुम्बईले छ ओभरमा एक विकेटको क्षतिमा ६५ रन बनायो । छैटौं ओभरमा उमरजाईलाई केही उत्कृष्ट स्ट्रोक प्रहार गर्दै बेयरस्टोले १५ रन बनाए । तर अर्को ओभरमा विजय कुमारको बलमा विकेटकिपर जोश इन्ग्लिसले उनलाई क्याच आउट गरे ।

सूर्यकुमार आउने बित्तिकै पञ्जाबले स्पिनर युजवेन्द्र चहललाई बल दियो तर चहलले आफ्नो अन्तिम ओभरमा मात्र विकेट लिन सके । सूर्यकुमारले २६ बलमा ४४ रन बनाए जसमा चार चौका र तीन छक्का समावेश थिए ।

उनले चहलको अन्तिम ओभरको पाँचौं बलमा फ्रन्टफुटमा खेल्ने प्रयास गरे र डीप मिडविकेटमा नेहल वढेराको हातबाट क्याच आउट भए । उनले तिलकसँग तेस्रो विकेटको लागि ७२ रन जोडे ।

दुई बलपछि, तिलक पनि २९ बलमा दुई छक्का र दुई चौकाको मद्दतले ४४ रन बनाएर पभेलियन फर्किए । काइल जेमिसनको बलमा मिडअफमा प्रियांश आर्यको हातबाट क्याच आउट भएपछि उनी फर्किए । मुम्बईका कप्तान हार्दिक पाण्ड्याले १२ बलमा १५ रन बनाए ।

पञ्जाबका लागि उमरजाईले दुई तथा काइल जेमिनसन, विजय कुमार, चहल र स्टोइनिसले एक–एक विकेट लिए ।

काठमाडौँ । इन्डियन प्रिमियर लिग (आईपीएल) २०२५ को क्वालिफायर–२ खेल आज मुम्बई इन्डियन्स र पञ्जाब किंग्सबीच हुँदैछ ।

खेल अहमदाबादको नरेन्द्र मोदी रंगशालामा साँझ ७ः४५ बजे सुरु हुनेछ ।

यस खेलको विजेता टोलीले जुन ३ मा हुने फाइनलमा रोयल च्यालेन्जर्स बैंगलोर (आरसीबी)सँग प्रतिस्पर्धा गर्नेछ, जसले क्वालिफायर–१ जितेर फाइनलमा स्थान बनाइसकेको छ।

एलिमिनेटर खेलमा गुजरात टाइटन्सलाई हराउँदै मुम्बईले क्वालिफायर–२ मा स्थान बनाएको हो भने बैंगलोरसँग हारेको पञ्जाबलाई फाइनल पुग्ने आज एक मौका छ ।

दुवै टोली प्लेअफमा पहिलो पटक आमनेसामने हुनेछन् । साथै, यी दुवै सिजनमा दोस्रो पटक एकअर्कासँग आमनेसामने हुनेछन् । पछिल्लो पटक पञ्जाबले मुम्बईलाई ७ विकेटले पराजित गरेको थियो ।

आइपीएलमा अहिलेसम्म मुम्बई र पञ्जाबबीच ३३ खेल खेलिएका छन् । एमआईले १७ मा जित्दा पीबीकेएसले १६ खेल जितेको छ ।

सूर्य–रोहित उत्कृष्ट लयमा
यस सिजनमा एमआईका लागि सबैभन्दा धेरै रन बनाएका सूर्यकुमार यादव उत्कृष्ट लयमा छन् । उनको अहिले १५ खेलमा ६७३ रन छ । सूर्य कुनै पनि टी–२० लिगको एक सिजनमा सबैभन्दा धेरै २५ं प्लस स्कोर गर्ने खेलाडी हुन् । उनले यो उपलब्धि १५ पटक गरिसकेका छन् ।

अर्कोतर्फ ओपनर रोहित शर्माले अन्तिम खेलमा गुजरात विरुद्ध उत्कृष्ट ८१ रन बनाएका थिए । उनले आइपीएलमा आफ्नो ३०० छक्का पनि पूरा गरे ।

बलिङतर्फ ट्रेन्ट बोल्टले सुरुवाती ओभरहरूमा विकेट लिइरहेका छन् । हालसम्म उनले १५ खेलमा २१ विकेट लिएका छन् । उनको साथमा योर्कर विशेषज्ञ जसप्रीत बुमराह र मिचेल सान्टनर पनि छन् ।

पञ्जाबलाई श्रेयस अय्यरबाट आशा
पञ्जाबका कप्तान श्रेयस अय्यरले टोलीलाई ठूलो स्कोरमा पुर्‍याउने अपेक्षा गरिएको छ । क्वालिफायर १ मा बेंगलुरु विरुद्ध केवल एक रनमा अलआउट भएपछि अय्यरको टोली घरेलु मैदानमा पराजित भयो ।

ओपनर प्रभसिमरन सिंह टोलीका शीर्ष ब्याट्सम्यान हुन् । उनले १६७.८३ को स्ट्राइक रेटमा ५१७ रन बनाएका छन् । उनलाई साथ दिन प्रियांश आर्य पनि छन् ।

बायाँ हाते फास्ट बलर अर्शदीप सिंहले पञ्जाबका लागि प्रतियोगितामा सबैभन्दा धेरै विकेट लिएका छन् । उनले अहिलेसम्म १५ खेलमा १८ विकेट लिएका छन् । चोटपछि युजवेन्द्र चहल यस खेलबाट पुनरागमन गर्न सक्छन् । अर्शदीप बाहेक, सुरुवाती ओभरहरूमा अजमतुल्लाह उमरजाईले पनि विकेट लिने अपेक्षा पञ्जाबले गरेको छ ।

कस्तो छ पिच ?
नरेन्द्र मोदी रंगशालाको पिच ब्याट्सम्यानको पक्षमा छ, तर स्पिन बलरहरूले पनि बीचको ओभरमा केही सहयोग पाउन सक्छन् । यस पिचमा २०० भन्दा माथिको स्कोरलाई लक्ष्य रक्षा गर्ने मानिनेछ । यस स्टेडियममा हालसम्म ४२ वटा आईपीएल खेलहरू खेलिएका छन् ।

यहाँ पहिले ब्याटिङ गर्ने टोलीले २१ खेल जितेको छ भने दोस्रो इनिङमा ब्याटिङ गर्ने टोलीले पनि २१ खेल जितेको छ । यहाँको उच्चतम टोली स्कोर २४३–५ हो, जुन यस सिजनमा पञ्जाब किंग्सले गुजरात टाइटन्स विरुद्ध बनाएको थियो ।

आइतबार अहमदाबादको मौसम धेरै गर्मी हुनेछ । घाम पनि निकै कडा हुनेछ । वर्षाको सम्भावना छैन । खेलको दिन यहाँको तापक्रम २८ देखि ३८ डिग्री सेल्सियस बीचमा रहन सक्छ ।

काठमाडौँ । आईपीएल २०२५ अन्तर्गत एलिमिनेटर खेलमा मुम्बई इन्डियन्सले गुजरात टाइटन्सलाई २० रनले हरायो ।

यो जितसँगै हार्दिक पाण्ड्याको नेतृत्वमा रहेको टोली क्वालिफायर–२ मा पुगेको छ । अब, उसले जुन १ मा अहमदाबादमा पञ्जाब किंग्सको सामना गर्नेछ ।

शुक्रबार नयाँ चण्डीगढमा खेलिएको एलिमिनेटर खेलमा मुम्बई इन्डियन्सले टस जितेर पहिले ब्याटिङ गर्ने निर्णय गर्दै २० ओभरमा पाँच विकेट गुमाउँदै २२८ रन बनाएको थियो ।

जवाफमा गुजरातले निर्धारित ओभरमा ६ विकेट गुमाउँदै २०८ रन मात्र बनाउन सक्यो । उनीहरूका लागि साई सुदर्शनले ८० रनको सानदार पारी खेलेपनि टोलिलाई जिताउन सकेनन् ।

गुजरातको सुरुवात कमजोर रह्यो । कप्तान शुभमन गिलले केवल एक रन मात्र बनाउन सके । उनी ट्रेन्ट बोल्टको शिकार बने । यसपछि कुसल मेन्डिस क्रिजमा आए र हिट विकेट लिएर पेभिलियन फर्किए । उनले साई सुदर्शनसँग ३४ बलमा ६४ रनको साझेदारी गरे ।

त्यसपछि सुदर्शनले वाशिंगटन सुन्दरको साथ पाए । दुवै बीच ४४ बलमा ८४ रनको साझेदारी भयो । सुन्दरले ४८ र सुदर्शनले ८० रन बनाए । जबकि, रदरफोर्डले २४ र शाहरुख खानले १३ रन बनाए ।

राहुल तेवाटिया १६ रनमा अविजित रहे भने राशिद खान खाता नखोलीकनै अविजित रहे । मुम्बई इन्डियन्सका लागि ट्रेन्ट बोल्टले दुई विकेट लिए भने जसप्रित बुमराह, रिचर्ड ग्लीसन, मिचेल सान्टनर र अश्विनी कुमारले एक–एक विकेट लिए ।

यसअघि, रोहित शर्मा र जोनी बेयरस्टोको ओपनिङ जोडीले मुम्बईलाई द्रुत सुरुवात दिलाए । पहिलो विकेटको लागि दुवै बीच ८४ रनको साझेदारी भयो । साई किशोरले यस खेलमा डेब्यू गरिरहेका बेयरस्टोलाई जेराल्ड कोएत्जीबाट क्याच गराए ।

उनी २२ बलमा चार चौका र तीन छक्काको मद्दतले ४७ रन बनाएपछि आउट भए । यसपछि रोहितलाई सूर्यकुमार यादवको साथ मिल्यो । दुवैले ३४ बलमा ५९ रन जोडे । यस क्रममा सूर्यकुमारले २० बलको सामना गरे र ३३ रन बनाएर पभेलियन फर्किए ।

यस खेलमा रोहित शर्माले २८ बलमा आफ्नो अर्धशतक पूरा गरे । यसबाहेक, उनले आईपीएलमा ३०० छक्का पनि पूरा गरे । उनी आईपीएलमा ३०० छक्का प्रहार गर्ने पहिलो सक्रिय खेलाडी बने । अब उनको नाममा ३०२ छक्का दर्ता भएका छन् ।

रोहितले तिलक वर्मासँग तेस्रो विकेटको लागि २२ बलमा ४३ रन जोडे । पूर्व कप्तानले ५० बलमा नौ चौका र चार छक्काको मद्दतले ८१ रन बनाउन सफल भए ।

सोही समयमा, तिलक ११ बलमा २५ रन बनाएर आउट भए भने नमन धीर नौ रन बनाएर आउट भए । हार्दिक पाण्ड्या नौ बलमा तीन छक्काको मद्दतले २२ रनमा अविजित रहे भने सान्टनरले खाता नखोलीकनै अविजित रहे । गुजरातका लागि प्रसिद्ध कृष्ण र साई किशोरले समान दुई विकेट लिए भने मोहम्मद सिराजले एक विकेट लिए ।

काठमाडौँ । आईपीएल २०२५ को एलिमिनेटर खेल आज मुम्बई इन्डियन्स र गुजरात टाइटन्सबीच हुँदैछ ।

खेल मुल्लानपुरको महाराजा यादविन्द्र सिंह अन्तर्राष्ट्रिय रंगशालामा साँझ ७ः४५ बजे सुरु हुनेछ ।

आज हार्ने टोलीको यात्रा यहीँ समाप्त हुनेछ भने विजेता टोलीले क्वालिफायर–२ मा पञ्जाब किंग्ससँग खेल्नेछ ।

दुवै टोली प्लेअफमा दोस्रो पटक आमनेसामने हुनेछन् । यसअघि उनीहरू २०२३ को क्वालिफायर–२ मा भिडेका थिए । जसमा गुजरातले मुम्बईलाई ६२ रनले पराजित गरेको थियो ।

आईपीएलमा मुम्बई इन्डियन्स र गुजरात टाइटन्सबीच अहिलेसम्म जम्मा ७ खेल खेलिएका छन् । जसमध्ये गुजरातले ५ खेल जितेको छ भने मुम्बईले २ खेल मात्र जितेको छ । दुवै टोली सिजनमा तेस्रो पटक आमनेसामने हुनेछन् ।

यसअघिका दुई खेलमा गुजरातले दुवै पटक जितेको थियो । दुवै टोली पहिलो पटक महाराजा यादविन्द्र सिंह अन्तर्राष्ट्रिय रंगशालामा भिड्नेछन् ।

मुम्बई इन्डियन्सले पाँचौं पटक एलिमिनेटर खेल खेल्दै
मुम्बई इन्डियन्सले पाँचौं पटक आईपीएल एलिमिनेटर खेल खेल्नेछ । यसअघि उसले २०११, २०१२, २०१४ र २०२३ मा एलिमिनेटर खेलेको थियो । यी सबै सिजनमा टोली उपाधि जित्ने त परको कुरा फाइनलसम्म पुग्न सकेन ।

२०११ र २०२३ मा एलिमिनेटर जितेको मुम्बई क्वालिफायर–२ मा हार्न पुग्यो । जबकि, २०१२ र २०१४ मा, यो एलिमिनेटरमा नै हारेर बाहिरिएको थियो । अर्कोतर्फ गुजरातले भने पहिलो पटक एलिमिनेटर खेल खेल्नेछ ।

मुम्बईको शीर्ष अर्डर उत्कृष्ट लयमा छ । पूर्व कप्तान रोहित शर्माले ३ अर्धशतक र १४७.५३ को स्ट्राइक रेटसहित ३२९ रन बनाएका छन् । सूर्यकुमार यादव यस सिजनमा उत्कृष्ट ब्याटिङ गरिरहेका छन् । उनले १६७.९७ को स्ट्राइक रेटमा ६४० रन बनाएका छन् ।

बायाँ हाते फास्ट बलर ट्रेन्ट बोल्टले एमआईबाट सबैभन्दा धेरै विकेट लिएका छन् । उनले १४ खेलमा १९ विकेट लिएका छन् । जसप्रीत बुमराहले अहिलेसम्म १० खेलमा १७ विकेट लिएका छन् ।

यस सिजनमा गुजरातका ओपनरहरू पनि उत्कृष्ट लयमा छन् । बायाँ हाते ब्याट्सम्यान साई सुदर्शन सिजन र टोलीको सर्वाधिक स्कोरर हुन् । उनले अहिलेसम्म १५५.३७ को स्ट्राइक रेटमा ६७९ रन बनाएका छन् । उनले यस सिजनमा ५ अर्धशतक बनाएका छन् । कप्तान शुभमन गिलले अहिलेसम्म ६ अर्धशतकसहित ६४९ रन बनाएका छन् । उनको स्ट्राइक रेट १५६.३८ छ । गिल सिजनको दोस्रो सर्वाधिक स्कोरर हुन् ।

तीव्र गतिका बलर प्रसिद्ध कृष्ण सिजनमा दोस्रो सर्वाधिक विकेट लिने बलर हुन् । उनले अहिलेसम्म १४ खेलमा २३ विकेट लिएका छन् । यस अवधिमा उनको इकोनोमी रेट ७.९० रहेको छ । प्रसिद्ध सर्वाधिक विकेट लिने बलर चेन्नईका नूर अहमदभन्दा १ विकेट पछाडि छन् । टोलीमा मोहम्मद सिराज र इशान्त शर्मा जस्ता अनुभवी बलरहरू पनि छन् ।

महाराजा यादविन्द्र सिंह अन्तर्राष्ट्रिय रंगशालाको पिचले ब्याट्सम्यानहरूलाई मद्दत गर्छ । यहाँ अहिलेसम्म १० वटा आईपीएल खेल भइसकेका छन् । यहाँको उच्चतम टोली स्कोर २१९–६ हो, जुन पञ्जाबले यस सिजनमा चेन्नई सुपर किंग्स विरुद्ध बनाएको थियो ।

शुक्रबार मुल्लानपुरमा धेरै गर्मी हुने छैन । आज दिनभरि बादल लाग्नेछ । वर्षाको सम्भावना छैन । तापक्रम २६ देखि ३७ डिग्री सेल्सियस सम्म हुन सक्छ ।

काठमाडौँ । बलरहरूको उत्कृष्ट प्रदर्शनपछि, फिल साल्टको अर्धशतकको मद्दतले, रोयल च्यालेन्जर्स बैंगलोर (आरसीबी)ले क्वालिफायर–१ खेलमा पञ्जाब किंग्सलाई हराउँदै आईपीएल २०२५ को फाइनलमा स्थान बनाएको छ ।

आरसीबीले टस जितेर पहिले बलिङ गर्ने निर्णय गर्‍यो र पञ्जाबलाई १४.१ ओभरमा केवल १०१ रनमा अलआउट गर्‍यो । जवाफमा आरसीबीले १० ओभरमा दुई विकेट गुमाएर १०६ रन बनाएर खेल जित्यो ।

आरसीबी टोली अब आफ्नो पहिलो उपाधि जित्नबाट एक कदम टाढा छ । हारका बाबजुद पनि पञ्जाबसँग उपाधि खेलमा प्रवेश गर्ने मौका छ । समूह चरणमा शीर्ष स्थानमा रहेको पञ्जाबले अतिरिक्त मौका पाउनेछ ।

पञ्जाबले आइतबार हुने क्वालिफायर–२ मा शुक्रबारको गुजरात टाइटन्स र मुम्बई इन्डियन्सबीचको एलिमिनेटर खेलको विजेतासँग प्रतिस्पर्धा गर्नेछ । यदि पञ्जाबले त्यो खेल जित्न सफल भयो भने, उसले फाइनलमा पुग्नेछ जहाँ उसले जुन ३ मा अहमदाबादमा आरसीबीको सामना गर्नेछ ।

आरसीबी चौथो पटक फाइनलमा
यससँगै आरसीबीले आईपीएलको फाइनलमा पुग्ने नौ वर्षको खडेरी समाप्त गरेको छ । आरसीबीले अन्तिम पटक २०१६ मा फाइनलमा पुगेको थियो र त्यसबेलादेखि उनीहरू फाइनलमा प्रवेश गर्न संघर्ष गरिरहेका छन् ।

गत सिजन, आरसीबीको यात्रा एलिमिनेटरमा समाप्त भएको थियो, तर यस पटक टोलीसँग उपाधि जित्ने सुनौलो अवसर छ । आरसीबीले २००९, २०११, २०१६ मा पनि फाइनलमा स्थान बनाएको थियो, तर टोलीले हार बेहोर्नुपरेको थियो ।

साल्टको बलियो प्रदर्शन
कम लक्ष्य पछ्याउँदै, आरसीबीले विराट कोहलीको विकेट सुरुमै गुमायो, जो १२ बलमा दुई चौकाको मद्दतले १२ रन बनाएर आउट भए । यसपछि साल्ट र मयंक यादवले इनिङलाई अगाडि बढाए र टोलीलाई जितको नजिक पुर्‍याए ।

तर, मुशीर खानले मयंकलाई श्रेयस अय्यरको हातबाट क्याच गराएर पभेलियन पठाए । मयंकले १३ बलमा दुई चौका र एक छक्काको मद्दतले १९ रन बनाएपछि आउट भ ए। साल्टले निरन्तरता दिए र २३ बलमा आफ्नो अर्धशतक पूरा गरे ।

यो आईपीएल प्लेअफमा आरसीबीले बनाएको सबैभन्दा कम बल संख्या हो । यस सन्दर्भमा साल्टले क्रिस गेललाई उछिने, जसले २०१६ मा सनराइजर्स हैदराबाद विरुद्ध २५ बलमा अर्धशतक बनाएका थिए ।

साल्ट यतिमै रोकिएनन् र टोलीले जित नपाएसम्म क्रिजमा रहे । कप्तान रजत पाटीदारले मुशीर खानको बलमा छक्का प्रहार गर्दै टोलीलाई फाइनलमा पुर्‍याए ।

साल्टले २७ बलमा छ चौका र तीन छक्काको मद्दतले ५६ रनमा अविजित रहे भने पाटीदारले आठ बलमा एक चौका र एक छक्काको मद्दतले १५ रन बनाए ।

पञ्जाबको निराशाजनक प्रदर्शन
यसअघि पञ्जाबको ब्याटिङ निकै कमजोर थियो र टोलीले निराशाजनक प्रदर्शन गर्‍यो । उसका लागि मार्कस स्टोइनिसले सर्वाधिक २६ रन बनाए । जबकि, प्रभसिमरन र अज्मतुल्लाह उमरजाई १८–१८ रन बनाएर आउट भए । उसका छ जना ब्याट्सम्यानले दोहोरो अंक पनि छुन सकेनन् ।

पञ्जाबको ब्याटिङ यति कमजोर थियो कि टोलीले पूरा २० ओभर पनि खेल्न सकेन । यससँगै पञ्जाबले आफ्नो नाममा अनावश्यक रेकर्ड दर्ता गराएको छ । योसँगै पञ्जाबको टोली आइपीएल प्लेअफमा सबैभन्दा कम ओभर ब्याटिङ गर्ने टोली बनेको छ ।

यसले २००८ मा दिल्ली डेयरडेभिल्स (अहिले क्यापिटल्स)ले बनाएको यो अवांछित रेकर्डलाई तोड्यो । त्यतिबेला दिल्लीको टोलीले राजस्थान रोयल्स विरुद्ध १६.१ ओभर मात्र ब्याटिङ गरेको थियो । यो आईपीएल प्लेअफमा संयुक्त तेस्रो सबैभन्दा कम योगफल पनि हो ।

आरसीबीका लागि जोश हेजलवुड र सुयश शर्माले तीन–तीन विकेट लिए भने यश दयालले दुई विकेट लिए। यसबाहेक भुवनेश्वर कुमार र रोमारियो शेफर्डले एक–एक सफलता पाए ।

काठमाडौँ । मंगलबार लखनउको एकाना क्रिकेट स्टेडियममा रोयल च्यालेन्जर्स बैंगलोर र विराट कोहलीको नाममा कीर्तिमान बने ।

आरसीबीले आईपीएलकै तेस्रो र आफ्नो सबैभन्दा ठूलो रन चेस गर्यो
आरसीबीले आईपीएल इतिहासमा तेस्रो सबैभन्दा ठूलो लक्ष्य पछ्यायो । एकाना रंगशालामा भएको यो जितसँगै आरसीबीले चालू सिजनको अंक तालिकामा दोस्रो स्थान हासिल गरेको छ । अब टोलीले मे २९ मा पञ्जाब किंग्ससँग क्वालिफायर–१ खेल्नेछ ।

कोहलीले आरसीबीका लागि ९ हजार रन पूरा गरे
टी–२० क्रिकेटमा एकै टोलीका लागि धेरै रन बनाउने खेलाडीको सूचीमा विराट कोहली शीर्ष स्थानमा छन् । उनले रोयल च्यालेन्जर्स बैंगलोर (आरसीबी)का लागि आफ्नो ९ हजार रन पूरा गरे ।

उनले अहिलेसम्म ९०२३ रन बनाएका छन् । हिजो आवेश खानको पाँचौं ओभरको दोस्रो बलमा चौका प्रहार गर्दै कोहलीले यो उपलब्धि हासिल गरेका हुन् ।

दोस्रो स्थानमा रोहित शर्मा छन्, जसले मुम्बई इन्डियन्स (एमआई)का लागि ६०६० रन बनाएका छन् । तेस्रो नम्बरमा इङ्ल्यान्डका ब्याट्सम्यान जेम्स भिन्स छन्, जसले ह्याम्पशायरका लागि ५९३४ रन बनाएका छन् ।

कोहली आइपीएलमा सबैभन्दा धेरै अर्धशतक बनाउने ब्याट्सम्यान
आईपीएल इतिहासमा सबैभन्दा धेरै अर्धशतक बनाउने खेलाडीहरूको सूचीमा विराट कोहली शीर्ष स्थानमा पुगेका छन् । उनले २६६ खेलमा ६३ अर्धशतक बनाएका छन् । उनको ठीक पछाडि डेभिड वार्नर छन्, जसले १८४ खेलमा ६२ पटक पचास वा सोभन्दा बढी रन बनाएका छन् । शिखर धवन २२२ खेलमा ५१ अर्धशतकसहित तेस्रो स्थानमा छन् । जबकि रोहित शर्माले २७० खेलमा ४६ अर्धशतक बनाएका छन् ।

लखनउका लागि ऋषभको सबैभन्दा छिटो शतक
यसै खेलबाट ऋषभ पन्त लखनऊ सुपर जायन्ट्सका लागि सबैभन्दा छिटो शतक बनाउने खेलाडी बने । उनले आरसीबी विरुद्ध मात्र ५४ बलमा शानदार शतक प्रहार गरे । उनीपछि केएल राहुल छन्, जसले २०२२ मा ब्राबोर्न स्टेडियममा मुम्बई इन्डियन्सविरुद्ध ५६ बलमा शतक बनाएका थिए ।

२०२४ मा चेन्नईको मैदानमा मार्कस स्टोइनिसले पनि त्यति नै बलमा शतक बनाएका थिए ।

मिचेल मार्शले पनि २०२५ मा अहमदाबादमा गुजरात टाइटन्स विरुद्ध मात्र ५६ बलमा शतक बनाएका थिए । त्यसैगरी, २०२२ मा डीवाई पाटिल स्टेडियममा कोलकाता नाइट राइडर्स विरुद्ध क्विन्टन डी ककले ५९ बलमा शतक बनाएका थिए ।

मार्श एकै सिजनमा लखनउका लागि सर्वाधिक रन बनाउने खेलाडी
मिचेल मार्श लखनऊ सुपर जायन्ट्सका लागि एक सिजनमा सर्वाधिक रन बनाउने खेलाडी बने । उनले अहिलेसम्म ६२७ रन बनाएका छन् । उनीपछि केएल राहुल छन्, जसले २०२२ मा ६१६ रन बनाएका थिए । २०२५ मा नै निकोलस पूरनले पनि उत्कृष्ट प्रदर्शन गर्दै ५२४ रन बनाएका थिए ।

लखनउका लागि पन्त–मार्शको दोस्रो उच्च साझेदारी
लखनऊ सुपर जायन्ट्सका लागि ऋषभ पन्त र मिचेल मार्शले दोस्रो उच्च साझेदारी गरे । उनीहरूले मिलेर १५२ रन जोडे । एलएसजीको लागि अहिलेसम्मकै उच्च साझेदारी क्विन्टन डी कक र केएल राहुल बीचको हो । यो जोडीले २०२२ मा मुम्बईको डीवाई पाटिल स्टेडियममा कोलकाता नाइट राइडर्स विरुद्ध २१० रनको कीर्तिमानी अविजित साझेदारी गरेका थिए ।

आइपीएलको ७० औं खेलमा लखनउले २० ओभरमा ३ विकेट गुमाएर २२७ रन बनाएको थियो । जवाफमा बैंगलोरले २२८ रनको लक्ष्य १८.४ ओभरमा ४ विकेट गुमाएर पूरा गर्यो ।

काठमाडौँ । इन्डियन प्रिमियर लिग (आईपीएल २०२५) अन्तर्गत प्लेअफ खेल्ने चार टोलिको टुंगो लागेको छ ।

समूह चरणका ६३ खेल सकिएपछि मात्र ४ प्लेअफ टोलीहरू पक्का भएका हुन् ।

हिजो (बुधबार)मुम्बई इन्डियन्सले दिल्ली क्यापिटल्सलाई हराउँदै प्लेअफमा आफ्नो स्थान पक्का गर्यो । यो हारसँगै दिल्ली छैटौं र अन्तिम टोली बनेको छ जो समूह चरणबाटै बाहिरियो ।

हालसम्मको अंकतालिका अनुसार गुजरात टाइटन्स १२ खेलबाट १८ अंकका साथ तालिकाको शीर्षस्थानमा छ । यस्तै, समान खेलबाट १७–१७ अंकका साथ रोयल च्यालेन्जर्स बैंगलोर र पञ्जाब किंग्स क्रमशः दोस्रो र तेस्रो स्थानमा छन् । यस्तै, मुम्बई इन्डियन्स १३ खेलबाट १६ अंकका साथ चौंथो स्थानमा रहेको छ ।

ओरेन्ज क्याप लिडर
गुजरातका साई सुदर्शन प्रतियोगिताको सर्वाधिक स्कोरर छन् । उनले १२ खेलमा ६१७ रन बनाएका छन् । यस्तै, गुजरातकै शुभमन गिल ६०१ रनका साथ दोस्रो स्थानमा छन् । बुधबार, मुम्बईका सूर्यकुमार यादव ७३ रन बनाएर तेस्रो स्थानमा पुगे । उनको नाममा ५८३ रन छन् ।

पर्पल क्याप लिडर
गुजरातका तीव्र गतिका बलर प्रसिद्ध कृष्ण जारी प्रतियोगितामा सर्वाधिक विकेट लिने खेलाडीको शीर्षस्थानमा छन् । उनले १२ खेलमा २१ विकेट लिएका छन् । चेन्नईका स्पिनर नूर अहमदले पनि २१ विकेट लिएका छन् । मुम्बईका ट्रेन्ट बोल्ट १९ विकेटसहित तेस्रो स्थानमा छन् ।

काठमाडौँ । आईपीएल २०२५ को ६३ औं खेलमा आज मुम्बई इन्डियन्स (एमआई)ले दिल्ली क्यापिटल्स (डीसी) को सामना गर्नेछ ।

खेल मुम्बईको वानखेडे स्टेडियममा साँझ ७ः४५ बजे सुरु हुनेछ । दुवै टोली सिजनमा दोस्रो पटक भिड्दैछन् । अन्तिम खेलमा मुम्बईले दिल्लीलाई १२ रनले पराजित गरेको थियो ।

प्लेअफ दौडमा रहन दिल्लीलाई यो खेल जित्नै पर्ने हुन्छ । टोलीको १२ खेलमा ६ जितसहित १३ अंक छ । जबकि मुम्बईको १२ खेलमा १४ अंक छ । यदि मुम्बईले दिल्लीसँगको खेल हारे पनि १६ अंक पुर्‍याउने अर्को मौका पाउनेछ । तर, दिल्लीलाई कुनै पनि हालतमा मुम्बई विरुद्ध जित आवश्यक पर्नेछ ।

हेड टु हेडमा मुम्बई अगाडि छ । आईपीएलमा हालसम्म दुई टोलीबीच ३६ खेल खेलिएका छन् । जसमध्ये मुम्बईले २० खेल जित्दा दिल्लीले १६ खेल जितेको छ । साथै, दुवै टोलीले वानखेडे रंगशालामा १० पटक खेलेका छन् । यसमध्ये एमआईले ७ पटक र दिल्लीले ३ पटक जितेको छ ।

वानखेडेको पिचले सामान्यतया बलरभन्दा ब्याट्सम्यानलाई बढी फाइदा पुर्‍याउँछ । यहाँ उच्च स्कोरिङ खेलहरू देखिन्छन् । यो विकेटमा पेसरहरूलाई पनि सहयोग मिल्छ । विशेष गरी नयाँ बलको साथ, यहाँ राम्रो स्विङ र बाउन्स हुन्छ ।

यहाँ अहिलेसम्म १२२ आईपीएल खेल खेलाइएको छ । ५६ खेलमा पहिले ब्याटिङ गर्ने टोलीले जितेको छ भने ६६ खेलमा पछ्याउने टोलीले जितेको छ । यहाँको उच्चतम टोली स्कोर २३५र१ हो, जुन रोयल च्यालेन्जर्स बैंगलोरले २०१५ मा मुम्बई इन्डियन्स विरुद्ध बनाएको थियो ।

काठमाडौं । भारत–पाकिस्तान तनावका कारण एक सातादेखि स्थगन गरिएको इण्डियन प्रिमियर लिग (आईपीएल) आजदेखि सुरु हुँदैछन् ।

बीसीसीआईको अघिल्लो शुक्रबार बसेको आकस्मिक बैठकले आईपीएल एक साताका लागि स्थगित गर्ने निर्णय भएको थियो । त्यसअघि बिहीबारको खेल चल्दै गर्दा बीचमै रोकिएको थियो ।

आईपीएल पुन: सुरु हुँदाको पहिलो खेलमा आज रोयल च्यालेन्जर्स बेंगलुरु र कोलकाता नाइट राइडर्स खेल्दै छन् । खेल बेलुका पौने ८ बजेदेखि बेंगलुरुस्थित एम चिन्नास्वामी रंगशालामा सुरु हुनेछ ।

आईपीएलको प्लेअफ दौडबाट ३ टोली यसअघि नै आउट भइसकेका छन् । अब ७ टिम प्लेअफ होडमा रहँदा तीमध्ये कोलकाता र लखनउको भने सम्भावना सबैभन्दा कम छ ।

शनिबारको खेलमा बेंगलुरु विजयी भए प्लेअफ पुग्ने पहिलो टिम बन्नेछ भने कोलकाता बाहिरिने चौथो टिम बन्नेछ । कोलकाता विजयी भएमा प्लेअफको झिनो आशा जीवितै रहनेछ ।

अंकतालिकामा हाल गुजरात टाइटन्स ११ खेलमा १६ अंकसहित शीर्षस्थानमा छ । बेंगलुरु समान खेलमा समान अंकसहित दोस्रोमा छ भने पञ्जाब किङ्स ११ खेलमा १५ अंकसहित तेस्रोमा, मुम्बई १२ खेलमा १४ अंकसहित चौथोमा छ ।

यस्तै दिल्ली ११ खेलमा १३ अंकसहित पाँचौं, कोलकाता १२ खेलमा ११ अंकसहित छैटौं र लखनउ ११ खेलमा १० अंकसहित सातौं स्थानमा छ ।

हैदराबाद १२ खेलमा ७ अंकसहित आठौं, राजस्थान १२ खेलमा ६ अंकसहित नवौं र चेन्नई १२ खेलमा ६ अंकसहित १०औं स्थानमा छ ।

एजेन्सी । इन्डियन प्रिमियर लिग (आईपीएल) मे १६ बाट फेरि सुरु हुन सक्ने भएको छ ।

यस्तै, फाइनल खेल मे ३० मा हुने सम्भावना छ । आइतबार बीसीसीआई स्रोतलाई उद्धृत गर्दै मिडिया रिपोर्टहरूमा यो जानकारी दिइएको हो । अब बाँकी १६ खेलको नयाँ तालिका चाँडै जारी गरिनेछ ।

पाकिस्तानसँगको तनावका कारण मे ९ मा आईपीएल २०२५ स्थगित गर्नुपरेको थियो । लिग रोक्दा बीसीसीआईले देश अहिले युद्धको अवस्थामा रहेको बताएको थियो । यस्तो अवस्थामा क्रिकेट प्रतियोगिता आयोजना गर्नु उचित होइन ।

आईपीएल २०२५ अन्तर्गत ७४ खेल खेलाइने थियो । मे ८ सम्ममा ५८ खेल भइसकेका थिए । अर्थात् अब १६ खेल बाँकी छन् । जसमध्ये १२ खेल लिग चरणका छन् भने ४ खेल प्ले–अफ चरणका छन् ।

मुम्बई, कोलकाता, राजस्थान र चेन्नईका दुई–दुई लिग खेल बाँकी छन् । बाँकी टोलीहरूले अझै तीन–तीन लिग खेल खेल्न बाँकी छ ।

आईपीएलका १० मध्ये तीन टोली प्लेअफको दौडबाट बाहिरिएका छन् । यी तीन टोलीहरू हैदराबाद, राजस्थान र चेन्नई हुन् । बाँकी टोलीहरू अझै प्लेअफ दौडमा छन् ।

एजेन्सी । आईपीएल २०२५ का बाँकी १६ खेल कहिले र कहाँ खेल्ने भन्ने बारेमा बीसीसीआईले आज बैठक बस्ने भएको छ ।

यस अनलाइन बैठकमा विभिन्न शहरका बोर्ड अधिकारीहरू सहभागी हुनेछन् । भारत र पाकिस्तानको तनावका कारण मे ९ मा लिग स्थगित गरिएको थियो । त्यतिन्जेलसम्म ७४ मध्ये ५८ खेल भइसकेका थिए ।

भारत र पाकिस्तानबीच शनिबार युद्धविरामको घोषणा भएको छ । यसपछि, बीसीसीआईका उपाध्यक्ष राजीव शुक्लाले आइतबारको बैठकपछि लिग पुनः सुरु गर्ने निर्णय लिइने बताएका थिए ।

आईपीएलका बाँकी खेलहरू देशका ९ विभिन्न शहरहरूमा आयोजना गरिने तय भएको थियो । यसमा लखनऊ, हैदराबाद, अहमदाबाद, दिल्ली, चेन्नई, बेंगलुरु, मुम्बई, जयपुर र कोलकाता समावेश छन् ।

इएसपिएनको रिपोर्ट अनुसार, बाँकी खेलहरू केवल तीन शहरहरूमा आयोजना गर्न सकिन्छ । जसमा बेंगलुरु, हैदराबाद र चेन्नई रहेका छन् । दक्षिण भारतका शहरहरू छनौट गर्न सकिन्छ किनभने तिनीहरू पाकिस्तान सीमाबाट धेरै टाढा छन् । यदि फेरि युद्धको स्थिति सिर्जना भयो भने, खेलाडीहरूको सुरक्षामा कुनै समस्या हुनेछैन ।

यदि युद्धविराम पछि पनि मे महिनामा आईपीएल खेलहरू आयोजना भएन भने, सेप्टेम्बरसम्म पर्खनु पर्ने हुन सक्छ । त्यसअघि खेलहरूको लागि समय तालिका पाउन गाह्रो हुनेछ । विश्व टेस्ट च्याम्पियनसिपको फाइनल जुनमा छ । त्यसपछि जुन २० देखि, टोली भारतले इङ्गल्याण्डमा ५ टेस्ट शृंखला खेल्नेछ । बीसीसीआईले मे महिनामा प्रतियोगिता आयोजना गर्न सक्दो प्रयास गर्नेछ ।

एजेन्सी । भारत र पाकिस्तानबीच बढ्दो द्वन्द्वका कारण भारतीय क्रिकेट कन्ट्रोल बोर्ड (बीसीसीआई)ले आईपीएल एक हप्ताको लागि स्थगित गरेको छ । बीसीसीआईका उपाध्यक्ष राजीव शुक्लाले शुक्रबार यो जानकारी दिए ।

उनले भने, ‘यो अब एक हप्ताको लागि स्थगित गरिएको छ । नयाँ तालिका एक हप्ता पछि जारी गरिनेछ ।’

यसैबीच, मिडिया रिपोर्टका अनुसार सबै विदेशी खेलाडीहरूलाई आफ्नो देश फर्कन भनिएको छ । नयाँ मिति घोषणा भएपछि उनीहरूलाई जानकारी गराइनेछ ।

हाल आईपीएलमा १२ लिग खेल र ४ प्लेअफ खेल बाँकी छन् । प्रतियोगिताको फाइनल मे २५ मा हुने तय भएको थियो । यसैबीच, अगस्टमा हुने भारतको बंगलादेश भ्रमण समेत रद्द हुने अनुमान गरिएको छ ।

हिजो राति करिब पौने ९ बजे पाकिस्तानले भारतको जम्मू, पञ्जाब र राजस्थान सीमामा मिसाइल र ड्रोनले आक्रमण गर्यो। यसै क्रममा हिमाचल प्रदेशको धर्मशालामा पञ्जाब किंग्स र दिल्ली क्यापिटल्सबीच खेल भइरहेको थियो । यसलाई बीचैमा रोक्नुपर्यो ।

पहिले ब्याटिङ गरेको पञ्जाबले १०.१ ओभरमा १ विकेट गुमाउँदै १२२ रन बनाएको थियो । त्यसपछि मैदानको फ्लडलाइटहरू निभाइयो र दर्शकहरूलाई घर पठाइयो । युद्धको अवस्थाका कारण शहरमा ब्ल्याकआउट लगाइयो र खेल रद्द गरियो । यो लिग चरणको ५८ औं खेल थियो ।

काठमाडौँ । इन्डियन प्रिमियर लिग (आईपीएल २०२५)मा लिग चरणमा १५ खेल बाँकी छन् र ३ टोली प्लेअफ दौडबाट बाहिरिएका छन् ।

सोमबार सनराइजर्स हैदराबाद र दिल्ली क्यापिटल्सबीचको खेल वर्षाका कारण अनिर्णीत रह्यो । यसकारण हैदराबाद प्लेअफबाट बाहिर भएको छ । अर्कोतर्फ, दिल्ली शीर्ष ५ मा यथावत छ ।

सोमबार पहिले बलिङ गर्न आएको सनराइजर्सले दिल्लीलाई १३३ रन मात्र बनाउन दियो । उसँग खेल जित्ने मौका थियो, तर वर्षाका कारण दोस्रो इनिङ सुरु हुन सकेन । जसका कारण खेल अनिर्णीत रह्यो र दुवै टोलीले १–१ अंक बराबरी बाँडे ।

हैदराबादले ११ खेलमा ३ जित र १ बराबरी खेल्दै ७ अंक जोडेको छ । टोली आठौं स्थानमा छ भने प्लेअफबाट बाहिरियो । अब पछिल्ला ३ खेल जिते पनि उसले १३ अंक मात्र पुर्‍याउन सक्नेछ, जुन प्लेअफमा पुग्न पर्याप्त छैन । किनभने ४ टोलीले १४ अंक जोडिसकेका छन् ।

दिल्लीले ११ खेलमा ६ जित र १ बराबरीबाट १३ अंक बनाएको छ । टोली अझै पनि पाँचौं नम्बरमा छ, तर अब प्लेअफमा पुग्नको लागि उसले ३ मध्ये २ खेल जित्नुपर्नेछ । क्यापिटल्स १७ अंकसहित प्लेअफमा पुग्नेछ ।

आज मुम्बई र गुजरातबीच खेल हुनेछ । ११ खेलमा ७ जितबाट १४ अंकसहित मुम्बई तेस्रो स्थानमा छ । आजको खेल जितेमा, एमआई १६ अंकका साथ नम्बर १ मा पुग्नेछ ।

आरसीबीको पनि १६ अंक छ, तर राम्रो रन रेटका कारण एमआई शीर्ष स्थानमा रहनेछ । त्यहाँबाट छनोट हुन टोलीले २ मध्ये १ खेल मात्र जित्नुपर्नेछ । यदि एमआईले आज हारे भने, बाँकी दुवै खेल जित्नुपर्नेछ ।

गुजरात टाइटन्स १० खेलमा ७ जितबाट १४ अंकसहित चौथो स्थानमा छ । टोलीको रनरेट मुम्बई भन्दा कम छ । आजको खेल जिते गुजरात १६ अंकका साथ नम्बर १ मा पुग्नेछ, किनकि टाइटन्सको रन रेट पनि आरसीबीको भन्दा राम्रो छ ।

यदि गुजरातले आज हारेमा प्लेअफमा पुग्न बाँकी ३ खेलमध्ये २ खेल जित्नुपर्नेछ ।

एजेन्सी । इन्डियन प्रिमियर लिग (आईपीएल) २०२५ को ४२ औं खेलमा आज रोयल च्यालेन्जर्स बेंगलुरु (आरसीबी) र राजस्थान रोयल्स (आरआर) भिड्दैछन् । बेंगलुरुको एम चिन्नास्वामी स्टेडियममा हुन लागेको खेल नेपाली समय अनुसार बेलुका ७ः४५ बजेबाट सुरु हुनेछ । आरसीबीले यस सिजनमा अहिलेसम्म आफ्नो घरेलु मैदानमा ३ खेल खेलेको छ र ती सबैमा हार बेहोरेको छ।

८ खेलमध्ये ५ खेल जितेर बेंगलुरुको १० अंक छ । राजस्थानको ८ खेलमा दुई जितसहित केवल ४ अंक छ ।

हेड-टु-हेड

यस सिजनमा दुवै टोली दोस्रो पटक आमनेसामने हुँदैछन् । पछिल्लो खेलमा आरसीबीले आरआरलाई उसकै घरेलु मैदानमा ९ विकेटले पराजित गरेको थियो ।

आईपीएलको इतिहासमा भने अहिलेसम्म आरसीबी र आरआर बीच ३२ खेल खेलिएका छन् । यसमा आरसीबीले १६ खेल जितेको छ भने आरआरले १४ खेल जितेको छ। जबकि २ खेल अनिर्णीत रहे । बेंगलुरुको घरेलु मैदान एम चिन्नास्वामी स्टेडियममा दुई टोलीबीच अहिलेसम्म ९ खेल खेलिएको छ । जसमा बेंगलुरुले ३ र राजस्थानले ४ खेल जितेको छ । तर, २ खेलको नतिजाबिहिा रह्यो ।

कोहली उत्कृष्ट फर्ममा

आरसीबीका ब्याट्सम्यान विराट कोहली टोलीका सर्वाधिक रन स्कोरर हुन् । उनले ८ खेलमा ३२२ रन बनाएका छन् । यस अवधिमा उनले ४ अर्धशतक बनाएका छन् । उनी बाहेक टोलीका कप्तान रजत पाटीदार र ओपनर फिल साल्ट पनि राम्रो लयमा छन् । रजतले ८ खेलमा २२१ रन बनाएका छन् भने साल्टले २१३ रन बनाएका छन् ।

बलिङमा जोश हेजलवुड टोलीका सर्वाधिक विकेट लिने बलर हुन् । उनले ८ खेलमा १२ विकेट लिएका छन् । क्रुणाल पाण्ड्या दोस्रो नम्बरमा छन् । उनले ८ खेलमा १० विकेट लिएका छन् ।

यशस्वी आरआरका सर्वाधिक रन स्कोरर

राजस्थानको टोली खराब लयसँग संघर्ष गरिरहेको छ । टोलीका लागि ओपनर यशस्वी जयस्वाल सर्वाधिक रन बनाउने खेलाडी हुन् । उनले ८ खेलमा ३०७ रन बनाएका छन् । टोलीका सर्वाधिक विकेट लिने बलर वानिन्दु हसरंगा हुन् । हसरंगाले ६ खेलमा ९ विकेट लिएका छन् ।

राजस्थानका कप्तान स्यामसनले आजको खेल गुमाउने
राजस्थान रोयल्सका कप्तान संजु स्यामसन आजको खेलबाट बाहिरिएका छन् । पेटको चोटका कारण स्यामसनले शनिबार जयपुरमा लखनऊ सुपर जायन्ट्स विरुद्धको खेल पनि गुमाएका थिए । उनको स्थानमा रियान परागले टोलीको कप्तानी सम्हाल्नेछन् ।

दुवै टोलीको सम्भावित प्लेइङ–१२

रोयल च्यालेन्जर्स बैंगलोरः रजत पाटीदार (कप्तान), फिल साल्ट, विराट कोहली, देवदत्त पडिक्कल, लियाम लिभिङस्टोन, जितेश शर्मा (विकेटकीपर), क्रुणाल पाण्ड्या, टिम डेभिड, भुवनेश्वर कुमार, जोस हेजलवुड, यश दयाल, सुयश शर्मा।

राजस्थान रोयल्सः रियान पराग (कप्तान), यशस्वी जैसवाल, शुभम दुबे, नितिश राणा, ध्रुव जुरेल (विकेटकिपर), शिमरोन हेटमायर, वानिन्दु हसरंगा, जोफ्रा आर्चर, महेश थेक्षाना, सन्दीप शर्मा, तुषार देशपाण्डेरआकाश माधव्वाल, आकाश माधववाल।

एजेन्सी । मुम्बई इन्डियन्सका स्टार ब्याट्सम्यान रोहित शर्मा आईपीएल २०२५ मा फेरि फर्ममा आएका छन् । चेन्नई सुपर किंग्सविरुद्ध खेलिएको खेलमा उनी आफ्नो पुरानो फर्ममा थिए र आफ्नो तुफानी पारीमा उनले ६ छक्का प्रहार गरे, जुन एक इनिङमा उनको संयुक्त रूपमा उच्चतम हो ।

हालसम्म आईपीएलको यस सिजनमा रोहितले ब्याटिङबाट निराशाजनक प्रदर्शन गरिरहेका छन् । उनले ६ इनिङमा केवल ८२ रन मात्र बनाउन सकेका थिए । तर वानखेडे मैदानमा उनले ७६ रनको इनिङ पनि खेले र टोलीलाई खेल जिताउनुका साथै धेरै रेकर्ड पनि बनाए ।

खेलपछि उनलाई प्लेयर अफ द म्याच घोषित गरियो । यस अवधिमा उनले आरसीबीका पूर्व कप्तान विराट कोहलीको कीर्तिमान तोडेका छन् ।

मुम्बई इन्डियन्सका पूर्व कप्तान रोहित शर्मालाई चेन्नई विरुद्धको ९ विकेटको जितपछि प्लेयर अफ द म्याच प्रदान गरिएको थियो । यो उनको आईपीएल करियरमा २० औं पटक थियो जब ‘हिटम्यान’ले यो पुरस्कार जिते । यस क्रममा रोहितले आरसीबीका पूर्व कप्तान विराट कोहलीको रेकर्ड तोडेका छन् ।

रोहित आईपीएलको इतिहासमा सबैभन्दा धेरै पटक प्लेयर अफ द म्याच अवार्ड जित्ने पहिलो भारतीय खेलाडी हुन् । उनले आईपीएलमा १९ पटक प्लेयर अफ द म्याच अवार्ड जितेका विराट कोहलीलाई उछिने ।

आईपीएलमा सबैभन्दा धेरै पटक प्लेयर अफ द म्याच अवार्ड जित्ने खेलाडीहरूः
एबी डिभिलियर्स – २५ पटक
क्रिस गेल–२२ पटक
रोहित शर्मा – २० पटक
विराट कोहली – १९ पटक
डेभिड वार्नर – १८ पटक
एमएस धोनी ( १८ पटक