काठमाडौं। दोस्रो संस्करणको नेपाल प्रिमियर लिग (एनपीएल)को उपाधि लुम्बिनी लायन्सले हात पार्यो । शनिबार भएको फाइनलमा सुदूरपश्चिमलाई हराउँदै लुम्बिनी च्याम्पियन बनेको हो।

यता, प्रतियोगिताकै सर्वोत्कृष्ट नेपाली खेलाडी पनि लुम्बिनी लायन्सकै कप्तान रोहित पौडेल घोषित भए । रोहितले ओमोडा कार प्राप्त गरे । उनले २७६ रन बनाउनुका साथै १० विकेट पनि लिए ।

यस्तै रेड बूल इनर्जेटिक प्लेयर अफ द टुर्नामेन्ट सुदूरपश्चिमका अविनाश बोहरा घोषित भए । उनले १७ विकेट लिएका थिए । उनी संयुक्त रूपमा सर्वाधिक विकेट लिनेमा परे ।

प्रतियोगिताको सर्वोत्कृष्ट खेलाडी लुम्बिनी लायन्सका बलर रुबेन ट्रम्पलमन घोषित भए । १५ विकेट लिन सफल उनले ५ लाख रुपैयाँ प्राप्त गरे ।

प्रतियोगिताको सर्वोत्कृष्ट बलर विराटगरका सन्दीप लामिछाने बने । उनले पल्सर बाइक प्राप्त गरे ।

प्रतियोगिताको उत्कृष्ट ब्याटर पनि रोहित पौडेल घोषित भए । उनले पनि पल्सर बाइक प्राप्त गरे ।

यस्तै, लुम्बिनीका तिलकराज भण्डारी इनर्जेटिक प्लेयर अफ द टुर्नामेन्ट घोषित भए ।

प्रतियोगिताको उत्कृष्ट इमर्जिङ खेलाडी लुम्बिनी लायन्सका शेर मल्ल घोषित भए । उनले पल्सर बाइक प्राप्त गरेका छन् ।

फाइनलको प्लेयर अफ द म्याच रुबेन ट्रम्पलमन बने ।

काठमाडौं । नेपाल प्रिमियर लिग (एनपिएल) को उपाधि भिडन्तमा आज लुम्बिनी लायन्सविरुद्धको खेलमा सुदूरपश्चिम रोयल्सले टस जितेको छ ।

कीर्तिपुरस्थित त्रिभुवन विश्वविद्यालयको अन्तरराष्ट्रिय क्रिकेट रङ्गशालामा भर्खरै भएको टसमा सुदूरपश्चिम रोयल्सले टस जितेर पहिला ब्याटिङ रोजेको छ । पहिलोपटक उपाधि जित्ने होडमा रहेका सुदूरपश्चिम रोयल्स र लुम्बिनी लायन्स आमनेसामने भएका छन् ।

यो संस्करणको लिगमा उत्कृष्ट प्रदर्शन गर्दै शीर्ष स्थानमा रहेको सुदूरपश्चिम पहिलो क्वालिफायरमा विराटनगरलाई पराजित गरेर सिधँै फाइनल पुगेको हो । सुदूरपश्चिमको एनपिएलको फाइनमा दोस्रो पटक पुगेको हो । पहिलो संस्करणमा सुदूरपश्चिम फाइनमा जनकपुर बोल्ट्ससँग पराजित भएको थियो । लुम्बिनी लायन्स भने पहिलोपटक प्लेअफ पुगेर फाइनलसम्मको यात्रा तय गरेको हो ।

सुदूरपश्चिमको प्लेइङ ११ मा कप्तान दीपेन्द्रसिंह ऐरीसहित आरिफ शेख, अभिनाश बोहरा, इशान पाण्डे, दीपक बोहरा, विनोद भण्डारी, हेमन्त धाँमी, हरमित सिंह, सेलडन ज्याक्सन, स्कट कुगेलिइन र पुनित मेहरा छन् ।

त्यसैगरी, लुम्बिनी लायन्सको प्लेइङ ११ मा कप्तान रोहित पौडेलसहित सन्दीप जोरा, दिलीप नाथ, शेर मल्ल, अभिषेक गौतम, दिनेश अधिकारी, तिलकराज भण्डारी, मोविन शुभसिंहा, रूबेन ट्रम्पलम्यान, निरोशन डिक्वेला (विकेट किपर) र डार्सी शर्ट छन् ।

काठमाडौं। लुम्बिनी लायन्स दोस्रो संस्करणको नेपाल प्रीमियर लिग (एनपीएल) को फाइनलमा प्रवेश गरेको छ ।

कीर्तिपुरस्थित टियु मैदानमा भर्खरै सम्पन्न खेलमा विराटनगर किङ्सलाई ४० रनले हराउँदै लुम्बिनीले फाइनलमा स्थान बनाएको हो । लुम्बिनीले उपाधिका लागि शनिबार सुदूरपश्चिम रोयल्ससँग खेल्नेछ ।

१३५ रनको लक्ष्य पछ्याएको विराटनगर १७.५ ओभरमा ९४ रनमै अलआउट भयो ।

उसका लागि साम हिजलेटले ३४, मर्चेन्ट डे लाङ्गले १७ रन बनाउँदा अन्य ब्याट्सम्यान चल्न सकेनन् । नरेन भट्ट फाफ डु प्लेसिस ३, मार्टिन गप्टिल २, शंकर राना ७, बसिर अहमद ३, सन्दीप लामिछाने ३, प्रतिश जिसी २ रनमा आउट हुँदालोकेश बम शून्य रनमा पभेलियन फर्किए ।

वलिङतर्फ लुम्बिनीका तिलक भण्डारीले तीन अभिशेष गौतम रुवेन ट्रम्पलमान र जोनाथन स्मिथले दुई दुई तथा शेर मल्लले एक विकेट हात पारे ।

त्यसअघि टस हारेर पहिले ब्याटिङ थालेको लुम्बिनीले २० ओभरमा ८ विकेट गुमाएर १३४ रन जोड्यो ।

उसका लागि डार्सी शर्टले ४५, रोहित पौडेलले ३४, निरोशन डिकवेलाले २९ रन जोडे । रुवेन ट्रम्पलमान ११ रनमा अविजित रहँदा सन्दीप जोरा र जोनाथन स्मिथ शून्य रनमै आउट भए भने दिनेश अधिकारी र दिलिप नाथले एक रनमात्रै बनाउन सके ।

वलिङतर्फ विराटनगरका सुवास भण्डारी र प्रतिश जिसीले तीन तीन तथा सन्दीप लामिछानेले एक विकेट लिए ।

काठमाडौं। नेपाल प्रीमियर लिग (एनपीएल) अन्तरगत पहिलो क्वालिफायरमा सुदूरपश्चिम रोयल्स र विराटनगर किङ्सबीच प्रतिस्पर्धा भइरहेको छ ।

कीर्तिपुरस्थित टियु मैदानमा जारी खेलमा सुदूरपश्चिमले विराटनगरसामु १५६ रनको लक्ष्य प्रस्तुत गरेको छ ।

टस हारेर पहिले ब्याटिङ थालेको सुदूरपश्चिमले २० ओभरमा ७ विकेटको क्षतिमा १५५ रन जोड्यो ।

उसका लागि बिनोद भण्डारीले अर्धशतक बनाए । उनले ६३ रनको योगदान दिए । यस्तै, शेल्डन ज्याकसनले २०, हरमित सिंहले १४, इशान पाण्डेले १३, आरिफ शेखले २० रन जोडे ।

वलिङतर्फ विराटनगरका प्रतिश जिसी र मर्चेन्ट डे लाङ्गले दुई-दुई तथा सूर्य तामाङ र साम हिजलेटले एक-एक विकेट लिए ।

काठमाडौं । नेपाल प्रिमियर लिग (एनपीएल) को पहिलो क्वालिफायरमा विराटनगर किंग्सले सुदूरपश्चिम रोयल्सविरुद्ध टस जितेको छ ।

टीयु क्रिकेट मैदानमा टस जितेर विराटनगरका कप्तान सन्दीप लामिछानेले पहिले फिल्डिङ गर्ने निर्णय लिएका छन् ।

यो खेलमा विजयी हुने टोली सिधै फाइनलमा प्रवेश गर्नेछ । पराजित हुने टोलीले भने इलिमिनेटरको विजेता हुने टोलीसँग दोस्रो क्वालिफायर खेल्नेछ ।

इलिमिनेटरमा काठमाण्डु गोर्खाज र लुम्बिनी लायन्स खेल्नेछन् ।

काठमाडौँ । यहाँ जारी दोस्रो संस्करणको नेपाल प्रिमियर लिग (एनपीएल)मा आज विश्राम दिन कुनै खेल हुने छैनन् ।

लिग चरणका खेल सकिएपछि मैदान व्यवस्थापनका लागि आज विश्राम राखिएको हो । प्रतियोगिता अन्तर्गत भोलि पहिलो क्वालिफायर खेल हुनेछ ।

त्रिवि अन्तरराष्ट्रिय क्रिकेट रङ्गशाला कीर्तिपुरमा अपरान्ह ४ बजे हुने खेलमा सुदूरपश्चिम रोयल्स र विराटनगर किङ्स प्रतिस्पर्धा गर्नेछन् ।

सुदूरपश्चिम अङ्क तालिकाको शीर्ष र विराटनगर दोस्रो स्थानमा पुगेर पहिलो क्वालिफायर खेल्ने पक्का गरेका हुन् ।

सुदूरपश्चिम लिग चरणका सात खेलमध्ये छ र विराटनगरले भने सातमध्ये पाँच खेल जितेको थियो ।

सुदूरपश्चिमले विराटनगरसँग मात्रै लिग चरणमा पराजय भोग्नुपरेको थियो । विराटनगर भने चितवन र लुम्बिनीसँग पराजित भएको थियो ।

काठमाडौं । नेपाल प्रिमियर लिग (एनपीएल) अन्तर्गत आजको पहिलो खेलमा काठमान्डु गोर्खाजका स्पिनर साहब आलमको ह्याट्रिकसहित ६ विकेटमा पोखरालाई हराएको छ ।

खेलको अन्तिम ओभरमा आलमले लगातार तीन विकेट लिएसँगै काठमाडौंले पोखरालाई १२ रनले हराएको हो । यो जितसँगै, काठमान्डु एनपीएलको प्लेअफमा पुग्ने दोस्रो टिम बनेको छ ।

लिग चरणमा ७ वटै खेल खेलिसकेको काठमान्डुले ५ खेलमा जित र २ हारबाट १० अंक जोडेर दोस्रो स्थानमा छ । उता ६ खेलमा चौथो हार व्यहोरेको पोखराको भने ४ अंक मात्र छ ।

काठमान्डुले दिएको १६६ रनको लक्ष्य पछ्याएको पोखराले २० ओभरमा सबै विकेट गुमाउदै १५२ रन मात्र बनायो । पोखराका लागि ऋषि धवनले अर्धशतक प्रहार गरे। उनले ३१ बल खेल्दै ३ चौका र २ छक्कासहित ५४ रन बनाए । यस्तै धनन्जय लक्षनले ३० रन जोड्दा कप्तान कुशल भुर्तेलले २२ र ज्यासन रोयले १६ रन बनाएर आाउट भए ।

बलिङमा काठमान्डुका शाहब आलमले ४ ओभरमा २५ रन खर्चेर ह्याट्रिकसहित ६ विकेट लिए । यससगै, उनी जारी प्रतियोगितामा ६ विकेट लिने पहिलो खेलाडि बने । कप्तान करण केसी र सन्नी पटेलले दुई/दुई विकेट लिए ।

त्यसअघि कीर्तिपुरस्थित टीयू अन्तर्राष्ट्रिय क्रिकेट स्टेडियममा टस हारेर पहिले ब्याटिङ गरेको काठमान्डुले ओपनर बेन चार्ल्सवर्थ र भिम शार्कीको अर्धशतकम निर्धारित २० ओभरमा ८ विकेट गुमाएर १६५ रन बनाएको थियो । उसको लागि भीम सार्कीले आक्रमक ब्याटिङ गरे । उनले १९ बलमै अर्धशतक पूरा गरे । उनले २२ बलमा ५ चौका र ४ छक्काको मद्दतमा ५५ रन बनाए । यस्तै, चार्ल्सवर्थले ५५ बलमा ५ चौका र २ छक्काको मद्दतमा ६४ रन बनाए । छैटौं विकेटका लागि भीम र चार्ल्सवर्थले ८४ रनको साझेदारी गरे ।

यस्तै, ओपनर आकाश त्रिपाठी शून्यमा आउट हुँदा रशिद खानले ७ रन, मिलिन्द कुमारले १३, जोन सिमसन २ र आदिल अन्सारीले ७ रन जोडे ।

बलिङमा पोखराका धनञ्जयले ४ विकेट लिँदा कप्तान कुशल भुर्तेलले २ तथा विपिन खत्री र किरण ठगुन्नाले १/१ विकेट हात पारे।

काठमाडौं । नेपाल प्रिमियर लिग (एनपीएल) अन्तर्गत आजको खेलमा विराटनगर किंसविरुद्ध लुम्बिनी लायन्सले पहिले बलिङ गर्दैछ ।

लुम्बिनी लायन्सका कप्तान रोहितकुमार पौडेलले टस जितेर पहिले बलिङ गर्ने निर्णय गरेका हुन् ।

आज विराटनगरको टोलीमा स्टार ब्याटर फाफ डुप्लेसिसले पनि खेल्नेछन् । उनको उपस्थितीले विराटनगरको टप अर्डर थप मजबुत बनाउने छ ।

विराटनगर ५ खेलमा ४ जितसहित ८ अंक जोडेर प्लेअफको नजिक छ ।  लुम्बिनीले भने ५ खेलमा २ जितसहित ४ अंक जोडेको छ । उसलाई बाँकी २ वटै खेल जित्नुपर्ने दबाब छ।

काठमाडौं। नेपाल प्रीमियर लिग (एनपीएल) अन्तरगत पोखरा एभेन्जर्सले दोस्रो जित निकालेको छ ।

भर्खरै सम्पन्न खेलमा पोखराले कर्णाली याक्सलाई ३४ रनले हराएको हो । जितसँगै पोखराले प्लेअफको सम्भावना कायमै राखेको छ भने कर्णाली प्लेअफको दौडबाट बाहिरिएको छ ।

२०२ रनको विशाल लक्ष्य पछ्याएको कर्णालीले १९ ओभरमा १६७ रनमा अलआउट भयो । उसका लागि मार्क वाटले अर्धशतक प्रहार गरेपनि टोलिको हार टार्न सकेनन् । ३४ बल खेलेका उनले ५ छक्का र ४ चौकाको मद्दतले ५९ रन जोडे ।

यस्तै नजिबुल्लाह जाद्रानले २४, पवन सराफले १९, प्रीयाङ्क पान्चालले १६ रन जोड्दा सोमपाल कामीले १३ रन बनाए ।

वलिङतर्फ पोखराका ऋषि धवन र धनन्जय लक्षनले तीन-तीन तथा किरण ठगुन्ना, कुशल भुर्तेल र सन्दीप क्षेत्रीले एक-एक विकेट लिए ।

त्यसअघि टस हारेर ब्याटिङमा उत्रिएको पोखराले २० ओभरमा २ विकेटको क्षतिमा २०२ रन जोड्यो ।

रोसिङ्टनले शतकीय पारी खेले । उनले ५४ बलमा शतक बनाएका हुन् । ५८ बल खेलेका उनी १०८ रनमा अविजित रहे । उनले ११ चौका र ७ छक्का प्रहार गरे ।

समग्र एनपीएलमा शतक बनाउने उनी तेस्रो खेलाडी हुन् भने जारी प्रतियोगितामा दोस्रो हुन् । यस्तै जेसन रोयले ४६ तथा कुशल भुर्तेलले १८ रन जोड्दा धनन्जय लक्षन २३ रनमा अविजित रहे ।

वलिङतर्फ कर्णालीका मार्क वाट र नन्दन यादवले एक-एक विकेट लिए ।

छ खेलमा एक जितमात्र निकालेको कर्णालीको दुई अङ्क छ भने पाँच खेलमा दुई निकालेको पोखराले चार अङ्क जोडेको छ ।

काठमाडौँ । राजधानीमा जारी दोस्रो संस्करणको नेपाल प्रिमियर लिग (एनपीएल) अन्तर्गत आज विश्राम दिइएको छ । भोलि मङ्गलबार भने दुई खेल राखिएका छन् ।

त्रिभुवन विश्वविद्यालय अन्तरराष्ट्रिय क्रिकेट रङ्गशाला, कीर्तिपुरमा बिहान ११:४५ बजे हुने पहिलो खेलमा साविक विजेता जनकपुर बोल्ट्स र चितवन राइनोज भिड्दा अपरान्ह ४ बजे हुने दोस्रो खेलमा पोखरा एभेन्जर्स र कर्णाली याक्स आमनेसामने हुनेछन् ।

लगातार चार खेल हारेर पुछारमा रहेको जनकपुरले यो खेल जितेर गणितीय हिसाबले भए पनि प्लेअफको दौडमा कायम रहन चाहन्छ ।

चार खेलबाट दुई खेल जितेको चितवन भने यो खेल जितेर प्लेअफको सम्भावना बलियो बनाउन चाहन्छ । अपरान्ह ४ बजे हुने दोस्रो खेलमा पोखरा र कर्णालीबीच भिडन्त हुनेछ ।

दुबै टोलीका लागि यो खेल प्लेअफ पुग्न महत्त्वपूर्ण छ । चार खेलमा एक खेल मात्रै जितेको पोखरालाई यो खेल जिते प्लेअफको यात्रामा पुग्न सहज हुनेछ । कर्णालीका लागि भने यो खेल गर या मरको अवस्थामा छ ।

मङ्सिर १ गतेदेखि सुरू प्रतियोगितामा हालसम्म १९ खेल सम्पन्न भएका छन् । अपराजित सुदूरपश्चिम रोयल्स मात्रै १० अङ्क जोडेर प्लेअफ पुग्ने पहिलो टोली बनेको छ । रासस

काठमाडौं । दोस्रो संस्करणको नेपाल प्रिमियर लिग (एनपीएल) मा आज काठमान्डु गुर्खाज र कर्णाली याक्स भिड्ने भएका छन् ।

कीर्तिपुरस्थित त्रिवि क्रिकेट मैदानमा हुने खेल दिउँसो ३:३० बजे सुरु हुनेछ । पाँच खेल खेलिसकेको काठमाडौं ६ अंकसहित तालिकाको तेस्रो स्थानमा छ । पहिलो खेलमा जनकपुर बोल्ट्सलाई ५ विकेटले हराएको काठमाण्डु दोस्रो खेलमा सुदूरपश्चिम रोयल्ससँग २९ रनले पराजित भएको थियो ।

तेस्रो खेलमा विराटनगर किंग्ससँग ५ विकेटको हारको सामना गरेको काठमाण्डु चौथो खेलमा लुम्बिनीविरुद्ध २२ रनले विजयी भएको हो । पाँचौं खेलमा चितवनलाई ५३ रनले हराएको काठमाण्डु आजको खेलमा उच्च मनोबलका साथ मैदानमा हुनेछ ।

चार खेल खेलेर दुई अंक मात्र जोडेको कर्णाली तालिकाको छैटौँ स्थानमा छ ।

पहिलो खेलमा चितवनसँग चार विकेटले पराजित भएको कर्णाली दोस्रो खेलमा लुम्बिनीविरुद्ध ९ विकेटको जित निकालेको थियो । तेस्रो खेलमा सुदूरपश्चिमसँग ४५ रनले हारेको कर्णाली चौथो खेलमा विराटनगरसँग तीन विकेटले पराजित भएको हो । कर्णालीका लागि अब सबै खेल जित्नैपर्ने दबाब छ ।

काठमाडौँ । त्रिवि क्रिकेट मैदानमा बलरले गुग्ली फ्याँक्दैछन् । त्यही मैदान बाहिर खुद्रा व्यापारीहरूले कमाइको छक्का हानिरहेका छन् । मंसिर १ गतेबाट शुरु भएको नेपाल प्रिमियर लिग (एनपीएल) को दोस्रो संस्करणले स्टेडियम वरपरको सडकलाई सानो बजारमा परिणत गरिदिएको छ । एकातिर दर्शकको हुटिङ, अर्कोतिर चिया–चाउचाउ, मःम, क्लवका स्टिकर र जर्सीको होटमा व्यापारीहरू रमाइरहेका छन् ।

यस वर्ष आफूले मःम बेचिरहेको बताउँदै व्यापारी सापकोटाले दिनमा ४० प्लेटसम्म विक्री हुने गरेको बताउनु भयो । आफू सन्दीप लामिछानेको फ्यान भएकाले मःम स्टलको नाम नै गुग्ली मःम राखेको सुनाउनु भयो ।  “दिनमा ३०–४० प्लेट मःम बिक्छ, सन्दीप लामिछानेको फ्यान भएकाले स्टलको नाम नै ‘गुग्ली मःम’ राखेको छु”सापकोटा भन्नुहुन्छ ।

उहाँ जस्तै राजन शाक्यले क्लवका स्टिकर, झण्डा, क्याप, मास्क लगायत ६–७ प्रकारका सामान बेचिरहनुभएको छ ।  “दिनमा ३ हजारदेखि १० हजारसम्म कमाइ भइरहेको छ,” उहाँ भन्नुहुन्छ, “गत वर्षभन्दा यो पटक अलि कम हुन सक्छ तर पनि राम्रै छ ।”

तर सबै व्यापारी खुशी छैनन् । १८ वर्षीय धमन धामीको भने गुनासो छ । स्टेडियमभित्रबाट दर्शक निस्किन नपाउने कारण व्यवसाय खासै हुन नसकेको बताउनु हुन्छ । उहाँले यो नियमले ठूला स्पोन्सर र व्यवसायीलाई फाइदा पुग्ने तर साना खुद्रा व्यापारीमाथि भेदभाव हुने बताउनु भयो । उहाँ भन्नुहुन्छ— “स्टेडियमभित्र दर्शकले खेल अवधिभर बस्नैपर्ने नियम छ । एक पटक बाहिर निस्कियो भने पुनः प्रवेश गर्न पाइँदैन । यसले हाम्रो व्यापार चौपट भएको छ ।”

एनपिएल शुरु भएको पहिलो तीन दिन त प्रशासनले स्टल नै राख्न दिएन । स्टल राख्न नदिएको सम्झिँदै खुद्रा व्यवसायी रोशनी कोईरालाले समन्वयपछि राख्न दिएको र अहिले सानोतिनो व्यवसाय भइरहेको बताउनु भयो । उहाँले भन्नुभयो, “पहिले त निकै दुःख भयो,पछि समन्वय गरेर बल्ल ठाउँ पायौँ । अहिले चिया, चाउचाउ, बिस्कुट बेच्दैछु । एनपीएलले रोजगारी त दियो, तर साना व्यापारीलाई हेर्ने दृष्टिकोण सुधार्नुपर्छ ।”

मंसिर २७ गतेसम्म चल्ने यो लिगले त्रिवि वरपरको सडकलाई २७ दिनको मेला बनाइदिएको छ । दर्शकको भीड, सवारीको जाम, मःम र चियाको बासनाः सबैले यो क्षेत्रलाई जीवन्त बनाएको छ । तर स्टेडियमभित्रको कडा नियमले बाहिरको कमाइमा ‘डट बल’ लगाइदिएको छ । खेल त भइरहेकै छ तर साना व्यापारीहरूको मनमा भने एउटै प्रश्न घुमिरहेको छ— “हामीलाई पनि मैदानभित्र खेल्न किन दिइएन ?”

काठमाडौँ । नेपाल प्रीमियर लिग (एनपीएल) अन्तर्गत १५ औं खेलमा काठमाण्डु गोर्खाजले चितवन राइनोजलाई पराजित गरेको छ ।

भर्खरै सम्पन्न खेलमा काठमाण्डुले चितवनलाई ५३ रनले हराएको हो । १४३ रनको लक्ष्य पछ्याएको चितवन १७.२ ओभरमा ८९ रनमै अलआउट भयो ।

उसका लागि देव खनाल र रवि बोपाराले २१–२१ रन जोड्दा शोहेल तनविरले १८ रन बनाए । अन्य ब्याट्सम्यान फ्लप सावित भए ।

चितवनलाई सस्तैमा समेट्न काठमाण्डुका राशिद खानले तीन तथा करण केसी, मिलिन्द कुमार शाहब आलमले दुई–दुई विकेट लिँदा सन्तोष यादवले एक सफलता हात पारे ।

त्यसअघि कीर्तिपुरस्थित टियु मैदानमा टस हारेर पहिले ब्याटिङमा उत्रिएको काठमाण्डु १९.४ ओभरमा १४२ रनमा अलआउट भयो ।

उसका लागि जोन सिम्पसनले सर्वाधिक ६० रनको योगदान दिए । २९ बल खेलेका उनले ५ छक्का र ३ चौका प्रहार गरे । यस्तै, मिलिन्द कुमारले ३८, बेन चार्लस्वर्थले १३ रन बनाउँदा अन्य ब्याट्सम्यानले दोहोरो अंकमा रन बनाउन सकेनन् ।

बलिङतर्फ चितवनका शोहेल तनविर एक्लैले चार विकेट लिए भने रन्जित कुमार र कमल ऐरीले दुई–दुई तथा रवि बोपाराले एक विकेट लिए ।

जारी प्रतियोगितामा काठमाण्डुको यो तेस्रो जित हो । पाँच खेल खेलेको काठमाण्डुले तीन जित तथा दुई हार ब्यहोरेको छ । यता, चितवनले भने चार खेलमा दुई जित तथा दुई हार ब्यहोरेको छ ।

काठमाडौं । नेपाल प्रिमियर लिग–एनपीएलमा आज पनि दुई खेल हुँदैछन् । त्रिवि मैदान कीर्तिपुरमा पहिलो खेल बिहान पौने १२ बजे र दोस्रो खेल अपराह्न ४ बजे हुनेछ ।

आजको पहिलो खेलमा चितवन राइनोज र काठमान्डु गोर्खाज भिड्ने छन् भने दोस्रो खेलमा विराटनगर किंग्सले कर्णाली याक्ससँग खेल्दैछ।

काठमान्डु गोर्खाजले आज प्रतियोगिताको पाँचौं खेल खेल्दै छ । चितवन राइनोजको भने आजको खेल तेस्रो हुनेछ ।

दुवै टोलीले दुई–दुई खेल जितेका छन् ।

चितवनले एक खेलमा पराजय भोग्दा काठमाडौंले दुई खेलमा हार ब्यहोरेको छ ।

चितवनले पहिलो खेलमा कर्णाली याक्सलाई ४ विकेटले पराजित गर्दा दोस्रो खेलमा लुम्बिनी लायन्ससँग ६ विकेटले पराजित भएको थियो । तेस्रो खेलमा उसले विराटनगर किंग्सलाई ४८ रनले हराएको थियो ।

काठमान्डुले पहिलो खेलमा जनकपुर बोल्ट्सलाई ५ विकेटले पराजित गर्दा दोस्रो खेलमा सुदूरपश्चिमसँग २९ रनले र तेस्रो खेलमा विराटनगर किंग्ससँग ५ विकेटले पराजित भएको थियो। चौथो खेलमा काठमान्डुले लुम्बिनी लायन्सलाई २२ रनले हराएको थियो ।

विराटनगरले पनि आज प्रतियोगिताको पाँचौं खेल खेल्दैछ । उसले अघिल्लो ४ खेलमध्ये तीन खेलमा विजयी हुँदै ६ अंक जोडेर अंक तालिकाको दोस्रो स्थान कायम राखेको छ ।

विराटनगरले पहिलो खेलमा पोखरा एभेन्जर्सलाई ५३ रनले, दोस्रो खेलमा काठमान्डु गोर्खाजलाई ५ विकेटले, तेस्रो खेलमा जनकपुर बोल्ट्सलाई ९ रनले पराजित गरेको थियो ।

चौथो खेलमा विराटनगर चितवन राइनोजसँग ४८ रनले पराजित भएको थियो ।

अंक तालिकाको पाँचौं स्थानमा रहेको कर्णाली याक्सले अहिलेसम्म तीन खेल खेलेको छ । तीनमध्ये एक खेलमात्रै जितेको कर्णालीको २ अंक छ ।

कर्णालीले पहिलो खेलमा चितवन राइनोजससँग ४ विकेटले पराजय ब्यहोरेको थियो । दोस्रो खेलमा लुम्बिनी लायन्सलाई ९ विकेटले हराउँदा तेस्रो खेलमा सुदूरपश्चिमसँग ४५ रनले पराजित भएको थियो ।

काठमाडौं । राजधानीमा जारी दोस्रो संस्करणको नेपाल प्रिमियर लिग (एनपिएल)मा सुदूरपश्चिम रोयल्सले लगातार चौथो जित दर्ता गरेको छ ।

त्रिवि क्रिकेट रङ्गशालामा आज भएको पहिलो खेलमा सुदूरपश्चिमले लुम्बिनी लायन्सलाई ७ विकेटले पराजित गरेको हो ।

लुम्बिनीले दिएको १४४ रनको लक्ष्य सुदूरपश्चिमले १८.२ ओभरमा ३ विकेट गुमाएर पूरा गर्यो । उसका लागि ओपनर विनोद भण्डारीले ६९ रनको उत्कृष्ट अर्धशतकीय इनिङ खेले । उनले ४९ बलमा ५ चौका र ४ छक्का प्रहार गरे । यस्तै, अर्का ओपनर जोश ब्राउन ९ रन बनाउदा क्रिस लिन १६, आरिफ शेख ३९ र हर्मित सिंह ७ रनमा अविजित रहे ।

त्यसअघि टस हारेर पहिला ब्याटिङ गरेको लुम्बिनीले १९ दशमलव चार ओभरमा १४३ रन बनाउँदै अलआउट भयो । आजको खेलमा कप्तान रोहित पौडेलले सर्वाधिक ३५ र दिलिप नाथले ३१ रनको योगदान गरे ।

बलिङतर्फ सुदूरपश्चिमका अभिनाश बोहराले ती, हर्मित सिंहले तीन र हेमन्त धामीले दुई विकेट झारे ।

दिपेन्द्रसिंह ऐरीको कप्तानीमा रहेको सुदूरपश्चिम अपराजित रहदै ८ अङ्कका साथ शीर्ष स्थानमा छ । ४ खेल नै खेलेको लुम्बिनीले लगातार तेस्रो हार बेहोरेको छ । उसको दुई अंक रहेको छ ।

काठमाडौं । नेपाल प्रिमियर लिग (एनपीएल) सिजन-२ अन्तर्गत आजको पहिलो खेलमा सुदूरपश्चिम रोयल्सले लुम्बिनी लायन्सविरुद्ध टस जितेर पहिला बलिङ गर्ने भएको छ ।

टीयू क्रिकेट मैदानमा सुदूरपश्चिमका कप्तान दीपेन्द्रसिंह ऐरीले टस जितेर पहिला फिल्डिङ गर्ने निर्णय लिएका हुन् ।

एनपीएलमा सुदूरपश्चिम अपराजित रहेको छ । उसले तीन खेल खेलेकोमा सबैमा विजयी भएको छ । लुम्बिनीले भने एक खेलमा जित र दुई खेलमा हार बेहोरेको छ ।

काठमाडौं । राजधानीमा जारी दोस्रो संस्करणको नेपाल प्रिमियर लिग (एनपीएल)अन्तर्गत आज लुम्बिनी लायन्स र सुदूरपश्चिम रोयल्स तथा जनकपुर बोल्ट्स र पोखरा एभेन्जर्सबीच प्रतिस्पर्धा हुँदैछ ।

त्रिभुवन विश्वविद्यालयको अन्तरराष्ट्रिय क्रिकेट रङ्गशालामा पहिलो खेल ११:४५ र दोस्रो खेल अपराह्न ४:०० बजे हुनेछ ।

रोहितकुमार पौडेलको कप्तानीमा लुम्बिनी सुदूरपश्चिमलाई पराजित गर्ने लक्ष्यमा छ । तीन खेलमा एउटा मात्र जितेको लुम्बिनी अङ्क तालिकाको छैटौं स्थानमा छ ।

दीपेन्द्रसिंह ऐरीको कप्तानीमा सुदूरपश्चिम लगातार तीन जितका साथ अङ्क तालिकामा शीर्ष स्थानमा छ । यो टोलीले ६ अङ्क बटुलेको छ

अनिल शाह नेतृत्वको साविक विजेता जनकपुर र कुशल भुर्तेलको कप्तानीमा पोखरा जित आफ्नो पोल्टामा पार्ने दाउमा छन् । यसअघि जनकपुर र पोखरा दुवै खेलमा पराजित भएका थिए ।

काठमाडौं । दोस्रो संस्करणको नेपाल प्रिमियर लिग–एनपीएलअन्तर्गत आज विराटनगर किंग्स र चितवन राइनोज भिड्दैछन् । यो खेल मंगलबार दिउँसो ४ बजे त्रिवि क्रिकेट मैदान कीर्तिपुरमा सुरु हुँदैछ ।

विराटनगर सन्दीप लामिछाने कप्तान रहेको टिम हो भने चितवनका कप्तान कुशल मल्ल हुन् । तीन खेल खेलिसकेको विराटनगरले लगातार जित निकाल्दै ६ अंक जोडिसकेको छ । दुई खेल मात्र खेलेको चितवनको दुई अंक मात्र छ ।

यो खेलमा सन्दीप लामिछानेको बलिङ र चितवनका रवि बोपाराको ब्याटिङ हेर्नलायक हुनेछ । यो सिजन दुई खेलमा रवि बोपाराले दुई अर्धशतक प्रहार गरिसकेका छन् ।

सन्दीप लामिछाने सर्वाधिक विकेट टेकरको रुपमा शीर्ष स्थानमा छन् । उनले दुई खेल खेल्दा सात विकेट हात पारेका छन् ।

विराटनगरले अहिलेसम्म हारको सामना गरेको छैन । पहिलो खेलमा पहिलो खेलमा पोखराविरुद्ध ५३ रनको जित निकालेको विराटनगरले दोस्रो खेलमा काठमाडौंमाथि ५ विकेटको जित निकाल्दा तेस्रो खेलमा जनकपुरमाथि ९ रनको सनसनीपूर्ण जित हात पारेको हो । अंक तालिकामा विराटनगर र सुदूरपश्चिमको समान अंक भए पनि रनरेटका आधारमा विराटनगर दोस्रो स्थानमा छ ।

चितवन भने तालिकाको पाँचौं स्थानमा छ । पहिलो खेलमा कर्णालीविरुद्ध चार विकेटको जित निकालेको चितवन दोस्रो खेलमा लुम्बिनीसँग ६ विकेटले पराजित भएको हो ।

दुवै टिम आज जित्नै पर्ने दबाबका साथ मैदानमा हुनेछ । विराटनगर शीर्ष स्थानमा उक्लिन चाहन्छ भने चितवन तेस्रो खेलबाट थप अंक जोड्न चाहन्छ ।

काठमाडौं । नेपाल प्रिमियर लिग (एनपीएल) अन्तर्गत आज लुम्बिनी लायन्स र काठमान्डु गुर्खाज भिड्दैछन् । यो खेल दिउँसो ४ बजे त्रिवि क्रिकेट मैदान कीर्तिपुरमा सुरु हुने छ ।

काठमान्डु करण केसीको कप्तानीको टिम हो भने लुम्बिनी राष्ट्रिय टोलीका कप्तान रोहितकुमार पौडेलको टिम हो ।

तीन खेल खेलिसकेको काठमाण्डु र दुई खेल मात्र खेलेको लुम्बिनीको समान दुई–दुई अंक छ । काठमान्डु पछिल्ला दुई खेलमा लगातार पराजित छ । काठमान्डुले उद्घाटन खेलमा जनकपुरलाई ५ विकेटले हराउँदै विजयी सुरुवात गरेको थियो । त्यसपछि सुदूरपश्चिमसँग २९ रनले हारेको काठमान्डुले तेस्रो खेलमा विराटनगरसँग पाँच विकेटको पराजय सामना गरेको थियो ।

यता, लुम्बिनीले पहिलो खेल जितेर दोस्रो खेल गुमाएको हो । पहिलो खेलमा चितवनलाई ६ विकेटले हराएको लुम्बिनी दोस्रो खेलमा कर्णालीसँग ९ विकेटको हार बेहोरेको थियो ।

अंक तालिकामा काठमाण्डु तेस्रो स्थानमा छ भने लुम्बिनी चौथो स्थानमा छ । दुवै टिम आजको खेल जितेर प्रतियोगितामा कमब्याक गर्न चाहन्छन् ।

अंक तालिकामा अपराजित सुदूरपश्चिम र विराटनगरले समान ६ अंक बनाएका छन् । नेटरनरेटका आधारमा सुदूरपश्चिम शीर्ष स्थानमा छ भने विराटनगर दोस्रो स्थानमा छ । समान दुई अंक भएका काठमाडौं, लुम्बिनी, चितवन र कर्णाली क्रमश: तेस्रो, चौथो, पाँचौ र छैठौं स्थानमा छन् ।

जनकपुर र पोखराले भने दुई खेल खेल्दासमेत अंक जोड्न सकेका छैनन् ।

काठमाडौं । दोस्रो संस्करणको नेपाल प्रिमियर लिग (एनपीएल)मा आज दुई खेल हुँदै छन् ।

त्रिवि अन्तरराष्ट्रिय क्रिकेट रङ्गशाला कीर्तिपुरमा बिहान ११:४५ बजे हुने पहिलो खेलमा जनकपुर बोल्ट्स र विराटनगर किङ्ग्सबीच प्रतिस्पर्धा हुँदैछ । त्यसैगरी, दोस्रो खेल दिउँसो ४:०० बजे कर्णाली याक्स र सुदूरपश्चिम रोयल्सबीच हुनेछ ।

हालसम्मको अङ्कतालिकाअनुसार दुई–दुई खेल खेलेका सुदूरपश्चिम रोयल्स र विराटनगर किङ्ग्स चार–चार अङ्कसहित पहिलो र दोस्रो स्थानमा छन् । तीन खेल खेलिसकेको काठमाडौँ गुर्खाज भने दुई अङ्क जोड्दै तेस्रो स्थानमा छ । दुईवटा खेल खेलेको पोखरा भने दुवै पराजित हुँदै पुछारमा छ ।

मङ्सिर १ गतेदेखि सुरु एनपीएलमा जनकपुर बोल्ट्स, सुदूरपश्चिम रोयल्स, कर्णाली याक्स, पोखरा एभेन्जर्स, विराटनगर किङ्ग्स, चितवन राइनोज, काठमाडौँ गुर्खाज र लुम्बिनी लायन्स गरेर आठ फ्रेन्चाइज टोलीले प्रतिस्पर्धा गर्दैछन् । मङ्सिर २७ गते फाइनल हुनेछ ।

हिजो भने कुनै पनि खेल राखिएका थिएन । नेपाल क्रिकेट सङ्घले यसअघि नै सार्वजनिक गरेको खेलतालिकामा हिजो विश्राम दिन राखिएको थियो ।