विराटनगर: लायन्स क्लब अफ विराटनगरको लायन्स वर्ष २०२६/२७ का लागि चाँद ईराकी अध्यक्ष पदमा चयन भएका छन्। नयाँ नेतृत्व चयनसँगै क्लबले सामाजिक सेवा र समुदायमुखी कार्यक्रमलाई अझ प्रभावकारी ढंगले विस्तार गर्ने अध्यक्ष ईराकीले बताउनुभयो ।

नवनिर्वाचित अध्यक्ष ईराकीले मानव सेवा, शिक्षा, स्वास्थ्य, वातावरण संरक्षण, युवा सशक्तीकरण तथा सामाजिक उत्तरदायित्वका क्षेत्रमा परिणाममुखी र दीर्घकालीन कार्यक्रम सञ्चालन गर्ने प्रतिबद्धता व्यक्त गरेका छन्। उनले क्लबलाई थप सक्रिय, पारदर्शी तथा सेवामुखी संस्थाका रूपमा स्थापित गर्दै समुदायमा प्रत्यक्ष सकारात्मक प्रभाव पार्ने लक्ष्य लिएको बताएका छन्।

लामो समयदेखि समाजसेवा र नेतृत्व क्षेत्रमा सक्रिय ईराकीको नेतृत्वमा लायन्स क्लब अफ विराटनगरले सेवा, सहकार्य र समर्पणको अभियानलाई थप सुदृढ बनाउने विश्वास सदस्यहरूले व्यक्त गरेका छन्।

क्लबले आगामी कार्यकालमा स्थानीय आवश्यकतालाई केन्द्रमा राखेर सामाजिक अभियान, जनचेतनामूलक कार्यक्रम तथा समुदायसँग प्रत्यक्ष जोडिएका गतिविधिलाई प्राथमिकता दिने ईराकीले जानकारी दिनुभयो ।