काठमाडौं । पूर्वराष्ट्रपति विद्यादेवी भण्डारीले फागु पूर्णिमा अर्थात होलीले राष्ट्रिय प्रेमलाई अझ प्रगाढ बनाउने विश्वास व्यक्त गर्नुभएको छ ।

होलीको शुभकामना दिँदै पूर्वराष्ट्रपति भण्डारीले यो पर्वले सबैको जीवनमा आनन्द र खुशीको रंग भर्ने बताउनुभएको हो । उहाँले बालबालिकादेखि वृद्ध हरेक उमेर समूहले यो पर्व मनाउने गरेको समेत बताउनुभएको छ ।

पूर्वराष्ट्रपति भण्डारीले शुभकामना सन्देशमा भन्नुभएको छ–

‘वसन्त ऋतुको मौसममा मनाइने रङ्गहरूको पर्व फागु पूर्णिमा (होली)को अवसरमा देश तथा विदेशमा रहनु भएका सम्पूर्ण नेपाली दिदीबहिनी तथा दाजुभाइहरूलाई हार्दिक मंगलमय शुभकामना । बच्चा देखि बृद्ध हरेक उमेर समूहले हर्षोल्लासका साथ मनाउने यो पर्वले सबैको जीवनमा आनन्द र खुशीको रङ्ग भर्दै आपसी सद्भाव र राष्ट्रिय प्रेमलाई अझै प्रगाढ बनाउनेछ भन्ने मेरो विश्वास छ ।

काठमाडौं । पूर्वराष्ट्रपति विद्यादेवी भण्डारीले मुलुकको स्वतन्त्रता‚ सार्वभौमसत्ता‚ भौगोलिक अखण्डता‚ राष्ट्रिय एकता र स्वाभिमानको रक्षा गर्न नेपाली जनतालाई संविधानले अधिकारसम्पन्न बनाएको उल्लेख गर्दै यसले केन्द्रीकृत र एकात्मक राज्य व्यवस्थाद्वारा सिर्जित सबै प्रकारका विभेद र उत्पीडनको अन्त्यका साथै जातीय, भाषिक, धार्मिक, सांस्कृतिक तथा भौगोलिक विविधतायुक्त नेपाली समाजलाई बृहत् राष्ट्रिय एकताको सूत्रमा आबद्ध गरेको बताउनुभएको छ ।

संविधान दिवसका अवसरमा आज जारी गर्नुभएको शुभकामना सन्देशमा उहाँले लैङ्गिक समानता कायम गर्न राज्यका सबै निकायहरूमा महिला सहभागिता‚ हाम्रो सामाजिक एवं भौगोलिक विविधताको समावेशीकरण तथा मौलिक अधिकारहरूको प्रत्याभूतिबाट देशको संविधान आफैँमा ऐतिहासिक उपलब्धिका रूपमा रहेको उल्लेख गर्नुभएको छ ।

काठमाडौं । सौर्य एयरलाइन्सको विमान दुर्घटनामा परेर १८ जनाको मृत्यु भएको घटनाप्रति पूर्वराष्ट्रपति विद्यादेवी भण्डारीले दु:ख व्यक्त गर्नुभएको छ ।

पूर्वराष्ट्रपति भण्डारीले सामाजिक सञ्जालमार्फत् दुर्घटनामा निधन भएको घटनाप्रति दु:ख व्यक्त गर्नुभएको हो ।

उहाँले सामाजिक सञ्जालमा लेख्नुभएको छ– नाइन एन–एएमई सीआरजे–७ विमान त्रिभुवन विमानस्थल परिसरमा भएको दुर्घटनामा परी १८ जना यात्रु तथा चालक दलका सदस्यहरूको ज्यान गएको खबरले म स्तब्ध भएको छु । दुर्घटनामा परी अमूल्य जीवन गुमाउने यात्रु तथा चालक दलका सदस्यहरूप्रति हार्दिक श्रद्धाञ्जली व्यक्त गर्दछु ।

पूर्वराष्ट्रपति भण्डारीले घाइते भई उपचाररत रहुनुभएका जहाजका क्याप्टेन मनिषरत्न शाक्यको शीघ्र स्वास्थ्यलाभको कामनासमेत गर्नुभएको छ । शोकमा डुब्नुभएका मृतकका परिवार तथा आफन्तजनमा गहिरो समवेदनासमेत उहाँले प्रकट गर्नुभएको छ ।

काठमाडौं । पूर्वराष्ट्रपति विद्यादेवी भण्डारीले बुद्धको शान्ति र अहिंसासम्बन्धी दर्शनको सान्दर्भिकता अझ बढ्दो रहेको बताउनुभएको छ ।

विश्व शान्तिका अग्रदूत गौतम बुद्धको २५६८ औं जन्मजयन्तीका अवसरमा आज देश तथा विदेशमा रहनुभएका सम्पूर्ण नेपालीलाई शुभकामना सन्देश दिँदै पूर्वराष्ट्रपति विद्यादेवी भण्डारीले बुद्धको दर्शनको सान्दर्भिकता बढ्दो क्रममा रहेको बताउनुभएको हो । उहाँले आम नेपालीलाई सुख, शान्ति र समृद्धिको कामना गर्नुभएको छ ।

गौतम बुद्धको जन्म, ज्ञान प्राप्ति र महापरिनिर्माण भएको अत्यन्त दुर्लभ त्रिसंयोगको रूपमा रहेकोवैशाख पूर्णिमालाई विश्वुभरका बौद्ध धर्मावलम्बीहरूद्वारा गौतम बुद्धप्रति श्रद्धा एवं भक्तिभाव प्रकट गर्ने पवित्र दिवसका रूपमा बुद्ध जयन्ती मनाउने गरिन्छ । नेपालका विभूति गौतम बुद्धले मैत्री, करुणा र अहिंसाको बारेमा दिनु भएको शिक्षा र प्रतिपादन गर्नु भएको सिद्धान्त र दर्शनलाई मान्यता प्रदान गर्दै संयुक्त राष्द्रसंघले समेतसन १९९९ देखि बुद्ध जयन्तीलाई ‘वैशाख दिवस’को नाममा अन्तर्राष्द्रिय दिवसका रूपमा मनाउँदै आएको छ ।

पूर्वराष्ट्रपति भण्डारीले आफ्नो शुभकामना सन्देशमा भन्नुभएको छ– ‘विश्वका विभिन्न भू–भागमा मानवजातिले हिंसा, वैमनश्य र युद्धको सामना गरिरहनु परेको वर्तमान परिप्रेक्ष्यमा अहिंसा, करुणा, पारस्परिक सम्मानर सद्भावका साथै शान्तिपूर्ण विश्वका लागि बुद्धले दिनुभएका सन्देशहरू आज पनि उङ्खिकैमननीय र उपयोगी रहेका छन् । बुद्धका उपदेशहरूको पालना एवं अनुसरण गर्न सकेमा हरेक व्यक्ति, समाज र विश्व समुदायका बीचमा शान्ति, सहअस्तित्व, सहिष्णुता र पारस्परिक सम्मानलाई थप सुदृढ गर्न सकिन्छ । तसर्थ, समकालीन विश्वमा गौतम बुद्धद्वारा प्रतिपादित शान्ति र अहिंसासम्बन्धी दर्शनको सान्दर्भिकता अझ बढ्न गएको छ ।’

पूर्वराष्ट्रपति भण्डारीले गौतम बुद्धका कालजयी उपदेश र मार्गदर्शनलाई आत्मसात गर्दै धार्मिक¸ सामाजिक तथा सांस्कृतिक विविधता बीच आपसी सद्भाकव¸ सहिष्णुता र बन्धुत्वको भावना अभिवृद्धि गराई वृहत राष्द्रिय एकता निर्माण गर्ने बाटोमा सदैव अग्रसर रहन पनि आह्वान गर्नुभएको छ ।

काठमाडौं । पूर्वराष्ट्रपति विद्यादेवी भण्डारीले मर्यादित काम र श्रमिकको सम्मान गर्न आह्वान गर्नुभएको छ ।

अन्तर्राष्ट्रिय श्रमिक दिवसको अवसरमा आज शुभकामना सन्देश जारी गर्दै पूर्वराष्ट्रपति भण्डारीले श्रमका विविध क्षेत्रमा आफ्नो श्रम र सीप लगानी गरी राष्ट्रको समृद्धिमा योगदान गर्ने सम्पूर्ण श्रमिकहरूप्रति सम्मान प्रकट गर्नुभएको हो ।

पूर्वराष्ट्रपति भण्डारीले शुभकामना सन्देशमा भन्नुभएको छ- ‘यो दिवसले मुलुकको आर्थिक विकास प्रक्रियामा अहम भूमिका खेल्ने श्रमिकहरूको योगदानलाई उजागर गर्दै ‘मर्यादित काम र श्रमिकको सम्मान’ गर्ने संस्कृतिको निर्माणमा थप योगदान गर्नेछ भन्ने विश्वास लिएको छु ।’

शुभकामना सन्देशमा भनिएको छ– हाम्रो समाजमा श्रमलाई हेयको दृष्टिले हेर्ने पुरातन मान्यता कुनै न कुनै रूपमा अध्यापि कायमै रहेको देखिन्छ । श्रमलाई सम्मान हैन अपमान गर्ने यही पछौटे संस्कृतिका कारण स्वदेशमा रहँदा निश्चित प्रकारका कामहरू गर्न हिच्किचाउने, तर विदेशमा गएर त्यही काम गर्न बाध्य हुनुपर्ने अवस्था आज धेरै नेपालीले भोगिरहेको यथार्थ हो । तसर्थ,सामाजिक प्रतिष्ठाकै कारण देशका युवाहरू विविध कष्टहरू सहेर पनि वैदेशिक रोजगारीमा जाने वर्तमान अवस्थालाई व्यवहारिक रूपमा बदल्न स्वदेशमै रोजगारीको सिर्जना एवं श्रमिकको सम्मान हुने वातावरण निर्माण गर्नु अपरिहार्य छ ।’

‘नेपालको संविधानले सम्पूर्ण नागरिकहरूका लागि रोजगारीको हक सुनिश्चित गरी प्रत्येक श्रमिकका लागि उचित पारिश्रमिक तथा योगदानमा आधारित सामाजिक सुरक्षाको हकलाई समेत प्रत्याभूत गरेको छ । न्याय र समानतामा आधारित समाजवाद उन्मुख अर्थतन्त्र निर्माण गर्न संवैधानिक प्रावधानहरूको कार्यान्वयन गरी श्रमजीवी नागरिकलाई त्यसको प्रत्यक्ष लाभ सुनिश्चित गर्नु हामी सबैको दायित्व हो ।’ पूर्वराष्ट्रपति भण्डारीले भन्नुभएको छ ।

उहाँले श्रम जीवन र जगतको अपरिहार्य, अविछिन्न र अभिन्न प्रक्रिया हो भन्ने तथ्यलाई आत्मसात गर्दै रोजगारीको सृजना‚ श्रमको सम्मान‚ उचित पारिश्रमिक एवं सामाजिक सुरक्षा लगायतका श्रमिक अधिकारलाई सुनिश्चित गरी मर्यादित श्रमको वातावरण निर्माण गर्नेतर्फ अग्रसर हुन मे दिवसले सबैलाई प्रेरणा प्रदान गरोस भन्ने शुभकामना व्यक्त गर्नुभएको छ ।

काठमाडौं । पूर्वराष्ट्रपति विद्यादेवी भण्डारीले नयाँ वर्ष २०८१ मा समावेशी, न्यायपूर्ण समतामूलक समाज निर्माण लाग्न आश्वान गर्नुभएको छ ।

नयाँ वर्षका अवसरमा आज शुभकामना सन्देश जारी गर्दै पूर्वराष्ट्रपति भण्डारीले नेपालीहरुबीच आपसी सद्भाव, सहिष्णुता र एकता जस्ता मूल्यहरुलाई सदा कायम राख्नुपर्ने बताउनुभएको छ ।

पूर्वराष्ट्रपति भण्डारीले शुभकामना सन्देशमा भन्नुभएको छ– ‘वसन्त ऋतुले प्रकृतिमा ल्याएको जीवन्ततासँगै हामी ठूलो आशा र उमंगका साथ नयाँ वर्ष २०८१ को संघारमा पाइला टेकिरहेका छौं । यस अवसरमा म स्वदेश तथा विदेशमा रहनुभएका सम्पूर्ण नेपाली दिदीबहिनी तथा दाजुभाईहरुमा सुख, शान्ति र समृद्धिका लागि हार्दिक शुभकामना व्यक्त गर्दछु ।’

सन्देशमा भनिएको छ– ‘२०८० साल केही सुदन र केही दुखद अनुभूतिका साथ हामीबाट बिदा भएर गएको छ । मुलुकले भोगिरहेको राजनीतिक अस्थिरता, पश्चिम नेपालमा गएको भूकम्पका कारण भएको ठूलो जनधनको क्षति अनि मुलुकमा रोजगारीको अभावका कारण अवैद्यरुपमा विदेशी सेनामा संलग्न हुन पुगेका नेपाली युवाहरुले युद्धमा ज्यान गुमाउनु जस्ता दु:खद् घटनाका कारण विगत वर्ष हाम्रा लागि अपेक्षित रुपमा सुखद हुन सकेन । तथापी, सुशासनका लागि भएका केही पहलहरु, पर्यटन क्षेत्रका साथै मुलुकको अर्थतन्त्रमा समेत केही सुधारका संकेतहरु देखिनुका साथै छिमेकी मित्र राष्ट्रहरुसँगको सम्बन्धमा हुँदै गएको सुधार जस्ता कुराले भने थोरै भए पनि सकारात्मक सन्देश दिएको छ ।’

उहाँले अबको हाम्रो यात्रामा, विविध जातजाति, भाषाभाष्ी र संस्कृति अँगालेका नेपालीहरुबीच आपसी सद्भाव, सहिष्णुता र एकता जस्ता हामीलाई एक राष्ट्रको रुपमा बाँधी राख्ने मूल्यहरुलाई सदा कायम राख्दै सबैका लागि समावेशी, न्यायपूर्ण समतामूलक समाज निर्माण गर्ने प्रयास गर्न आह्वान गर्नुभएको छ ।

काठमाडौं । पूर्वराष्ट्रपति विद्यादेवी भण्डारीले फागुपूर्णिमा (होलीपर्व)मा मौलितकतालाई जोगाउन आह्वान गर्नुभएको छ । उहाँले होलीपर्वका अवसरमा स्वदेश तथा विदेशमा रहेका सम्पूर्णमा शुभकामना व्यक्त गर्दै संस्कृतिका असल पक्षलाई प्रवर्द्धन गर्न चाडपर्वलाई मितव्ययी र विकृतिरहित राख्नपर्नेमा जोड दिनुभएको हो ।

पूर्वराष्ट्रपति भण्डारीले समाजमा विद्यमान विभिन्न प्रकारका विकृति, विसङ्गति एवं कुरीतिलाई निर्मूल गर्दै न्यायपूर्ण, सभ्य र सुसंस्कृत समाज निर्माण गर्न यस पर्वबाट सबैमा प्रेरणा शुभकामना व्यक्त गर्नुभएको छ ।

“होलीपर्व मनाउने सन्दर्भमा देखिने जोरजबर्जस्ती, मादक पदार्थ सेवन र फोहर पानी भरिएको लोलाको प्रयोगजस्ता उत्ताउलोपनले हाम्रा चाडपर्वको मौलिकतालाई नष्ट गर्नुका साथै यसको महत्वलाई नै घटाउँदछ”, उहाँद्वारा जारी शुभकामना सन्देशमा उल्लेख छ, “तसर्थ हाम्रो संस्कृतिका असल पक्षलाई प्रवर्द्धन गर्न चाडपर्वलाई मितव्ययी र विकृतिरहित राख्नुपर्दछ । हरेक पर्वसँग गाँसिएको इतिहास, सभ्यता र पौराणिकताको गहिराइ आत्मसात् गर्न सकेमात्र हाम्रो अद्वितीय संस्कृतिको मौलिकता जोगाउन सकिन्छ ।”

शुभकामना सन्देशमार्फत उहाँले समाजमा विद्यमान दुष्प्रवृत्तिलाई पराजित गर्दै सत्य र न्यायको पक्षमा अविचलितरूपले क्रियाशील रहन यस सांस्कृतिक पर्वले प्रेरणा प्रदान गर्ने बताउनुभएको छ । पूर्वराष्ट्रपति भण्डारीले होलीमा प्रयोग गरिने रङमा स्वास्थ्यका लागि हानिकारक रसायनको समेत मिश्रण हुनसक्ने खतरा भएको भन्दै यस्ता रङहरूको प्रयोगमा सावधानी अपनाउन सुझावसमेत दिनुभएको छ ।

‘रङ्गहरूको पर्वका रूपमा लिइने फागुपूर्णिमा (होली) पर्वका अवसरमा प्रयोग गरिने रङ्गमा स्वास्थ्यका लागि हानिकारक रसायनको समेत मिश्रण हुन सक्ने भएकाले यस्ता रङ्गहरूको प्रयोगमा सावधानी अपनाउनु आवश्यक छ । साथै, होली पर्व मनाउँने सन्दर्भमा देखिने जोरजबरजस्ती, मादक पदार्थ सेवन र फोहर पानी भरिएको लोलाको प्रयोग जस्ता उत्ताउलोपनले हाम्रा चाडपर्वको मौलिकतालाई नष्ट गर्नुका साथै यसको महत्वलाई नै घटाउँदछ । तसर्थ, हाम्रो संस्कृतिका असल पक्षहरूलाई प्रवर्द्धन गर्न चाडपर्वहरूलाई मितव्ययी र विकृतिरहित राख्नुपर्दछ । हरेक पर्वसँग गाँसिएको इतिहास, सभ्यता र पौराणिकताको गहिराई आत्मसात् गर्न सके मात्र हाम्रो अद्वितीय संस्कृतिको मौलिकता जोगाउन सकिन्छ । ’ उहाँले आफ्नो शुभकामना सन्देशमा भन्नुभएको छ ।

काठमाडौं । उदयपुरको मैनामैनीमा हिजो जीप दुर्घटनामा परी ८ जना यात्रुले ज्यान गुमाएकोमा पूर्वराष्ट्रपति विद्यादेवी भण्डारीले दु:ख व्यक्त गर्नुभएको छ ।

पूर्वराष्ट्रपति भण्डारीले मृतकहरूप्रति श्रद्धाञ्जली व्यक्त गर्दै परिवारजनमा गहिरो समवेदना प्रकट गर्नुभएको हो । गर्दछु । उहाँले घाइतेहरूको शीघ्र स्वास्थ्यलाभको कामनासमेत गर्नुभएको छ ।

पूर्वराष्ट्रपति भण्डारीले यस्ता सडक दुर्घटनालाई न्यूनीकरण गर्न सवारी साधन, सडक र चालकहरूको अवस्था र दक्षतालाई पनि मूल्यांकन गर्न राज्यले गम्भीर ध्यान दिन जरुरी रहेको उल्लेख गर्नुभएको छ ।