बुटवल । युवा अभियन्ता तथा चिकित्सक डा. निकोलस भुसालले रुपन्देही क्षेत्र नम्बर २ बाट स्वतन्त्र उम्मेदवारी दिएका छन् ।

उनले मंगलबार निर्वाचन अधिकृतको कार्यालय पुगेर मनोनयन पत्र दर्ता गराएका हुन् ।

काठमाडौँ । दिउँसो २ बजे माइतीघर मण्डलामा प्रदर्शन गर्ने घोषणा गरेका अभियन्ता निकोलस भुसाल बेपत्ता भएका छन् ।

लागूऔषध सेवन गरी कार्यक्रमको घोषणा गरेको र मुठभेडको सम्भावना रहेको भन्दै प्रहरीले उनलाई नियन्त्रणमा लिन खोज्दा उनी सम्पर्कविहीन बनेका हुन् ।

प्रहरीका अनुसार भुसालको खोजी भइरहेको छ । उनको डेरामा बाहिरबाट साँचो लगाइएको छ र मोबाइल स्विच अफ छ । परिवारले पनि उनीसँग सम्पर्क नभएको बताएका छन् ।

जिल्ला प्रहरी प्रवक्ता एसपी पवन भट्टराईका अनुसार प्रदर्शनका लागि अनुमति नलिइएकाले कार्यक्रम भए नियन्त्रणमा लिइनेछ ।

यसअघि पनि भुसाल माइतीघरमा प्रदर्शनका क्रममा पक्राउ परेका थिए र स्वास्थ्य परीक्षणमा गाँजा सेवन गरेको पुष्टि भएको थियो ।

काठमाडौं । अभियन्ता निकोलस भुसालले गाँजा सेवन गरेको पुष्टि भएपछि प्रहरीले सुधार केन्द्रमा पठाएको छ ।

काठमाडौंको माइतीघरमा प्रदर्शन गर्ने क्रममा आज पक्राउ परेका भुसाललाई प्रहरीले सुधार केन्द्र पठाइएको हो । उनले गाँजा सेवन गरेको पुष्टि भएको छ ।

पक्राउपछि गर्ने मेडिकल परीक्षण गर्ने क्रममा उनले लागूऔषध (गाँजा) सेवन गरेको पाइएको जिल्ला प्रहरी परिसर काठमाडौंका एसपी एवम् प्रवक्ता पवनकुमार भट्टराईले बताएका छन् ।

भुसाल एक वर्षअघि पक्राउ पर्दा पनि गाजा सेवन गरेको पुष्टि भएको थियो ।

निकोलसलाई उनका दाजुको जिम्मा लगाएर सुधार केन्द्र पठाइएको हो ।

काठमाडौँ । प्रहरीले माइतीघर मण्डलाबाट डा निकोलस भुसालसहित तीन जनालाई पक्राउ गरेको छ ।

जेन्जी आन्दोलनको माग पुरा नभएको भन्दै आन्दोलन गर्न माईतीघर पुगेका उनीहरुलाई प्रहरीले पक्राउ गरेको हो ।

पक्राउ गरी उनीहरूलाई जिल्ला प्रहरी परिसर काठमाडौँमा राखिएको छ ।

तस्बिरहरुःअनुप प्रधान/ न्युज एजेन्सी नेपाल

काठमाडौँ । कास्की जिल्ला अदालतले डा. निकोलस भुसाललाई धरौटीमा छाड्न आदेश दिएको छ ।

न्यायाधीश शंकरबहादुर राईको इजलासले राष्ट्रिय स्वतन्त्र पार्टी (रास्वपा)का सभापति रवि लामिछाने प्रहरी हिरासतमा रहेका बेलाको तस्बिर खिचेका डा. भुसाललाई ५० हजार रुपैयाँ धरौटीमा छाड्न आदेश गरेको हो ।

सहकारी ठगी प्रकरणमा कास्की प्रहरीको हिरासतमा रहेका रविको हिरासत तस्बिर भाइरल भएपछि रास्वपाका नेता कार्यकर्ता प्रहरीमाथि खनिएका थिए । त्यसपछि निकोलसले त्यो तस्बिर आफूले खिचेको बयान दिएका थिए ।

लगत्तै उनी पुस ७ गते पहिलो पटक पक्राउ परेका थिए । अदालतले उनलाई बाहिर राखेर अनुसन्धान गर्न आदेश दिएको थियो ।

काठमाडौं । पोखरा प्रहरीको हिरासतमा रहेका बेला सुतिरहेका राष्ट्रिय स्वतन्त्र पार्टीका सभापति रवि लामिछानेको तस्बिर खिचेर सार्वजनिक गर्ने निकोलस भुसाल पक्राउ परेका छन् ।

काठमाडौंको थलीबाट भुसाललाई पक्राउ गरिएको काठमाडौं प्रहरीले जनाएको छ । भुसालमाथि थप अनुसन्धान गर्न उपत्यका अपराध अनुसन्धान कार्यालयले पोखरा पठाउँदै छ ।

भुसालले लामिछानेको फोटो आफूले प्रहरीकै सिसिटिभीमा खिचेको स्वीकार गरेका थिए । गत शनिबार भेट्न जाँदा लामिछाने सुतिरहेको प्रहरीकै सिसिटिभीमा देखेपछि आफूले फोटो खिचेको भुसालले बताएका थिए ।

उक्त फोटो आफूले फेसबुकमा पोस्ट गरेपछि रास्वपाको कार्यकर्ताले भाइरल बनाएको भुसालको भनाइ छ । आफू रास्वपाको सदस्य नभएको समेत उनले बताएका थिए ।

पछि लामिछानेलाई भेट्न जाँदा मोबाइल प्रहरीलाई बुझाएको पनि भुसालले बताएका छन् ।

लामिछाने पक्राउ परेदेखि कास्की प्रहरी प्रमुख श्यामबाबु ओलिया, सूचना अधिकारीसमेत रहेका डिएसपी बसन्त शर्मा लगायतले कार्यालयमा अरू प्रयोजनमा जाने सेवाग्राहीलाई पनि मोबाइल लैजान प्रहरीले रोक लगाएका छन् ।

भुसालले भने प्रहरी गेटभित्र सिसिटीभी देखेको र त्यसमा रवि लामिछाने सुतेको देखिएपछि फोटो खिचेको बताएका छन् ।

पोखरा । जिल्ला प्रहरी कार्यालय कास्कीले हिरासतमा रहेको राष्ट्रिय स्वतन्त्र पार्टीका सभापति रवि लामिछानेको फोटो सार्वजनिक गर्ने डा निकोलस भुसाललाई कारबाही गर्ने भएको छ ।

बिहीबार प्रेस विज्ञप्ती जारी गर्दै अनुसन्धानलाई नकरात्मक प्रभाव पार्ने गरी फोटो प्रकाशित भएको भन्दै प्रहरीले ध्यानाकर्षण भएको जनाएको हो ।

प्रहरीले फोटो सार्वजनिक गर्ने व्यक्तिलाई कारवाही गर्ने उल्लेख गरेको छ । विज्ञप्तीमा भनिएको छ,’ प्रकाशन तथा सम्प्रेषण गर्ने कार्यमा संलग्न रहेका जो कोही व्यक्तिलाई पनि कानूनी दायरामा ल्याई कानून बमोजिम अनुसन्धान तथा कारवाही गरिने र नेपालको संविधान एवं प्रचलित ऐन कानून बमोजिम फौजदारी न्याय प्रणालीका मुल्य मान्यताको अनुसरण गर्दै तथ्य एवं प्रमाणमुखी अनुसन्धान गर्न जिल्ला प्रहरी कार्यालय कास्की सदैव प्रतिवद्ध रहेको व्यहोरा अनुरोध गर्दछौं।’

रवि हिरासतमा सुतिरहेको फोटो डा निकोलस भुसालको फेसबुक आइडीबाट सार्वजनिक भएको थियो । निकोलसले फोटो आफूले खिचेको स्वीकार समेत गरिसकेका छन् ।

काठमाडौं । क्रिकेटर सन्दीप लामिछानेको पक्षमा सर्वोच्च अदालत अगाडि नाराबाजी गरेको आरोपमा प्रहरीले निकोलस भुसाललाई पक्राउ गरेको छ ।

आइतबार साँझ सन्दीपको मुद्दाको फैसला तत्काल गर्नुपर्ने भन्दै नाराबाजी गरेपछि प्रहरीले उनलाई नियन्त्रणमा लिएको जिल्ला प्रहरी परिसर काठमाडौंका एसपी तथा प्रवक्ता नवराज अधिकारीले बताए ।

भुसालले सन्दीपलाई न्याय दिनुपर्ने भन्दै दबाबमूलक कार्यहरू गर्दै आएका छन् । केही दिनअघि उनीसहित केहि युवाहरुले कलंकीमा र्‍याली निकालेका थिए ।

भुसाल अहिले पनि प्रहरी हिरासतमै रहेका छन् ।