काठमाडौं । प्रतिनिधिसभाको आइतबारको बैठकमा प्रधानमन्त्री बालेन्द्र शाह सँगको प्रश्नोत्तर कार्यक्रम दलीय आधारमा सीमित भएपछि केही सांसदहरूले असन्तुष्टि जनाएका छन् ।

बैठकमा सबै सांसदलाई प्रश्न सोध्ने अवसर नदिइएको भन्दै दलीय आधारमा एक–एक जनालाई मात्र प्रश्न सोध्न दिइएको थियो। त्यसपछि सभामुखले प्रश्नोत्तर कार्यक्रम समाप्त भएको घोषणा गरे।

त्यस क्रममा एमालेका प्रमुख सचेतक ऐन बहादुर महर, श्रम संस्कृतिका सांसद ध्रुवराज राई लगायतले प्रश्न सोध्ने प्रयास गरेका थिए। उनीहरूले हात उठाए पनि सबैलाई बोल्ने अवसर भने दिइएन।

सभामुखको निर्णयपछि रास्वपाकी सांसद आशिका तामाङ आक्रोशित बनेकी थिइन्। उनले विपक्षी सांसदहरूप्रति असन्तुष्टि जनाउँदै केहीबेर आक्रोश व्यक्त गरेकी थिइन्।

स्थिति नियन्त्रण गर्न रास्वपाका अन्य सांसदहरूले उनलाई शान्त पार्ने प्रयास गरे पनि उनले तत्काल मानिनन्। पछि सहकर्मी सांसदहरूले उनलाई समातेर बाहिर लगेपछि अवस्था सामान्य बनेको थियो।

काठमाडौँ । धादिङ– १ मा रास्वपाबाट उम्मेदवारी दिएकी आशिका तामाङले आफु जनताको प्रतिनिधि बनेर आउने बताएकी छिन् ।

सामाजिक सञ्जाल फेसबुकमा एक स्ट्याटस लेख्दै तामाङले हल्लाको पछि नलाग्न आग्रह गरेकी छिन् ।

तामाङले फेसबुकमा लेखेकी छिन्, ‘हल्ला को पछि नलागौं । चुनाव जित्न उठेको म उम्मेदवारी फिर्ता होइन जनताको प्रतिनिधि बनेर आउछु ।’

https://www.facebook.com/ashikatamangofficial/posts/1413711513481611?ref=embed_post

काठमाडौं । धादिङ– १ बाट उम्मेदवार बनेकी आशिका तामाङले उम्मेदवारी फिर्ता लिने भएकी छन् ।

रास्वपाबाट उम्मेदवारी दिएकी तामाङले उम्मेदवारी फिर्ता लिन लाएकी हुन् ।

तामाङले उम्मेदवारी फिर्ता लिन जिल्ला निर्वाचन कार्यालयमा इमेल गरिसकेकी छिन् । उम्मेदवारी फिर्ताको प्रक्रिया पूरा गर्न उनी धादिङ पुग्दैछिन् ।

आशिकाको उम्मेदवारीबाट पछि हट्नुको कारण भने बताईएको छैन ।

काठमाडौँ । राष्ट्रिय स्वतन्त्र पार्टी (रास्वपा)ले धादिङ क्षेत्र नम्बर १ बाट आशिका तामाङलाई प्रतिनिधिसभा निर्वाचनका लागि उम्मेदवार बनाएको छ।

सोमबार रास्वपा पार्टी कार्यालयमा गणेश पराजुलीले तामाङलाई टिकट प्रदान गरेका हुन्।

यसअघि तामाङले काठमाडौं क्षेत्र नम्बर ९ वा २ बाट स्वतन्त्र उम्मेदवारी दिने बताएकी थिइन्। तर अब उनी रास्वपाको तर्फबाट धादिङ–१ मा निर्वाचन मैदानमा उत्रिने भएकी हुन्।

काठमाडौं। भक्तपुर जिल्ला अदालतले आशिका तामाङ र शरण तिरुवालाई पाँच दिन कैद र पाँच सय रुपैयाँ जरिवाना गर्ने फैसला गरेको छ।

न्यायाधीश विश्वनाथ भट्टराईको इजलासले बिहीबार गरेको निर्णयअनुसार उनीहरूलाई आपराधिक उपद्रवसम्बन्धी मुद्दामा दोषी ठहर गरिएको हो।

साँगास्थित झोलुंगे पुलमा रकम उठाउनेबारे टाँसिएको सूचना तामाङले च्यातेको आरोपमा दायर मुद्दामा अदालतले सजाय सुनाएको अदालतका सूचना अधिकारी हिरा भण्डारीले जानकारी दिए।

काठमाडौँ । आशिका तामाङलाई २० हजार धरौटीमा रिहा गर्न अदालतले आदेश गरेको छ ।

भक्तपुर जिल्ला अदालतका न्यायाधीश सन्तोष प्रसाद पराजुलीले उनलाई २० हजार धरौटीमा रिहा गर्न आदेश गरेका हुन् ।

सूर्यबिनायक नगरपालिकाले साँगास्थित झोलुङ्गे पुलमा प्रवेश गर्नेहरूसँग २० रुपैयाँ कर सङ्कलन गर्दै आएको थियो । कर लिने निर्णयको विरोध गर्दै तामाङले तामाङले ४ असोज २०८१ मा कर्मचारीहरूबाट रसिद खोसेर जलाएको भिडियो सामाजिक सञ्जालमा हालेकी थिईन् । नगरपालिकाले त्यसबारे अनुसन्धान गर्न भन्दै प्रहरीमा जाहेरी दिएको थियो ।

नगरपालिकाको जाहेरीको आधारमा प्रहरी वृत्त जगातेले उनीमाथि आपराधिक उपद्रव सम्बन्धी कसुरमा अनुसन्धान गरेर प्रहरी प्रतिवेदन बुझाएको थियो ।

यसअघि १४ माघमा जिल्ला प्रशासन कार्यालय काठमाडौँले तोकेको धरौटी बुझाएर उनी रिहा भएकी थिईन् ।

काठमाडौं । सामाजिक अभियन्ता आशिका तामाङलाई बयानका लागि भक्तपुर जिल्ला अदालतमा उपस्थित गराईएको छ ।

जिल्ला प्रहरी परिसर भक्तपुरका डीएसपी ढुण्डिराज नेउपानेको अनुसार आपराधिक उपद्रव सम्बन्धी कसुरमा थुनछेक प्रयोजनको लागी तामाङलाई अदालत उपस्थित गराईएको हो ।

उनीविरुद्ध प्रहरी वृत्त जगातीले आपराधिक उपद्रवको कसुरमा अनुसन्धान गरेको थियो ।

सूर्यबिनायक नगरपालिकाले साँगास्थित झोलुङ्गे पुलमा प्रवेश गर्नेहरूसँग २० रुपैयाँ कर सङ्कलन गर्दै आएको थियो । कर लिने निर्णयको विरोध गर्दै तामाङले तामाङले ४ असोज २०८१ मा कर्मचारीहरूबाट रसिद खोसेर जलाएको भिडियो सामाजिक सञ्जालमा हालेकी थिईन् । नगरपालिकाले त्यसबारे अनुसन्धान गर्न भन्दै प्रहरीमा जाहेरी दिएको थियो ।

१४ माघमा जिल्ला प्रशासन कार्यालय काठमाडौँले तोकेको धरौटी बुझाएर रिहा भएकी तामाङलाई सोहि दिन भक्तपुर प्रहरीको जिम्मा लगाइएको थियो ।

काठमाडौं । बुधबार पक्राउ परेकी सामाजिक अभियन्ता तथा अभिनेत्री आशिका तामाङको चस्मा सामाजिक सञ्जालमा भाइरल बनिरहेको छ ।

अभद्र व्यवहारको कसुरमा पक्राउ परेकी तामाङले प्रहरी नियन्त्रणमा हुनुअघि फेसबुकमा भिडियो राखेकी थिईन् । उनको राखेको भिडियोमा वरीपरी कसैले पनि भिडियो खिचेको जस्तो देखिएको थिएन ।यति मात्र हैन, प्रहरीले पनि भिडियो नबनाउन अनुरोध गरेका थिए । तर, आशिकाले फेसबुकमा हालेको भिडिओ मोबाइल क्यामेराबाट खिचेका जस्तो नदेखिएपछि धेरैले उनको चस्मामा क्यामेरा जडान भएको अनुमान लगाएका छन् ।

आशिकाले डिसेम्बर २३ मा सार्वजनिक गरेको चस्मा लगाएको फोटोमा दुई ओटा क्यामेरा स्पष्ट देखिन्छन् । जर्मनीबाट फर्केपछि उनले यस्तै चस्माबाट खिचिएका भिडिओहरू पोस्ट गरिरहेकी थिइन् । जर्मनी मै हुँदा पनि उनले पोष्ट गरेको एक भिडियामा छोराले चस्म्माको बारेमा साधेका थिए । आशिकाले छोराले नया चस्माबारे सोधेको बताएकी थिईन् । त्यसपछि उनले राखेका अधिकांश भिडिओ सोही चस्माबाट खिचिएको देखिन्छ ।

गत पुष २२ गते आशिकाले पशुपति क्षेत्र विकास कोष परिसरमा भएको विवादमा एक भिडियो सामाजिक सञ्जालमा हालेकी थिईन् । उक्त घटनाको भिडिओ पनि उनले चस्माबाटै खिचेकी थिइन् ।

तामाङले प्रयोग गरेको चस्मा फेसबुकको माउ कम्पनी मेटा र रेबनले सहकार्य गरी बनाएको हो । मेटाले यो चस्मा पहिलो पटक २७ सेप्टेम्बर २०२३ मा सार्वजनिक गरेको थियो । यस्तै, २०२४ मा कम्पनीले लाइभ भिडिओ स्ट्रिमिङ र मेटा एआई जस्ता विशेषतासहित नयाँ भर्सनको चस्मा सार्वजनिक गरेको थियो । १२ मेगापिक्सेलको क्यामेरा रहेको उक्त चस्माबाट तीन मिनेटसम्मको भिडिओ खिच्न सकिन्छ । यो चस्माबाट सिधैँ मेसेन्जर र ह्वाट्सएपमा भिडिओ कल समेत गर्न मिल्छ ।

गत पुस २६ गते पशुपति क्षेत्र विकास कोषको पत्र जाहेरी र पुस २५ को प्रहरी प्रतिवेदनका आधारमा तामाङलाई प्रहरी वृत गौशलाले हिरासतमा राखेर अनुसन्धान गरिरहेको छ ।

काठमाडौँँ । अभद्र व्यवहार कसुरमा पक्राउ परेकी सामाजिक अभियन्ता तथा अभिनेत्री आशिका तामाङलाई पाँच दिन हिरासतमा राखेर अनुसन्धान गर्न प्रहरीले अनुमति पाएको छ ।

बुधबार दिउँसो स्वयम्भू प्रहरीले पक्राउ परेकी तामाङमाथि थप अनुसन्धान गर्न जिल्ला प्रशासन कार्यालय काठमाडौंबाट पाँच दिनको म्याद थप भएको प्रहरी वृत्त गौशालाले जनाएको छ ।

गत पुस २६ गते पशुपति क्षेत्र विकास कोषको पत्र जाहेरी र पुस २५ को प्रहरी प्रतिवेदनका आधारमा अनुसन्धान गर्न तामाङलाई नियन्त्रणमा लिएको प्रहरीले जनाएको छ । प्रहरीले पुस २८ गते नै अभद्र व्यवहार कसुरमा जिल्ला प्रशासन कार्यालय बबरमहल काठमाडौंबाट पक्राउ पुर्जी लिएको थियो।

उनीमाथि प्रहरी वृत गौशलाले हिरासतमा राखेर अनुसन्धान गरिरहेको छ ।

काठमाडौँ । सामाजिक अभियन्ता तथा अभिनेत्री आशिका तामाङ पक्राउ परेकी छन् ।

नेपाल प्रहरीले आशिकालाई बुधबार दिउँसो स्वयम्भुबाट पक्राउ गरेको हो ।

अभद्र व्यवहारसम्बन्धी मुद्दामा अनुसन्धानको लागि उनलाई नियन्त्रणमा लिईएको जिल्ला प्रहरी परिसर काठमाडौँका एसएसपी बसन्त रजौरेले बताए ।

पक्राउ पर्नुअघि आशिकाले प्रहरीले आफूलाई पक्राउ गर्दै भनेर सामाजिक सञ्जालमा भिडियो हालेकी थिईन् । उनलाई थप अनुसन्धानका लागि प्रहरी वृत गौशलमा लगिएको छ ।

काठमाडौं । सामाजिक सञ्जालमा चर्चामा आएकी अभियन्ता आशिका तामाङविरुद्ध सूर्यविनायक नगरपालिकाले प्रहरीमा जाहेरी दिएको छ ।

केही दिनअघि उनले सो नगरपालिका अन्तरगत पर्ने एउटा झोलुंगे पुलमा भइरहेको रकम असुलीको विरोध गर्दै बनाएको भिडिओ भाइरल भएपछि नगरपालिकाले जाहेरी दिएको जनाएको छ ।

झोलुंगे पुलमा जान २० रूपैयाँको टिकट काट्नुपर्ने भनिएपछि आशिकाले त्यसको विरोध गर्दै टिकट काट्ने व्यक्तिहरूलाई हप्किदप्की गर्नुका साथै साइनबोर्ड फुटाउने र टिकटहरू च्यातचुत पार्ने काम गरेकी थिइन् । उक्त पुलमा कर नउठाउन नहुने चेतावनी दिएर आशिका गएकी थिइन् ।

नगरपालिकाले भने उक्त पुल आवातजावत प्रयोजनका लागि नभएर पर्यटकीय दृष्टिकोणले निर्माण गरिएकाले शुल्क लिइएको दाबी गरेको छ । यही विषयमा नगरपालिकाले आशिकाविरुद्ध बुधबार महानगरीय प्रहरी वृत्त जगातीमा जाहेरी दिएको हो ।

जाहेरीमा तामाङले ‘आपराधिक उपद्रव’ गरेको आरोप लगाइएको छ ।