एजेन्सी । अस्ट्रेलियाका पुर्व कप्तान रिकी पोन्टिङ आइपिएल टिम पञ्जाव किंग्सको मुख्य प्रशिक्षक नियुक्त भएका छन् ।

यस अघि आइपिएल टिम दिल्ली क्यापिटल्सको मुख्य प्रशिक्षक रहेका उनी अब २०२५ आइपिएल सिजनमा पञ्जाव किंग्सको मुख्य प्रशिक्षकको भूमिकामा रहनेछन् ।

रिकी पञ्जावको पछिल्लो सात सिजनमा छैटौं मुख्य प्रशिक्षक बनेका छन् । उनी केहि महिना अघि मात्र दिल्लीको मुख्य प्रशिक्षकको भूमिकाबाट अलग भएका थिए । पञ्जाव किंग्सले अहिलेसम्म आइपिएलको उपाधि जित्न सकेको छैन । २०१४ मा उप विजेता बनेको पञ्जाव त्यसयता प्लेअफमा पुग्न समेत सकेको छैन ।

आइपिएलमा खराब प्रदर्शन गरिरहेको पञ्जावलाई नयाँ स्वरुपमा ल्याउन रिकीका अगाडी चुनौती देखिएको छ । पञ्जावका कप्तान शिखर धवनले हालै सन्यास लिएपछि नयाँ कप्तान चुन्नेदेखि खेलाडीलाई रिटेन गर्ने र नयाँ खेलाडी भित्र्याउने चुनौती टोलिमाथि छ ।

रिकी पोन्टिङ पहिलो सिजनदेखि नै आइपिएलसँग जोडिएका छन् । शुरुमा कोलकता नाइट राइडर्स र त्यसपछि मुम्बई इण्डियन्सको खेलाडीको रुपमा उनले आइपिएल खेलेका थिए ।

उनले २०१३ मा सिजनको बिचमा नै मुम्बईको कप्तानी छोडेका थिए । त्यसपछि उनी २०१४ मा मुम्बईको एड्भाइजरको भूमिकामा थिए भने २०१५ २०१६ मा मुख्य प्रशिक्षक बनेका थिए । त्यसपछि २०१८ देखि उनी दिल्लीको मुख्य प्रशिक्षक रहेका थिए ।

एजेन्सी । रिकी पोन्टिङ अर्को सिजन दिल्ली क्यापिटल्सको प्रशिक्षक हुने छैनन् ।

उनी दिल्ली क्यापिटल्सबाट अलग भएका छन् । फ्रेन्चाइजले सामाजिक सञ्जालमा यो जानकारी दिएका हुन् ।

अस्ट्रेलियाका पूर्व कप्तान रिकी पोन्टिङ विगत ७ वर्षदेखि दिल्ली क्यापिटल्सका मुख्य प्रशिक्षक थिए । उनको कार्यकालमा दिल्ली क्यापिटल्स कहिल्यै च्याम्पियन बन्न सकेको छैन ।

पोन्टिङको बाहिरिएपछि आगामी सिजनमा वर्तमान टिम निर्देशक सौरभ गांगुलीलाई पनि मुख्य प्रशिक्षकको जिम्मेवारी दिइने अपेक्षा गरिएको छ ।

दिल्ली क्यापिटल्सले सामाजिक सञ्जालमा लेखेको छ, ‘तपाईंले सात वर्षमा टोलीलाई धेरै कुरा सिकाउनुभयो । तपाईंको योगदान शब्दमा व्यक्त गर्न सम्भव छैन ।’

अस्ट्रेलियाको विश्वकप विजेता टोलीको दुई पटक कप्तान रहेका रिकी पोन्टिङ २०१९ मा टोलीको मुख्य प्रशिक्षक बनेका थिए । उनको प्रशिक्षणमा टोली २०२१ मा पहिलो पटक फाइनलमा पुग्न सफल भयो ।

२०१९ र २०२० मा प्लेअफका लागि छनोट भयो । टोलीको प्रदर्शन २०२१ पछि खस्कियो । टोली प्लेअफमा पुग्न सकेन । जहाँ आईपीएल २०२४ मा दिल्ली क्यापिटल्स छैटौं स्थानमा रह्यो ।

टोलीका सहायक प्रशिक्षक प्रवीण अमरेले निरन्तरता पाउनेछन् । सौरभ गांगुलीलाई मुख्य प्रशिक्षकको अतिरिक्त जिम्मेवारी दिइने अपेक्षा गरिएको छ ।