काठमाडौँ । नेकपा एमालेका सचिव महेश बस्नेतले माइतीघर क्षेत्रमा भएको एक घटनाप्रति गम्भीर आपत्ति जनाएका छन्।

सामाजिक सञ्जालमार्फत उनले आफ्नो परिवारमाथि साइबर अपराध भएको भन्दै उजुरी दिन साइबर ब्युरो जाने क्रममा अप्रिय घटना भएको उल्लेख गरेका छन्।

बस्नेतका अनुसार माइतीघर क्षेत्रमा भएको भिडभाड हेर्दै गर्दा त्यहाँ उपस्थित केही व्यक्तिहरूले उनकी श्रीमतीसहित केही महिलामाथि गालीगलौज गर्नुका साथै हातपात समेत गरेका थिए। उनले उल्टै आफ्नी श्रीमतीसहित आठ जनालाई प्रहरीले पक्राउ गरेकोप्रति असन्तुष्टि जनाएका छन्।

उक्त घटनालाई केही सञ्चार माध्यमहरूले गलत ढंगले प्रस्तुत गर्दै भ्रामक प्रचार गरिएको आरोप लगाउँदै बस्नेतले यसप्रति दुःख व्यक्त गरेका छन्। उनले माइतीघर मण्डला जस्तो सार्वजनिक स्थललाई मन नपरेका व्यक्तिलाई बदनाम गर्ने तथा चरित्र हत्या गर्ने थलोका रूपमा प्रयोग गरिनु निन्दनीय भएको टिप्पणी गरेका छन्।

बस्नेतले यस्ता संवेदनशील विषयमा सरकार मौन बस्नु उपयुक्त नहुने बताउँदै पीडित आफैंले न्याय खोज्नुपर्ने अवस्था सिर्जना हुनु, उनीहरूमाथि हातपात हुनु र उल्टै पक्राउ गरिनु लोकतान्त्रिक समाजका लागि राम्रो संकेत नभएको बताएका छन्।

घटनाबारे सम्बन्धित निकायले निष्पक्ष छानबिन गरी दोषीमाथि कारबाही गर्नुपर्ने माग गर्दै उनले अन्यथा सशक्त प्रतिरोध गरिने चेतावनी समेत दिएका छन्।

काठमाडौँ । नेकपा एमालेका सचिव महेश बस्नेतलाई पक्राउ गर्न माग गरिएको अनुमति जिल्ला अदालत काठमाडौँले अस्वीकार गरेको छ।

जबरजस्ती करणीसम्बन्धी आरोपमा बस्नेतलाई नियन्त्रणमा लिन अनुमति माग गर्दै जिल्ला सरकारी वकिलको कार्यालय काठमाडौँले अदालतमा निवेदन पेश गरेको थियो। तर सोमबार अदालतले उक्त माग अस्वीकार गरेको हो।

अदालत स्रोतका अनुसार सोही प्रकृतिको मुद्दा यसअघि नै उच्च अदालत पाटनमा विचाराधीन रहेकाले पुनः पक्राउ अनुमति दिन उपयुक्त नदेखिएको हो। अदालतले विचाराधीन मुद्दामा हस्तक्षेप हुने अवस्था देखिएको भन्दै अनुमति नदिएको जनाइएको छ।

शोभा पाठकले यसअघि नै बस्नेतविरुद्ध मुद्दा दर्ता गराएकी थिइन्, जुन हाल उच्च अदालतमा विचाराधीन छ। यसैबीच पाठकले आइतबार पुनः पुरक निवेदनसहित प्रहरी परिसर काठमाडौँमा निवेदन दिएकी थिइन्।

प्रहरी परिसर काठमाडौँले सोही निवेदनका आधारमा सरकारी वकिलको कार्यालयमार्फत पक्राउ अनुमति मागेको थियो। तर अदालतले उच्च अदालतमा मुद्दा टुंगो नलागेसम्म सक्कल मिसिल प्राप्त गरी कानूनी प्रक्रिया अघि बढ्ने उल्लेख गर्दै तत्काल पक्राउ अनुमति नदिने निर्णय गरेको हो।

काठमाडाैँ । नेकपा एमालेका सचिव महेश बस्नेतले वर्तमान सरकारले राजनीतिक प्रतिशोध साँधेको आरोप लगाउँदै पार्टी अध्यक्ष केपी शर्मा ओलीलाई तत्काल रिहाइ गर्न माग गरेका छन् ।

पार्टी केन्द्रिय कार्यालय च्यासलमा सञ्चारकर्मीहरूसँग कुरा गर्दै सचिव बस्नेतले देश समृद्धि, विकास, सुशासन र रोजगारीको दिशामा अघि बढ्नुपर्ने युवाहरूको चाहनामाथि सरकारले प्रहार गरेको दाबी गरेका हुन् ।

एमाले अध्यक्ष ओली र काँग्रेस नेता रमेश लेखकलाई सरकारले शनिवार बिहान निवासबाट पक्राउ गरेको थियो । त्यसको विरोधमा एमालेले सडक संघर्ष सुरू गरिसकेको छ ।

उनले बालुवाटारबाट भइरहेका पछिल्ला निर्णयहरूलाई ‘घृणायुक्त’ र ‘प्रतिशोधपूर्ण’ भएको बताए । सरकारले तत्काल यि निर्णयहरु फिर्ता लिनुपर्ने बताए । उनले गौरीबहादुर कार्की नेतृत्वको जाँचबुझ आयोगको प्रतिवेदन स्वीकार नगर्ने पनि स्पष्ट पारे।

काठमाडौँ। नेकपा एमालेका सचिव महेश बस्नेतविरूद्ध सर्वोच्च अदालतमा अदालतको अवहेलना सम्बन्धी मुद्दा दायर भएको छ।

बुधबार अधिवक्ता लवन न्यौपानेले बस्नेतले न्यायपालिका र न्यायाधीशहरूको मानमर्दन हुने गरी अभिव्यक्ति दिएको भन्दै उक्त मुद्दा दर्ता गराएका हुन्।

जेनजी आन्दोलनलगत्तै विघटन भएको प्रतिनिधि सभा पुनर्स्थापनासम्बन्धी मुद्दाको विषयलाई लिएर न्यायाधिशहरूविरूद्ध अभिव्यक्ति दिएका भन्दै बस्नेतविरूद्ध मुद्दा दायर भएको हो।

विघटित  प्रतिनिधि सभा पुनर्स्थापनासम्बन्धी मुद्दाको विषयलाई लिएर बस्नेतले सर्वोच्च अदालतका न्यायाधीश लक्षित अभिव्यक्तिले अदालतको मानहानी भएको भन्दै मुद्दा दायर भएको हो । उक्त मुद्दाको पेसी आगामी चैत १ गतेका लागि पेसी तोकिएको छ ।

भक्तपुर, २१ फागुनः नेपाल कम्युनिष्ट पार्टी (एमाले)का केन्द्रीय सचिव महेश बस्नेतले आज सूर्यविनायक नगरपालिका-७ गुण्डु वडा कार्यालयस्थित मतदान केन्द्रबाट मतदान गर्नुभएको छ ।

भक्तपुर क्षेत्र नं २ मा एमालेका तर्फबाट उम्मेदवारसमेत रहनुभएका बस्नेतले मतदानपछि सञ्चारकर्मीलाई सम्पूर्ण मतदातालाई आफ्नो मताधिकार प्रयोग गर्न आह्वान गर्नुभयो । उहाँले शान्तिपूर्ण रूपमा निर्वाचन सम्पन्न गर्न आग्रह गर्नुभयो ।रासस

काठमाडौँ । नेकपा एमालेका सचिव महेश बस्नेतले आगामी निर्वाचनमा काठमाडौं उपत्यकाका कम्तीमा १० सिट एमालेले जित्ने दाबी गर्नुभएको छ ।

प्रेस चौतारी नेपालले आयोजना गरेको संवाद कार्यक्रममा उहाँले उपत्यकाका सबै सिट जित्नेगरी तयारी गरेपनि १० सिट जित्ने दाबी गर्नुभएको हो ।

अघिल्लो निर्वाचनमा पाँच दलिय गठबन्धन र स्वतन्त्रप्रतिको क्रेजको कारण दुई सिटमा खुम्चिनुपरेको बताउनु भयो । यसपटक मतदाताहरु एमाले नै ठिक रहेको भन्ने निष्कर्षमा पुगेको उहाँको दाबी छ । उहाँले उपत्यकावासीहरू सचेत, शिक्षित र राजनीतिक रूपमा परिपक्व रहेको पनि बताउनु भयो । सचिव बस्नेतले केही घुमन्ते उम्मेद्वारहरुले भोट किनबेचको आरोप लगाउने गरेकोप्रति आपत्ति जनाउँदै उपत्यकामा देशकै सबैभन्दा धेरै बौद्धिक र शिक्षित वर्ग बसोवास गर्ने बताउनु भयो । उहाँकाअनुसार उपत्यकाको मत परिवर्तित छ । सानो घटनाले पनि यहाँको मत परिवर्तन हुने उल्लेख गर्नुहुँदै उहाँले यसपटक एमालेको माहोल बनेको उल्लेख गर्नुभयो ।

उहाँले भन्नुभयो, ‘यहाँ कतिपय घुमन्ते साथीहरु आएर भोट किनबेच हुन्छ भन्ने आरोप लगाउने गरेका छन् । त्यो चाँही हामी उपत्यकाबासीहरुलाई गिज्याईरहेको कुरा हो । सबैभन्दा धेरै बौद्धिक वर्ग र शिक्षित वर्ग यहाँ छन् । त्यसकारण उनीहरुको भोट परिवर्तित छ । कहिलेकाँही सानो परिघटनाबाट पनि उपत्यकाकाले भोट परिवर्तन गरेको छ । अघिल्लो पटक स्वतन्त्र पार्टीले उपत्यकाका मात्रै सिट ल्याएको थियो । त्यो भोगाईबाट यसपाली चाँही एमाले नै ठिक हो भन्ने ठाउँमा उपत्यकाका बासी पुगेका छन् । अघिल्लो पटक पाँच दलिय गठबन्धन बनेको कारणले बालेन र रवीजीहरुको स्वतन्त्रको क्रेज भएकोमा अवस्थामा हामीले दुई सीट मात्रै जितेका हौँ । यसपाली उपत्यकाका १५ सीट एमालेको सुनिश्चित भन्ने नारा त दिएका छौँ तर कमसेकम १० सीट हामी जित्छौँ ।’ 

उहाँले देशमा एमालेले जति विकास निर्माणका कार्य अरुले नगरेको दाबी गर्नुभयो । उहाँले त्रिवि क्रिकेट मैदानको स्तरोन्नति, धरहरा, रानीपोखरी लगायतका संरचनाको निर्माण एमालेले गरेको बताउनु भयो ।

काठमाडौँ । नेकपा एमालेका सचिव महेश बस्नेतले संसद पुनःस्थापनाको विषयमा सर्वोच्च अदालतले जिम्मेवारीबाट पन्छिन नपाउने बताउनुभएको छ ।

प्रेस चौतारी नेपालले आयोजना गरेको संवाद कार्यक्रममा उहाँले संसद विघटनसम्बन्धी मुद्दामा सर्वोच्चले आफ्नो फैसला तत्काल दिनुपर्ने बताउनुभएको हो ।

उहाँले अदालत डराएर न्यायिक प्रक्रियामा ढिलाई भईरहेको उल्लेख गर्नुभयो । बस्नेतले न्यायिक प्रक्रिया कसैको डर, दबाब, लोभ–प्रलोभन तथा हस्तक्षेपमा पर्न नहुने बताउनु भयो । महाभियोगको डर, राष्ट्रिय तथा अन्तर्राष्ट्रिय दबाबका कारण न्यायाधीशहरू निर्णयबाट पन्छिएको अवस्था देखिएको उहाँको दाबी छ ।

उहाँले प्रधानन्यायाधीश लगायत न्यायाधीशहरू रोग लागेको बहानामा अनुपस्थित हुने, फोन अफ गर्ने र निर्णयबाट पन्छिने प्रवृत्ति देखिएको बताउनु भयो । यसवाट देश ठूलो वैदेशिक आक्रमणको अवस्थामा रहेको अनुभुति भएको उहाँको भनाई छ । उहाँले सर्वोच्च, उच्च र जिल्ला अदालतसँगै समग्र न्यायिक प्रणाली नै जलिरहेको अनुभुति भएको बताउनु भयो । बस्नेतका अनुसार संसद पुनस्र्थापनाको विषयमा सर्वोच्च अदालतले स्पष्ट निर्णय गर्न ढिलाइ गर्दा मुलुक अन्योलमा परेको छ ।

उहाँले भन्नुभयो, ‘न्यायिक पक्रिया आतंकित भएर, डराएर र लोभ प्रभोलनमा परेर अथवा हस्तक्षेप भएर प्रक्रिया ढिला गर्ने, न्याय नदिने, दबाबमा पर्ने भोली महाभियोग पर्ला भन्ने अथवा राष्ट्रिय, अन्तर्राष्ट्रिय सामु डराउने, पन्छिने देखिएको छ । त्यो प्रवृत्ति संसद पुनःस्थापनाको न्यायिक निरुपनको विषय अल्झिएको छ । आज पनि पेसी चढ्छ भनेर हामीले अपेक्षा गरेको पनि तारिकमा स¥यो । प्रधानन्यायाधीश लगायतका न्यायधीहरुहरु लाग्दै नलागेको रोग लागेर गायब हुने, फोन अफ गर्ने र पन्छिने प्रवृत्ति बनेको छ । यसबाट के बुझिन्छ भने हामी निकै ठुलो वैदेशिक आक्रमणमा छौँ । हाम्रो सर्वोच्च, उच्च र जिल्ला अदालत मात्रै जलेका होईनन्, हाम्रो न्यायिक प्रणाली नै जलिरहेको अनुभूति हुन्छ । संसद पुनस्थापनाको विषयमा सर्वोच्च भाग्न पाउँदैन । यसको निरुपण तत्कालै गर्नुपर्छ । संसद पुनस्थापना हुने हो भने निर्वाचनको नाममा भईरहेको यो सारा गतिविधि र खर्चहरु अनावश्यक हुन्छ र नहुने हो भने ढुक्कसंग निर्वाचनमा जाने हो ।’ 

उहाँले वर्तमान सरकारले निर्वाचन स्वच्छ ढंगले गर्न नसक्ने पनि आरोप लगाउनु भयो । उहाँले कुनै अमुक दललाई जिताउनको लागी सरकार दुई चरणमा निर्वाचन गर्ने लगायतका गतिविधि गर्न लागेको आरोप लगाउनु भयो । उहाँले झापा क्षेत्र नम्बर ५ मा प्रहरीले नै राष्ट्रिय स्वतन्त्र पार्टीका उम्मेद्वारलाई भोट मागिरहेको बताउनु भयो ।

तस्बिर: चन्द्रकला क्षेत्री /रासस

काठमाडौँ । नेकपा (एमाले) का सचिव महेश बस्नेतले पार्टी अध्यक्ष एवं पूर्वप्रधानमन्त्री केपी शर्मा ओलीविरुद्ध व्यक्ति हत्या आरोप लगाउने षड्यन्त्र भइरहेको टिप्पणी गर्नुभएको छ ।

राष्ट्रिय युवा परिषद्को प्रथम बैठकलाई शुक्रवार काठमाडौंमा सम्बोधन गर्दै सचिव बस्नेतले यस्तो बताउनुभएको हो ।

भदौ २३ गतेको जेन—जी आन्दोलनको क्रममा २३ जनाको मुत्यु भएको उल्लेख गर्दै उहाँले अध्यक्ष ओलीले प्रधमानमन्त्रीको हैसियतमा मृतकका परिवारलाई क्षतिपूर्ति दिने तथा शहीद घोषणा गर्ने निर्णय गरेको बताउनु भयो । २४ भदौमा संविधान र सुरक्षा निकायहरु नै हाइज्याक गरेर देशलाई ध्वस्त पार्ने षड्यन्त्र गरिएको उहाँको भनाइ छ । उहाँले राष्ट्रिय स्वतन्त्र पार्टीका सभापति रवि लामिछानेसँगै देशभरबाट १४ हजार कैदी भागेको टिप्पणी गर्नुभयो । उहाँले भागेकामध्ये दुई जना कैदीको मृत्यु हुनुका साथै दुई जना फरार कैदीले आमा र श्रीमतिको हत्या गरेको भन्दै यसको जिम्मेवारी सभापति लामिछानेले लिनुपर्ने जिकिर गर्नुभयो । उहाँले मुलुकमा आगजनी र लुटपातमार्फत भएको क्षतिको जिम्म लामिछानेसँगै बालेन्द्र साहले लिनुपर्ने जिकिर गर्नुभयो ।

उहाँले भन्नुभयो, ‘आज पूर्वप्रधानमन्त्रीलाई व्यक्ति हत्याको आरोप लगाउने प्रपञ्च गरिँदैछ । सेनाले भदौ २३ मा १९ जनाको मृत्यु भएको जानकारी दियो ।  अध्यक्षजूले आफूले प्रधानमन्त्रीको हैसियतमा ततकाल मन्त्रिपरिषद् बैठक बोलाएर मृतकका आफन्तलाई क्षतिपूर्ति दिने र उनीहरुलाई शहीद घोषणा गर्ने निर्णय गरेँ । भदौ २४ गते जब हाम्रो संविधान हाइज्याक गरियो, सेना, प्रहरी सबै हाइज्याक भए, युवाहरुको दिमाग नै हाइज्याक गरेर सिंहदरबार, सर्वोच्च अदालत लगायतका संवैधानिक संस्थाहरु जलाउने षड्यन्त्र गरियो भन्नुभएको छ । म यी साथिहरुर्ला सोध्न चाहन्छु बोलन आउ, बालेन नआउने भए रविजीलाई जेलबाट निकाल भन्ने को हो ? कसको स्टाटसले यीनि उकासिए । रवि १४ हजार कैदीसँगै आफू पनि निस्किए ? त्यसमध्ये १० जना कैदी मरे । दुई जनाले आमा र श्रीमति पनि मारे । त्यो १२ जना मारेको जिम्मा रवि लामिछानेले लिनुपर्छ । बालेनले लिनुपर्छ । यिनिहरुलाई उकास्ने राजीव खत्री, निश्चल बस्नेत र हिमेश पन्तले लिनुपर्छ । यीनका हिसावकिताव एक एक गरी हुन्छ ।’

उहाँले आन्दोलनको नाममा भएको ध्वंसको सबै हिसावकिताव गर्ने चेतावनी समेत दिनुभयो । उहाँले मुलुकको विकास र समृद्धिका लागि एमालेको विकल्प नभएको पनि टिप्पणी गर्नुभयो ।

काठमाडौँ । नेकपा (एमाले) का सचिव महेश बस्नेतले प्रतिनिधि सभा निर्वाचनका लागि भक्तपुरको निर्वाचन क्षेत्र नम्बर २ बाट उम्मेदवारी मनोनयन दर्ता गराउनुभएको छ ।

सचिव बस्नेतले मंगलवार दिउँसो निर्वाचन कार्यालयमा पुगेर मनोनयन दर्ता गर्नुभएको हो ।

बस्नेत २०७९ मा भएको निर्वाचनमा पनि सो क्षेत्रबाट उम्मेद्वार रहनुभएको थियो । उहाँ गत निर्वाचनमा नेपाली कांग्रेसका उम्मेद्वार दुर्लभ थापासँग पराजित हुनुभएको थियो भने २०७० र २०७४ सालमा भने सो क्षेत्रबाट निर्वाचित हुनुभएको थियो । काँग्रेसले भने यस क्षेत्रबाट कविर राणालाई उम्मेद्वार बनाएको छ ।

आगामी फाल्गुन २१ गते हुने प्रतिनिधि सभा सदस्यको निर्वाचनका लागि मंगलवार देशभर मनोनयन दर्ता भइरहेको छ ।

भक्तपुर, माघ ६ । नेकपा (एमाले)का सचिव महेश बस्नेतले आज मनोनयन दर्ता हुँदै गरेको प्रतिनिधिसभा निर्वाचनमा भक्तपुर निर्वाचन क्षेत्र नम्बर २ बाट उम्मेदवार बन्ने घोषणा गर्दै विकास, सुशासन र राष्ट्रिय हितको पक्षमा उभिन मतदातासँग आग्रह गर्नुभएको छ।

महेश बस्नेतले जारी गर्नुभएको आह्वानमा यो निर्वाचन विकास र समृद्धिसँगै अराजक प्रवृत्तिविरुद्धको स्पष्ट राजनीतिक छनोट भएको उल्लेख गर्नुभएको छ। उहाँले नेकपा (एमाले)का अध्यक्ष केपी शर्मा ओलीले अघि सार्नुभएको ‘समृद्ध नेपाल, सुखी नेपाली’ अभियानले देश विकासको स्पष्ट मार्गचित्र दिएको बताउँदै भक्तपुरमा त्यसलाई अझ व्यापक रूपमा कार्यान्वयन गरिँदै आएको दाबी गर्नुभएको छ।

‘यसपटकको निर्वाचनको प्रमुख मुद्दा सिंहदरबार, सर्वोच्च अदालत, संसद् र देश नै जलाउने अराजक प्रवृत्तिविरुद्ध उभिनु हो,’ उहाँले उल्लेख गर्नुभएको छ। उहाँका अनुसार देशको पुनर्निर्माण, राष्ट्रिय हितको संरक्षण र राजनीतिक स्थिरताका लागि आज पनि एमाले र अध्यक्ष ओलीको नेतृत्व अपरिहार्य छ।

बस्नेतले अराजकता र आपराधिक तत्त्वहरू राजनीतिमा हाबी हुँदै पपुलिस्ट प्रवृत्ति मौलाइरहेको वर्तमान अवस्थामा लोकतन्त्र, विधिको शासन र संविधानको रक्षा गर्नु सबैको साझा दायित्व भएको उल्लेख गर्नुभएको छ। साथै उहाँले भ्रष्टाचार नियन्त्रण गर्दै सुशासन स्थापित गर्नु आजको प्रमुख आवश्यकता भएको धारणा राख्नुभएको छ।

उहाँले आउँदो फागुन २१ गते हुने प्रतिनिधिसभा निर्वाचनमा आफू महेश बस्नेतसहित नेकपा (एमाले) लाई मतदान गरी बहुमत दिलाउन भक्तपुरवासी दाजुभाइ तथा दिदीबहिनीहरूमा अनुरोध गर्नुभएको छ। उहाँले राष्ट्रवादी र विकासवादी नेता केपी शर्मा ओलीलाई पुनः प्रधानमन्त्री बनाउन मतदाताको समर्थन आवश्यक रहेको बताउनुभएको छ।

काठमाडौं । भक्तपुर निर्वाचन क्षेत्र नम्बर २ मा आगामी चुनावका लागि नेकपा एमालेका प्रभावशाली नेता महेश बस्नेतविरुद्ध राष्ट्रिय स्वतन्त्र पार्टी (रास्वपा) ले राजीव खत्रीलाई उम्मेदवार बनाउने भएको छ।

यसअघि काठमाडौं–१० बाट चुनाव लड्ने तयारीमा रहेका खत्रीलाई अन्ततः भक्तपुर–२ मा उम्मेदवार बनाउने टुंगो लागेको हो। खत्री पूर्व सञ्चारकर्मी हुन् र उनी पहिलोपटक सक्रिय राजनीतिमा होमिएर चुनावी मैदानमा उत्रन लागेका छन्।

जेन–जी आन्दोलनपछि महेश बस्नेतले काठमाडौं महानगरपालिकाका मेयर बालेन्द्र साह (बालेन) विरुद्ध कडा अभिव्यक्ति दिँदै आएका थिए। यही पृष्ठभूमिमा मेयर साहले “जसरी पनि बस्नेतलाई पराजित गर्ने” रणनीतिअन्तर्गत खत्रीलाई अघि सार्न चाहेको बुझिएको छ। सोही अनुसार रास्वपाभित्र छलफल भएर खत्रीलाई भक्तपुर–२ पठाउने निर्णय भएको बताइएको छ।

सामाजिक सञ्जालमा महेश बस्नेत र राजीव खत्रीबीच लामो समयदेखि वाकयुद्ध चल्दै आएको छ। खत्रीले बस्नेतविरुद्ध तीखा टिप्पणी गर्दै आएका छन् भने बस्नेतले पनि खत्रीको नामै लिएर जवाफ फर्काउने गरेका छन्। उनीहरूबीचको यही कटुताले गर्दा भक्तपुर–२ को चुनावी प्रतिस्पर्धा थप रोचक हुने आँकलन गरिएको छ।

भक्तपुर–२ महेश बस्नेतको परम्परागत निर्वाचन क्षेत्र हो। तर, गत आमनिर्वाचनमा उनी पराजित भएका थिए। अर्कोतर्फ, खत्री काठमाडौं–१० का बासिन्दा हुन्। उनले सुरुमा सोही क्षेत्रबाट उम्मेदवारी दिने इच्छा पार्टीमा व्यक्त गरेका थिए। तर, पार्टी सभापति रवि लामिछाने र मेयर बालेन्द्र साहसँगको छलफलपछि उनलाई भक्तपुर–२ मा उम्मेदवार बनाउने निर्णय गरिएको हो।

योसँगै भक्तपुर–२ मा अनुभवी नेता बस्नेत र राजनीतिमा नयाँ प्रवेश गरेका खत्रीबीचको चुनावी भिडन्तले व्यापक चासो तान्ने देखिएको छ।

काठमाडौँ । नेकपा (एमाले)का सचिव महेश बस्नेतले निर्वाचन राष्ट्रिय स्वतन्त्र पार्टीका सभापति रवि लामिछानेलाई बहिष्कार गरेर अघि बढ्ने चेतावनी दिनुभएको छ ।

सभापति लामिछानेलाई सहकारी ठगको आरोप लगाउँदै उहाँले आसन्न निर्वाचनमा उनलाई बहिष्कार गर्ने, लखेट्ने योजनासहित एमाले अघि बढ्ने बताउनुभएको हो । आईतवार काठमाडौंमा आयोजित पार्टीको निर्वाचन केन्द्रिय विशेष जनसभामा बोल्दै सचिव बस्नेतले गरिव जनताको पक्षमा एमालेका तत्कालीन प्रधानमन्त्री मनमोहन अधिकारीले सहकारी अभियान शुरु गरेपनि त्यसमा ठगी गरेकाले एमालेले आगामी निर्वाचनमा त्यसलाई मुख्य एजेण्डा बनाएर जानुपर्ने अवस्था आएको जिकिर गर्नुभयो ।

उहाँले भन्नुभयो,‘सहकारीको अभियन्ता मनमोहन अधिकारी हो, एमाले हो । आज त्यो सहकारी ठग ती साग बेच्ने, मकै बेच्ने, दाउरा बेच्ने ती हाम्रा आमा दिदीबहिनीहरुले जम्मा गरेको पैसा र ग्रामिण जीवनको अर्थतन्त्रलाई नाटकीय रुपमा दमन गर्ने, त्यो सहकारीलाई समाप्त गर्ने, त्यो सहकारी ठग रवि लामिछानेलाई त्यो सहकारी अभियन्ता एमाले अध्यक्ष केपी ओली । हाम्रो भोट त्यसलाई हो । सहकारी ठग रवि लामिछाने बहिष्कार । उनलाई लखेटने हो । यसपालीको आन्दोलनका एजेण्डा यही हो । १० वटा मुद्दा बोकेर हिँडेको छ । ४, ५ वटा श्रीमति लिएर हिँडेको छ ।’

सचिव बस्नेतले लामिछाने विभिन्न मुद्दामा जेलिएको भन्दै उनीलाई नेपाली जनताले निर्वाचनमा साथ नदिने समेत बताउनु भयो ।

नेकपा (एमाले)का सचिव महेश बस्नेतले नेपाली काँग्रेसको विभाजनमा प्रधानमन्त्री सुशीला कार्की आफँै संलग्न रहेको आरोप लगाउनुभएको छ ।

शनिवार पार्टी मुख्यालय च्यासलमा सञ्चारकर्मीहरुले राखेका जिज्ञासाको जवाफ दिने क्रममा उहाँले सो आरोप लगाउनुभएको हो । सचिव बस्नेतले निर्वाचन आयोगले विशेष महाधिवेशनलाई वैधानिकता दिएर कानून विपरित काम गरेको जिकिर गर्दै त्यसलाई काँग्रेस र एमालेमाथिको प्रहारको रुपमा आफनो पार्टीले लिएको जिकीर समेत गर्नुभयो ।

उहाँले प्रधानमन्त्री कार्की र अन्तर्राष्ट्रिय शक्तिहरुले काँग्रेसलाई विभाजन गरेर रवि लामिछाने जस्तालाई बलियो बनाउने कुकर्म गरिरहेको समेत बताउनु भयो ।

उहाँले भन्नुभयो,‘जुन ढंगले सेटिङको आधारमा एक घण्टाको अन्तरालमा निर्वाचन आयोगले जे निर्णय ग¥यो । त्यो बेठिक ग¥यो भन्ने शेरबहादुर देउवाजीहरुले जे भन्नुभएको छ । त्यो कुरामा हाम्रो पनि समर्थन छ । र काँग्रेसको विभाजन भनेको लोकतन्त्र माथिको प्रहार हो । काँग्रेस र एमाले जस्तो शक्तिलाई कमजोर बनाउने र रवि लामिछाने जस्ता बलियो बनाउने कुरामा सुशीला कार्की लगायतका अन्तर्राष्ट्रिय शक्तिहरु जुन ढंगले लागेका छन् । यो निकै गम्भिर विषय हो भन्ने हाम्रो निष्कर्ष हो । यसलाई हामीले धेरै गम्भिरताका साथ हेरेका छौँ । ’

सचिव बस्नेतले सरकारविरुद्ध पार्टीले आन्दोलन गर्नुपर्ने अवस्था आउने चेतावनी समेत दिनुभयो ।

काठमाडौँ । नेकपा (एमाले)का सचिव महेश बस्नेतले काठमाडौं महानगरपालिकाका मेयर बालेन साहको कार्यकाल र पछिल्लो राजनीतिक अभिव्यक्तिमाथि आलोचनात्मक टिप्पणी गरेका छन्।

ठुलो प्रतिबद्धता बाँडेर मेयर बने पनि धेरै वाचा अधुरा रहँदा बालेन साहको तीन वर्षे कार्यकाल असफलतामै बितेको उनको धारणा छ ।

सामाजिक सञ्जालमार्फत धारणा सार्वजनिक गर्दै सचिव बस्नेतले बालेन साह निर्माणभन्दा ध्वंसमा केन्द्रित छविका रूपमा स्थापित भएको उल्लेख गरेका छन् । यस्तो पृष्ठभूमिमा प्रधानमन्त्री बन्ने दाबी गर्नु राजनीतिक हतारो भएको उनको भनाइ छ ।

बस्नेतका अनुसार सुशासन र विकास लोकप्रियता वा भाइरलताबाट होइन, ठोस परिणामबाट मापन हुन्छ । ‘निर्माणभन्दा ध्वंसमा केन्द्रित छवि बिच आज प्रधानमन्त्रीको दाबी गर्नु राजनीतिक हतारो हो, सुशासन र विकास लोकप्रियताले होइन, परिणामले मापन हुन्छ, त्यसैले उनको राष्ट्रिय सत्ता दाबीले एउटा प्रश्न उठाउँछ, राजनीतिमा भाइरल हुन होइन, परिणाम दिन सक्नुपर्छ’, उनले लेखेका छन् ।

बालेन साहको राष्ट्रिय सत्ता दाबीले गम्भीर प्रश्न उठाएको उनको टिप्पणी छ ।

काठमाडौं । नेकपा (एमाले)का सचिव महेश बस्नेतले फागुन २१ गतेका लागि तय गरिएको निर्वाचन तोकिएकै मितिमा नहुने निष्कर्ष पार्टीले निकालेको बताएका छन्।

सोमबार सिंहदरबारमा निर्वाचन व्यवस्थापनसम्बन्धी जारी छलफलमा बोल्दै उनले सैद्धान्तिक रूपमा एमाले निर्वाचनको पक्षमा रहे पनि वर्तमान राजनीतिक वातावरण निर्वाचनका लागि अनुकूल नरहेको बताए।

संसद् पुनर्स्थापनाको मागसहित सरकार अवैधानिक रहेको भन्दै सर्वोच्च अदालतमा रिट दायर भइरहेको अवस्थामा फागुन २१ गते चुनाव हुन नसक्ने उनको भनाइ थियो।

“सैद्धान्तिक रूपमा हामी निर्वाचनको पक्षमा छौँ। तर आजको अवस्था हेर्दा २१ गते निर्वाचन हुँदैन भन्ने हाम्रो निष्कर्ष हो,” उनले भने।

सचिव बस्नेतले निर्वाचन कार्यतालिका परिवर्तनलगायत विषयमा सरकारले ‘ब्याक च्यानल’मार्फत प्रस्ताव पठाउनु उपयुक्त नभएको भन्दै खुला र औपचारिक ‘ओपन च्यानल’बाट संवाद गर्न प्रधानमन्त्रीलाई आग्रह गरे।

यसैगरी, उनले जेनजी पुस्ताले नै सम्झौता कार्यान्वयन गर्ने विषयमा आशंका व्यक्त गरेको बताए। “सैद्धान्तिक रूपमा जेनजीसँग भएको सम्झौतामा हामी सहमत छौँ। अब सरकार कार्यान्वयनमा लाग्नुपर्छ,” उनले भने।

उनले विद्युतीय मतदान प्रणाली तथा विदेशमा रहेका नेपाली नागरिकलाई मताधिकार दिने विषय लामो समयदेखि उठ्दै आए पनि कार्यान्वयन हुन नसकेको उल्लेख गरे।

“प्रत्येक चुनावमा यस्ता कुरा उठ्छन्, तर व्यवहारमा सम्भव भएको देखिँदैन। अब यस्ता विषयलाई अर्को चुनावका लागि योजना बनाएर अघि बढाउनुपर्छ,” बस्नेतले भने।

काठमाडौं । नेकपा एमालेका पोलिटब्युरो सदस्य महेश बस्नेतले सरकार र सरकारबाट पालित पोषित व्यक्ति र मिडियाले एमाले र एमाले अध्यक्ष केपी ओली विरुद्ध विभिन्न खालका भ्रम फिँजाइरहेका बताएका छन् ।

एमाले महाधिवेशनमा डर र आतङ्क सिर्जना गर्न एमाले अध्यक्ष केपी ओलीलाई गिरफ्तार गर्ने हल्ला फिँजाइएको उनले बताए । ‘केपी ओलीलाई गिरफ्तार गरेर बयान गराउन सक्ने यो धर्तीमा कोही पनि जन्मिएको छैन’, बिहीबार यातायात श्रमिक तथा व्यवसायीहरूको भेलालाई काठमाडौंमा सम्बोधन गर्दै बस्नेतले भने ।

एमाले महाधिवेशन भाँड्नको लागि कुलमान घिसिङले नागढुंगामा सडक अवरुद्ध गर्ने सूचना सार्वजनिक गरेका बताउँदै बस्नेतले हिजो एमालेको टोलीले गएर बाटो बन्द नगर्न भनेको जानकारी दिए । ‘यदि एमालेको महाधिवेशन भाँड्ने नियतले सडक बन्द गर्न खोजिएको हो भने एमालेका दशौँ हजार कार्यकर्ता र भोलेन्टियर जम्मा भएर बाटो खोल्छन्, बाटो थुन्नेहरूलाई त्रिसुलीमा नुहाउन पठाइदिन्छन्, होस् गर्नु’, उनले भने ।

बस्नेतले सुशीला कार्की नेतृत्वको वर्तमान सरकारको कुनै जग नभएको बताए । ‘सुशीला कार्कीको सरकारलाई एमालेले फु गरेर ढालिदिन्छ, एमालेको महाधिवेशन पछि सुशीला कार्कीको सरकार ढल्छ’, बस्नेतले भने ।

विद्यादेवी भण्डारी र ईश्वर पोखरेललाई उचालेर आफ्नो अभीष्ट पुरा हुन्छ भन्ने कुरा  नसोच्न पनि सुशीला कार्की र लुसिफरहरुलाई उनले चेतावनी दिए । विद्या भण्डारी र ईश्वर पोखरेलले केपी ओलीलाई गिरफ्तार गर्न उकासी रहेको उनको भनाइ छ ।

नेकपा एमालेले फेरि पनि बहुमत ल्याएर सरकार बनाउँछ भन्ने कुरा नबिर्सन आग्रह गर्दै उहाँले फेरी पनि एमालेबाट केपी ओलीलाई बहुमतको प्रधानमन्त्री बनाएर देखाउने दाबी गरे । ‘एमालेको नीति, नेता ठिक छन् त्यसैले हामीमा घमण्ड होइन, आत्मविश्वास छ’, बस्नेतले भने ।

काठमाडौं । ११औं महाधिवेशनका लागि प्रतिनिधि छनोटको काम जारी रहेका बेला नेकपा एमालेका नेता महेश बस्नेतले वरिष्ठ उपाध्यक्ष ईश्वर पोखरेललाई बिदा लिन सुझाव दिएका छन् ।

वरिष्ठ उपाध्यक्ष ईश्वर पोखरेलले अध्यक्षमा उम्मेदवारी घोषणा गरेकोप्रति टिप्पणी गर्दै पोलिटब्यूरो सदस्य बस्नेतले पार्टीको एकतामा योगदान गर्न नसक्ने हो भने ’सहर्ष बिदा’ लिन भनेका हुन् ।

’नेकपा एमालेले आन्तरिक र बाह्य दुवै मोर्चाबाट कठोर दबाब झेलिरहेका बेला वरिष्ठ उपाध्यक्ष ईश्वर पोखरेलद्वारा जारी गरिएको विज्ञप्तिले पार्टीभित्र अनावश्यक तरंग, प्रतिस्पर्धा र द्वन्द्वको वातावरण सिर्जना गरेको छ,’ उनले सामाजिक सञ्जालमार्फत् लेखेका छन् ’यदि योगदान गर्न सकिन्छ भने निसर्त एकता, सकिँदैन भने सहर्ष विदाइ नै ईश्वर पोखरेलको निम्ति सही विकल्प हो ।’

’पार्टी चुनावतिर अघि बढ्दैछ, राष्ट्रिय राजनीति निर्णायक मोडमा छ, विदेशी–स्वदेशी शक्तिहरू एमाले र अध्यक्ष ओलीमाथि निरन्तर प्रहार गरिरहेका छन्। यस्तो अवस्थामा प्रतिस्पर्धा होइन, नेतृत्वको स्थिरता पार्टीलाई मजबुत बनाउने बाटो हो। अनेक प्रोपगान्डा गरेर कमजोर बनाउने अर्को चक्र नबनोस !’ उनले भनेका छन् ।

उनले एमालेको निम्ति आजको प्रश्न ’कसले नेतृत्व दाबी गर्छ’ होइन, ’कसले पार्टी बचाउन सक्छ’ हो भन्ने उल्लेख गरेका छन् ।

वर्तमान राष्ट्रिय परिस्थिति, भू–राजनीतिक उतारचढाव र एमालेमाथिको योजनाबद्ध प्रहारबीच पार्टीलाई मजबुत संगठन, सही कार्यदिशा र जुझारू सशक्त क्रान्तिकारी पंक्ति चाहिएको उनले बताएका छन् । यो केपी ओलीकै नेतृत्वमा सम्भव भएको उनको भनाइ छ ।

’एमालेभित्र बाहिरी आक्रमण रोक्न चाहिने कुरा प्रतिस्पर्धा एकता, अनुशासन र संगठनको दृढताबाट मात्र सम्भव हुन्छ । पोखरेलजस्ता नेता एमालेका सम्पत्ति हुन्, तर संवेदनशील घडीमा नेतृत्व बदल्ने होइन, नेतृत्वलाई कसिलो बनाउने समय हो । पार्टी, देश र कार्यकर्ताको चाहना स्पष्ट छ — स्थिर एमाले, एकजुट एमाले, ओली नेतृत्वमा संगठित एमाले,’ बस्नेतले भनेका छन् ।

विराटनगर । नेकपा (एमाले) नेतृ रामकुमारी झाँक्रीले नेता महेश बस्नेतमाथि विराटनगरमा भएको आक्रमण प्रयासप्रति तीव्र आपत्ति जनाउँदै सरकारले घटनामा संलग्न व्यक्तिहरूलाई कडा कारबाही गर्न माग गरेकी छन्।

सामाजिक सञ्जालमार्फत प्रतिक्रिया जनाउँदै उनले यो घटनाले आफू “अत्यन्तै दुःखित” भएको उल्लेख गरेकी छन्।

“अपराधिक मानसिकताका व्यक्ति” निरन्तर रूपमा यस्ता घटना गराउने प्रयासमा देखिनु चिन्ताजनक विषय रहेको उनको भनाई छ ।

झाँक्रीले लेखेकी छन्–
“महाभारतमा पाण्डवले युद्ध जिते, कौरवहरू हारे, कारण पाण्डवहरूको अभूतपूर्व एकता हो। आज विराटनगरमा क. महेश बस्नेतमाथि आक्रमण प्रयास हुँदा अत्यन्त दुःख लाग्यो। सरकारले यस्ता पात्रलाई समातेर कारबाही गरोस्। यस्ता अपराधिक मानसिकताका एक–दुई व्यक्तिले जहिले पनि यस्तो कार्य गर्छन्। हामी सचेत बन्नुपर्छ, पार्टीपंक्ति एउटै मिसनमा लागौँ।”

उनले पार्टीभित्र एकता र सतर्कता आवश्यक रहेको उल्लेख गर्दै एमाले नेता–कार्यकर्तालाई एउटै लक्ष्य र प्रतिबद्धतासहित अघि बढ्न पनि आह्वान गरेकी छन्।

काठमाडौँ । नेकपा एमालेका नेता महेश बस्नेत केपी ओलीले निर्माण गरेको त्रिवि अन्तर्राष्ट्रिय क्रिकेट स्टेडियमको कुलमान घिसिङले जुँगा मुसार्दै उद्घाटन गरेको बताएका छन् ।
राष्ट्रिय युवा संघ नेपालले सोमवार आयोजना गरेको कार्यक्रममा उहाँले यस्तो बताउनुभएको हो । उहाँले एमाले अध्यक्ष केपी ओली प्रधानमन्त्री भएपछि पहिलो निर्णय नै क्रिकेट रंगशाला बनाउने गरेको उल्लेख गर्नुभयो ।

क्रिकेट स्टेडियम तिब्र गतिमा बनाउने लक्ष्य लिएपनि तोकिएको समयभन्दा अलि ढिलो हुन गएको उहाँले बताउनु भयो । केपी ओलीले बनाईदिएको क्रिकेट स्टेडियम सामाजिक सञ्जालमा आफूलाई हिरोको रुपमा प्रश्तुत गर्ने कुलमान घिसिङले जुँगा मुसार्दै उद्घाटन गरेको उहाँको टिप्पणी छ । शहरी विकासमन्त्री कुलमान घिसिङले आईतवार साँझ स्तरोन्नती गरिएको त्रिवि मैदानको उद्घाटनसंगै नेपाल क्रिकेट संघलाई हस्तान्तरण गर्नुभएको थियो ।

क्रिकेट संघको अध्यक्ष चतुरबहादुर चन्द, सचिव पारस खड्कासम्मले नैतिक हिसावले कुलमानको उद्घाटनलाई व्यङ्ग्य हुनेगरी व्यङ्ग्य हुनेगरी वक्तव्य दिएको बस्नेतको दाबी छ । उहाँले हरेक विकास निर्माणमा नेकपा एमाले र केपी ओलीको याद आउने पनि दाबी गर्नुभयो । उहाँले सोमवारबाट नेपालमा हशुरु भएको एनपीएल क्रिकेट खेलको जगतमा निकै महत्वपूर्ण भएको पनि बताउनु भयो । क्रिकेट खेल हेर्ने दर्शकलाई किर्तिपुरको ठुलो रुखको हाँगामा चढेर हेनुपर्ने बाध्यता अब अन्त्य भएको उहाँको भनाई छ ।

उहाँले भन्नुभयो, ‘आजबाट नेपालमा एनपीएल सुरु हुँदैछ । क्रिकेट खेलको जगतमा यो प्रिमियम लिग निकै महत्वपूर्ण लिग हो । धेरै पुरानो कथा होईन, चारपाँच वर्ष अगाडीसम्म पनि क्रिकेट खेल हेर्ने दर्शकहरु किर्तिपुरको ठुलो रुखको हाँगामा चढेर हेनुपथ्र्यो र कुन बेला हाँगो भाँचिएला र जोखिमपुर्ण दुर्घटनामा परिएला भन्ने चिन्ताले ग्रसित हुनुहुन्थ्यो । केपी शर्मा ओलीज्युले अघिल्लो कार्यकालमा प्रधानमन्त्री भएपछि पहिलो निर्णय नै उहाँले भन्नुभयो र म यो क्रिकेट स्टेडियम तिब्र गतिमा बनााउँछु भनेर उद्घोष गर्नुभयो, तोकिएको समयभन्दा अलि ढिला भयो । केपी ओलीले बनाईदिएको क्रिकेट स्टेडियम सामाजिक सञ्जालमा आफूलाई हिरोको रुपमा प्रश्तुत गर्ने कुलमान घिसिङले हिजो जुँगा मुसार्दै उद्घाटन गर्नुभयो । क्रिकेट संघको अध्यक्षदेखी पारस खड्कासम्मले नैतिक हिसाबले कुलमानजीले गरेको त्यो उद्घाटनलाई व्यङ्ग्य हुनेगरि वक्तव्य दिनुभयो । त्यही भएर हरेक स्टेपमा नेकपा एमाले र केपी ओलीको याद आउनेछ ।’

उहाँले कतिपय साहित्यकारहरुले ओली याद आउने चिजहरु सबै भत्काईदेउ भनेर व्यङ्ग्यात्मक कविता नै लेखेको उल्लेख गर्नुभयो । उहाँले धरहरा, रानीपोखरी, सुरुङमार्ग लगायतका विकास निर्माणका कार्य केपी ओलीले गरेको बताउनु भयो । उहाँले केपी ओलीको विरुद्धमा विदेशी शक्तिहरुले लगानी गरेको दाबी गर्नुभयो ।

काठमाडौं । नेकपा (एमाले)का नेता महेश बस्नेतले गृहमन्त्री ओमप्रकाश अर्याललाई लिएर तीव्र टिप्पणि गर्दै गृहमन्त्रीलाई ‘निरीह’ बनाउने गरी जेनजीहरूले फोन र संदेशमार्फत गाली गर्ने गरेको दाबी गरेका छन्।

आज एक कार्यक्रममा सम्बोधन गर्दै बस्नेतले यस्तो आरोप लगाएका हुन्, “हाम्रै अगाडि फोन गर्नुहुन्छ। यस्तो गाली दिनुहुन्छ कि निरीह छन् बिचरा। फेरि उनको एसएमएस आउँछ — ‘के भद्र खनाल रे? अजय भद्र खनाल… उहाँलाई कन्ट्याक्ट गर्नुस्, खास योजना बनाउनुस्, बालेन र सुधन गुरुङ अति भएका छन्, उनीहरूलाई तह लगाउनुस्’ भन्ने प्रकारका म्यासेज आउँछन्।”

बस्नेतले पार्टीका नेताहरूलाई लक्षित गरी फोन र एसएमएस गरी योजना बनाइरहेका जेनजीहरूको शैलीविरुद्ध खतराको चेतावनीसमेत दिए। उनले भने, “जेनजीले दाइ हेर्नुस् भनेर मलाई देखाउँछन्। मेरो आवाज अलि पुगेन — केपी ओली र महेश बस्नेतलाई थुन्नपर्छ भनेर माग गर्नुस् भन्ने मागसमेत आएको रहेछ।”

जेनजीहरूले ओलीमाथि आपराधिक योजनाहरू बनाएको र शेरबहादुर देउवालाई गम्भीर घाइते बनाउने तथा केपी ओलीलाई सिध्याउने योजना पनि रहेको दाबी समेत गरे । सो योजनाले पाँच मिनेट ढिला भएको भए ओलीको ज्यान नजोगिने उनको दाबी छ ।

यस्तै, उनले ओलीको ट्याक्टिक र सुरक्षामा प्रश्न उठाउँदै, “यस्ता लठ्याङ्ग्रे गृहमन्त्री भएका देशमा सुशासनको आशा गर्ने ?” भन्दै आलोचना गरे। उनले थपे कि युवाहरूले विभिन्न ढंगले आपराधिक योजना बनाएका थिए र त्यसको विरोध स्वरुप असोज ११ गते गरिएको कार्यक्रम ‘चियापन’ नभई प्रतिरोध भएको थियो।

सम्बोधनका क्रममा बस्नेतले आफ्नो विरोधलाई ‘आत्मरक्षा’ र ‘प्रतिरोध’ को रूपमा वर्णन गर्दै उनले भने ‘हाम्रो मर्ने योजना बनाउने लुसिफरहरुलाई किमा बनाउँछु’ भनी कडा शैलीमा चेतावनीसमेत दिएको उल्लेख गरे। तर, त्यस्ता व्यक्तिहरू अन्ततः उपस्थित नभएको र योजना विफल भएको उनले बताए।