काठमाडौं । इटालीका भेन रेन्जो अल्बर्टो एनेस नेपाली राष्ट्रिय फुटबल टोलीको प्रमुख प्रशिक्षकमा नियुक्त भएका छन् ।

अखिल नेपाल फुटबल संघ–एन्फाको कार्य समिति बैठकले अल्बर्टो एनेसलाई नियुक्त गरेको जनाएको छ ।

अल्बर्टो एनेस इटालियन व्‍यवसायिक फुटबल प्रशिक्षक र पूर्व खेलाडी हुन्। उनी हाल इन्डियन सुपर लिग क्लब नर्थइस्ट युनाइटेडका मुख्य प्रशिक्षक हुन्।

काठमाडौँ । बंगलादेशविरुद्ध हुने मैत्रीपूर्ण खेलका लागि नेपाली राष्ट्रिय फुटबल टोलीको घोषणा गरिएको छ ।

बिहीबार एन्फा कम्प्लेक्समा आयोजित कार्यक्रममा कार्यवाहक मुख्य प्रशिक्षक प्रदिप हुमागाईँले २३ सदस्यीय टोली घोषणा गरेका हुन् ।

टोलीमा यसअघिका मुख्य प्रशिक्षक मोहमद अल्मुताइरीसँगको विवादका कारण टोलीबाट निकालिएका १० जना खेलाडीले पुनरागमन गरेका छन् भने चोटका कारण सुनिल बल टोलीभन्दा बाहिर रहेका छन् ।

यस्तै, पहिलो पटक ऋतिक खड्का र आशिष चौधरीले राष्ट्रिय टिममा स्थान बनाएका छन् ।

नेपालले असोज ११ गते दशरथ रंगशालामा बंगलादेशविरुद्ध एक मैत्रीपूर्ण खेल खेल्दैछ ।

नेपाली टोली –

गोलकिपरः किरण चेम्जोङ, विकेश कुथु, विशाल श्रेष्ठ, दीप कार्की

डिफेन्डरः अनन्त तामाङ, रोहित चन्द, विकास तामाङ, विकास खवास, दिनेश राजवंशी, सुमन अर्याल, रञ्जित धिमाल

मिडफिल्डरः तेज तामाङ, सेसेहाङ आङ्देम्बे, विशाल राई, एरिक विष्ट, सुरज ज्यु ठकुरी, सुजल श्रेष्ठ, सुदीप गुरुङ

फरवार्डः विमल घर्ती मगर, ऋतिक खड्का, मनिष डाँगी, अन्जन विष्ट, आशिष चौधरी

काठमाडौं । नेपाली राष्ट्रिय फुटबल टोलीले आज ओमानसँग मैत्रीपूर्ण अभ्यास खेल खेल्दैछ ।

नेपालले कतारको सुहिम बिन हामद स्टेडियममा ओमानविरुद्ध खेल्न लागेको हो । खेल नेपाली समय अनुसार राति ९ः४५ बजे सुरु हुनेछ ।

नेपालले एएफसी एसियन कप छनोट अघि दोहामा तयारी गरिरहेको ओमानसँग मैत्रीपूर्ण खेल खेल्न लागेको हो ।

यस अघि नेपालले मैत्रीपूर्णमा टिमोर लिस्टेको यू–२३ टोलीसँग २(२ गोलको बराबरी र श्रीलंकासँग १–१ को बराबरी खेलेको थियो ।

नेपाली टोली कतारबाटै छनोटका लागि कुवेत जाने छन् ।

छनोटमा नेपाल समूह ुएु मा रहेको छ । जुन समूहमा कुवेत, इन्डोनेसिया र जोर्डन रहेका छन् । छनोट खेलहरु जुन ८ देखि १४ सम्म हुनेछ ।

हरेक समूहका शीर्ष टोली र ५ समूहको उत्कृष्ट दोस्रो टोली एसियन कप २०२३ मा छनोट हुनेछन् ।