काठमाडौँ । वेस्ट इन्डिजका अलराउन्डर आन्द्रे रसेलले जुलाई २० र २२ मा अष्ट्रेलिया विरुद्धको दुई टी–२० खेलपछि अन्तर्राष्ट्रिय क्रिकेटबाट सन्यास लिने घोषणा गरेका छन् ।

यी दुवै खेल जमैकाको सबिना पार्कमा खेलिनेछन्, जुन रसेलको घरेलु मैदान हो ।

रसेलले वेस्ट इन्डिजका लागि १४१ खेल खेले र उनको सबैभन्दा यादगार इनिङ २०१६ को मुम्बईमा भएको टी–२० विश्वकपको सेमिफाइनलमा भारत विरुद्ध खेलिएको थियो । त्यो खेलमा भारतले १९३ रन बनाएको थियो ।

रसेल पाँचौं नम्बरमा ब्याटिङ गर्न आउँदा वेस्ट इन्डिजलाई ४१ बलमा ७७ रन चाहिएको थियो । रसेलले केवल २० बलमा अविजित ४३ रन बनाए र अन्तिम ओभरमा विराट कोहलीलाई छक्का प्रहार गर्दै वेस्ट इन्डिजलाई जित दिलाए ।

‘२०१६ को विश्वकप सेमिफाइनल मेरो जीवनको सबैभन्दा गर्वको क्षण थियो । त्यतिबेला भारतको सम्पूर्ण रंगशालाले आफ्नो टोलीलाई समर्थन गरिरहेको थियो, त्यसैले अलिकति दबाब थियो । तर पिच राम्रो थियो र ड्रेसिङ रुममा हाम्रो आत्मविश्वास थियो। यो आत्मविश्वासले मलाई स्वतन्त्र रूपमा खेल्ने स्वतन्त्रता दियो ।’ रसेलले भने ।

रसेलले भने कि उनले हरेक अवसरमा वेस्ट इन्डिजको लागि आफ्नो उत्कृष्ट प्रदर्शन गर्ने प्रयास गरे र अब उनलाई लाग्छ कि यो सन्यास लिने सही समय हो । सबिना पार्कमा सन्यास लिनु आफ्नो लागि सपना जस्तै हो । ‘यहीँबाट मैले मेरो क्रिकेट करियर सुरु गरेको थिएँ र यसलाई यहीँ अन्त्य गर्नु मेरो लागि सम्मानको कुरा हो ।’ रसेल बताउँछन् ।

एजेन्सी । वेस्ट इण्डिजका स्टार अलराउन्डर आन्द्रे रसेलले अन्तर्राष्ट्रिय क्रिकेटबाट संन्यास लिने भएका छन् ।

उनले घरेलु मैदान जमैकाको सबिना पार्कमा अस्ट्रेलियाविरुद्ध हुन लागेको पहिलो दुई टी–२० खेलपछि अन्तर्राष्ट्रिय क्रिकेटबाट संन्यास लिने घोषणा गरेका हुन् ।

३७ वर्षीय रसेलले सन् २०११ मा अन्तर्राष्ट्रिय क्रिकेटमा डेब्यु गरेका थिए । उनले आफ्नो १३ वर्षे करियरमा एक टेस्ट, ५६ एकदिवसीय र ८४ टी–२० आई खेलेका छन् । पछिल्लो वर्षहरूमा रसेल वेस्ट इण्डिजका लागि टी–२० फर्म्याटमा मात्र सक्रिय थिए । रसेल सन् २०१२ र २०१६ को टी–२० विश्वकप जित्ने वेस्ट इन्डिज टोलीका महत्वपूर्ण सदस्य थिए ।

संन्यास लिने घोषणा गर्दै रसेलले भनेका छन्, ‘वेस्ट इन्डिजको लागि खेल्नु मेरो लागि गर्वको कुरा हा े। बाल्यकालमा मैले कहिल्यै सोचेको थिइनँ कि म यो अवस्थामा पुग्नेछु। क्रिकेटप्रतिको प्रेमले मलाई अझ राम्रो बन्न प्रेरित गर्‍यो। म वेस्ट इन्डिजको जर्सीमा आफ्नो छाप छोडेर अरूको लागि प्रेरणा बन्न सकु । मलाई परिवार र साथीभाइको अगाडि घरमा खेल्न मन पर्छ। म मेरो करियरको अन्त्य उत्कृष्ट प्रदर्शनका साथ गर्न चाहन्छु र अर्को पुस्ताको लागि उदाहरण प्रस्तुत गर्न चाहन्छु ।’

रसेललाई अष्ट्रेलिया विरुद्धको टी-२० टोलीमा समावेश गरिएको छ। ५ टी-२० खेलको शृङ्खला जुलाई २१ बाट सुरु हुँदैछ ।  पहिलो र दोस्रो खेल जमैकाको सबिना पार्क रंगशालामा खेलिनेछ ।

हालै मात्र वेस्ट इण्डिजका अर्का आक्रामक ब्याटर निकोलश पूरनले अन्तर्राष्ट्रिय क्रिकेटबाट संन्यास लिएका थिए ।

एजेन्सी । आईपीएलमा पहिलो डबल हेडर शनिबार खेलिएको थियो । दिनको पहिलो खेलमा पञ्जाब किंग्सले दिल्ली क्यापिटल्सलाई ४ विकेटले पराजित गरेको थियो । साँझ भएको रोमाञ्चक खेलमा कोलकाता नाइट राइडर्सले सनराइजर्स हैदरावादलाई ४ रनले पराजित गर्‍यो ।

कोलकाताका आन्द्रे रसेलले आईपीएलमा २०० छक्का पूरा गरेका छन् । उनी यस्तो गर्ने ९औं खेलाडी बनेका छन् । उनी समग्रमा ९औं र यो गर्ने तेस्रो क्यारेबियन खेलाडी बने । यसअघि वेस्ट इन्डिजका क्रिस गेल र केरोन पोलार्डले पनि २०० भन्दा बढी छक्का प्रहार गरिसकेका छन् ।

आईपीएलमा गेलले सर्वाधिक छक्का (३५७) प्रहार गरेका छन् । योसँगै भारतीयहरूबीच यो कीर्तिमान रोहित शर्माको नाममा छ, उनले २५७ छक्का प्रहार गरेका छन् । २०० भन्दा बढी छक्का प्रहार गर्ने खेलाडीमा भारतका ४ र वेस्ट इन्डिजका ३ खेलाडी छन् । त्यस्तै दक्षिण अफ्रिका र अस्ट्रेलियाका एक–एक खेलाडी छन् ।

एबी डिभिलियर्स – २५१ छक्का
महेन्द्र सिंह धोनी – २३९ छक्का
विराट कोहली – २३५ छक्का
केरोन पोलार्ड – २२३ छक्का
सुरेश रैना – २०३ छक्का