जेरुसेलम। गाजाको प्रशासनको जिम्मेवारी पाएको प्यालेस्टिनी प्राविधिक समितिले गाजाको सबै हतियारको नियन्त्रण आफ्नो हातमा लिनुपर्ने अमेरिकी राष्ट्रपति डोनाल्ड ट्रम्पद्वारा घोषणा गरिएको शान्ति समितिले सोमबार बताएको छ ।

यो भनाइ हमासले गाजा शासन गर्ने आफ्नो निकाय भङ्ग गरेको केही समयपछि आएको हो।

शान्ति समितिले सामाजिक सञ्जाल एक्समा जारी गरेको वक्तव्यमा भनेको छ, “मुख्य सिद्धान्त भनेको एक अधिकार, एक कानुन र एक हतियार हो।

यसको मतलब गाजा प्रशासन राष्ट्रिय समिति (एनसीएजी) को नियन्त्रणमा सबै हतियारहरू केन्द्रित हुनुपर्छ।”

अमेरिकी राष्ट्रपति ट्रम्पले सन् २०२५ अक्टोबरमा गाजा युद्धविरामको मध्यस्थता गरेपछि स्थापना गरेको शान्ति समितिले गठन गरेको गाजा प्रशासन राष्ट्रिय समितिले हाल कायरोमा रहेर काम गर्दै आएको छ । (रासस/एएफपी)