हेटौँडा । वागमती प्रदेशका नवनिर्वाचित सभामुख भुवन पाठकले सपथग्रहण गरेका छन् । प्रदेश प्रमुख यादवचन्द्र शर्माले पाठकलाई पद तथा गोपनियताको सपथग्रहण गराएका हुन् ।

राप्रपाका केन्द्रीय महामन्त्री समेत रहेका पाठकले ६२ मत पाएका थिए भने उनका विपक्षमा ४९ मत परेको थियो । निर्वाचनमा ७ जना प्रदेशसभा सदस्य तटस्थ बसेका थिए । पाठकलाई सत्तारुढ दल नेकपा एमाले, नेकपा माओवादी केन्द्र तथा सत्ता समर्थक हाम्रो नेपाली पार्टीका सांसदहरुले सभामुखमा समर्थन गरेका थिए ।

पाठक निर्वाचित हुनुअघि प्रमुख प्रतिपक्षी नेपाली कांग्रेसका शिवराज अधिकारी र नेपाल मजदुर किसान पार्टी (नेमकिपा) की सृजना सायजुलाई सभामुखमा निर्वाचित गरियोस् भन्ने प्रस्ताव बहुमतले अस्वीकृत भएको थियो ।

हेटौँडा । राष्ट्रिय प्रजातन्त्र पार्टी (राप्रपा) का प्रदेशसभा सदस्य भुवन पाठक बागमती प्रदेशको सभामुखमा नियुक्त हुनुभएको छ । शुक्रबार बसेको प्रदेशसभाको बैठकमा निर्वाचन हुँदा सत्ता गठबन्धनका साझा उम्मेदवार पाठक निर्वाचित हुनुभएको हो । उहाँ राप्रपाका महामन्त्रीसमेत हुनुहुन्छ ।

पाठकले ६२ मत पाउनुभएको थियो भने उहाँको विपक्षमा ४९ मत परेको थियो । निर्वाचनमा ७ जना प्रदेशसभा सदस्य तटस्थ बसेका थिए ।

पाठक निर्वाचित हुनुअघि प्रमुख प्रतिपक्षी नेपाली कांग्रेसका शिवराज अधिकारी र नेपाल मजदुर किसान पार्टी ९नेमकिपा० की सृजना सायजुलाई सभामुखमा निर्वाचित गरियोस् भन्ने प्रस्ताव बहुमतले अस्वीकृत भएको थियो ।

तस्बिर -अञ्जली थापा -रासस