काठमाडाैँ । राष्ट्रिय स्वतन्त्र पार्टी (रास्वपा)को प्रथम महाधिवेशनमा सहभागी हुन राजेन्द्र लिङ्देन चितवन पुगेका छन्।

राष्ट्रिय प्रजातन्त्र पार्टी (राप्रपा) का अध्यक्ष लिङ्देन रास्वपाको निमन्त्रणामा भरतपुर पुगेका हुन्। महाधिवेशनको उद्घाटन समारोहमा विभिन्न राजनीतिक दलका शीर्ष नेता, प्रतिनिधि तथा विशिष्ट व्यक्तिहरूको सहभागिता रहने जनाइएको छ।

आजदेखि भरतपुरमा सुरु भएको राष्ट्रिय स्वतन्त्र पार्टी (रास्वपा)को प्रथम महाधिवेशन लाई राजनीतिक वृत्तमा विशेष चासोका साथ हेरिएको छ। महाधिवेशनले पार्टीको भावी नीति, संगठनात्मक संरचना तथा नेतृत्व चयनसँग सम्बन्धित महत्वपूर्ण निर्णयहरू गर्ने अपेक्षा गरिएको छ।

रास्वपाले पहिलोपटक आयोजना गरेको यस महाधिवेशनमा देशभरबाट प्रतिनिधि तथा पर्यवेक्षकहरूको उल्लेखनीय सहभागिता रहेको छ। महाधिवेशन उद्घाटन समारोहलाई विभिन्न राजनीतिक दलका नेताहरूले सम्बोधन गर्ने कार्यक्रम समेत रहेको बताइएको छ।