एजेन्सी । इन्डियन प्रिमियर लिग (आईपीएल)मा रोयल च्यालेन्जर्स बैंगलोर (आरसीबी)को खराब प्रदर्शन जारी छ । उसले घरेलु मैदानमै लखनऊ सुपर जाइन्ट्स (एलएसजी)सँग हार बेहोर्यो ।

मंगलबार लखनउका तीब्र गतिका बलर मयंक यादवले फेरि एकपटक सिजनको सबैभन्दा फास्ट बल गरे । उनले १५६.७ किमी प्रतिघण्टाको गतिमा बल फाले, जुन प्रतियोगिताको इतिहासमा चौथो सबैभन्दा फास्ट बल थियो ।

ग्लेन म्याक्सवेल १६ औं पटक शून्य रनमा आउट भए भने विराट कोहली एउटै मैदानमा १०० टी–२० खेल्ने पहिलो भारतीय बने ।

लखनउका युवा फास्ट बलर मयंक यादव लगातार दोस्रो खेलमा प्लेयर अफ द म्याच चुनिए । उनले ४ ओभरमा १४ रन दिएर ३ विकेट लिए । यस स्पेलमा उनले १५० किलोमिटर प्रतिघण्टाभन्दा बढीको गतिमा ८ बल बलिङ गरेका थिए । यी मध्ये एउटा बल १५६.७ किमी प्रतिघण्टाको गतिमा थियो, जुन आईपीएल इतिहासमा चौथो सबैभन्दा फास्ट बल हो ।

पहिलो नम्बरमा अष्ट्रेलियाका शान टेट छन्, जसले २०११ को आईपीएलमा १५७.७ किलोमिटर प्रतिघण्टाको गतिमा बल फ्याँकेका थिए । भारतका उमरान मलिकले पनि १५७ किलोमिटर प्रतिघण्टाको गतिमा बल फ्याँकेका छन् ।

आईपीएलमा सबैभन्दा फास्ट बलिङः
शान टेट (२०११) – १५७.७ किमी प्रतिघण्टा
लोकि फग्र्युसन (२०२२) – १५७.३ किमी प्रतिघण्टा
उमरान मलिक (२०२२) – १५७ किमी प्रतिघण्टा
मयंक यादव (२०२४) – १५६.७ किमी प्रतिघण्टा

एजेन्सी । लखनऊ सुपर जायन्ट्सका डेब्युट फास्ट बलर मयंक यादवले मार्च ३० मा आईपीएल २०२४ को सबैभन्दा द्रुत बल गर्ने कीर्तिमान बनाएका छन् । दिल्लीका २१ वर्षीय युवा खेलाडीले लखनउको एकना स्टेडियममा खेल्दै गर्दा पञ्जाबका ब्याट्सम्यानलाई आफ्नो तिब्र गतिका कारण समस्यामा पारे ।

मयङ्कले पञ्जाबविरुद्धको आफ्नो दोस्रो ओभरमा १५५.८ किलोमिटर प्रतिघण्टाको गतिमा बल फ्याँके, जुन यस सिजनको सबैभन्दा फास्ट बल थियो र राजस्थानका नान्द्रे बर्गरलाई पछि पारे ।

मयंक यादवले आफ्नो डेब्यु खेलमा तीन ब्याट्सम्यानलाई आउट गर्दै टोलीलाई जित दिलाउन महत्वपूर्ण भूमिका समेत खेलेका थिए ।

टोलीलाई सबैभन्दा बढी विकेट चाहिएको बेला मयांकले जोनी बेयरस्टोलाई पहिलो विकेटका रूपमा आउट गरे । त्यसपछि उनले प्रभासिमरनलाई आउट गर्दै खेलमा रोमाञ्चकता सिर्जना गरेका थिए । तेस्रो विकेटको रुपमा जितेश शर्माको विकेट लिए । मयङ्कले १४७ किमी प्रतिघण्टा डेलिभरीको साथ सुरु गरे र त्यहाँबाट अघि बढे ।

सन् २०२२ को आइपिएलमा लखनउले युवा क्रिकेटर मयंक यादवलाई किनेको थियो । १७ जुन २००२ मा जन्मेका मयंकलाई फास्ट बलरको रुपमा चिनिन्छ । मयङ्क १५० किलोमिटर प्रतिघण्टाको गतिमा बलिङ गर्न सक्षम छन् ।

गत वर्ष भएको यू–२३ कर्नल सिके नायडू प्रतियोगितामा मयङ्कले दमदार प्रदर्शन गरेका थिए । मयङ्कले मात्र ६ खेलमा १५ विकेट लिएका थिए । जसमा उनले छत्तीसगढविरुद्धको खेलमा ५ विकेट लिएका थिए । यसबाहेक उनले ब्याटिङबाट ६६ रनको योगदान पनि दिए ।

यस्तो छ घरेलु क्रिकेट
मयंकले सैयद मुश्ताक अली ट्रफी २०२३–२४ मा पनि प्रभावकारी प्रदर्शन गरेका थिए । मयङ्कले प्रतियोगिताको चार खेलमा पाँच विकेट लिएका थिए । यस बाहेक उनले विजय हजारे ट्रफीमा ५ खेलमा ६ विकेट लिएका थिए । २०२३ को देवधर ट्रफीमा नर्थ जोनबाट खेल्दा मयङ्कले ५ खेलमा १२ विकेट लिएका थिए ।

मयंक यादवको करियरको बारेमा कुरा गर्दा, उनले दिल्लीका लागि घरेलु क्रिकेट खेल्छन् र अहिलेसम्म एक मात्र प्रथम श्रेणी खेल खेलेका छन् । मयङ्कले १७ लिस्ट–ए र १० टी–२० खेल खेलेका छन् । लिस्ट ए मा मयंकको नाममा ३४ विकेट छ भने उनको इकोनोमी ५.३५ छ । टी–२० मा, मयंकले ६.४४ को उत्कृष्ट इकोनोमीका साथ १२ विकेट लिएका छन् ।