काठमाडाैँ । नेपाल कम्युनिष्ट पार्टी (एमाले) का उपाध्यक्ष विष्णुप्रसाद पौडेलले आफ्ना तर्फबाट भएका भूल–त्रुटि र गल्ती–कमजोरीहरू स्वीकार गर्दै जनतासमक्ष आत्मालोचक भएर प्रस्तुत हुन एमाले पङ्क्तिलाई आग्रह गर्नुभएको छ ।

तेत्तिसौँमदन–आश्रित स्मृति दिवसका अवसरमा उपाध्यक्ष पौडेलले जनताको बहुदलीय जनवादको मर्मलाई ठीक ढङ्गले आत्मसात् गर्दै गुमेको जनताको विश्वास पुनः प्राप्त गर्न र नेकपा (एमाले)लाई राष्ट्रिय राजनीतिको निर्णायक शक्तिको भूमिकामा पुनःस्थापित गर्न दृढ सङ्कल्प गर्नुपर्नेमा जोड दिनुभयो ।

“यतिबेला नेपाली कम्युनिष्ट आन्दोलन इतिहासकै सबैभन्दा ज्यादा अप्ठ्यारो मोड र रक्षात्मक अवस्थामा आइपुगेको छ । हामीले राष्ट्रिय राजनीति र पार्टीको आन्तरिक जीवनमा जनताको बहुदलीय जनवादबाट ठीक ढङ्गले निर्देशित हुन सक्यौँ वा सकेनौँ भनेर वस्तुनिष्ठ समीक्षा गर्न विलम्ब भइसकेको छ,” उपाध्यक्ष पौडेलले भन्नुभएको छ ।

काठमाडौं ।नेकपा एमालेका उपाध्यक्ष विष्णुप्रसाद पौडेलले जनताको वहुदलीय जनवादलाई ठिक ढंगले आत्मसात गर्न र सही ढंगले प्रयोग गर्न नसक्दा यो अवस्था सिर्जना भएको जनाउनु भएको छ ।

मदन–आश्रित स्मृती दिवस सन्र्दभमा आफनो दृष्टिकोण राख्दै उपाध्यक्ष पौडेलले सच्चायीलाई स्वीकार्न ढिलो भैसकेको जनाउनु भएको छ ।

उहाँले लेख्नुभएको छ-

आज जेठ ३ गते, मदन–आश्रित स्मृती दिवस । जनताको वहुदलीय जनवादका प्रणेता जननेता मदन भण्डारी र कूशल संगठक जीवराज आश्रितप्रति भावपूर्ण श्रद्धाञ्जली ।

नेकपा (माले)द्वारा आयोजित चौथो राष्ट्रिय महाधिवेशनले वहुदलीय प्रजातन्त्रिक शासन प्रणाली अवलम्बन गर्ने निर्णय गर्‍यो । नेकपा (एमाले)द्वारा आयोजित पाँचौ राष्ट्रिय महाधिवेशनले नेपाली समाजको क्रान्तिकारी रुपान्तरणका लागि जनताको वहुदलीय जनवादको कार्यक्रम अघि सार्‍यो । छैटौं राष्ट्रिय महाधिवेशन यता हामीले जनताको वहुदलीय जनवादलाई लोकतान्त्रिक विधिबाट नेपाली समाजको क्रान्तिकारी रुपान्तरण गर्ने सिद्धान्त, मार्गदर्शक सिद्धान्तका मान्दै आएका छौं ।

जनताको वहुदलीय जनवाद राज्यसत्ता संगठित र संचालन गर्ने लोकतान्त्रिक प्रणाली त हुँदै हो, यो लोकतान्त्रिक विधिकासाथ पार्टी निर्माण र सञ्चालनको सिद्धान्त पनि हो ।

२०४६ यता नेपाली कम्युनिष्ट आन्दोलनले प्राप्त गरेको सफलताको पृष्ठभूमीमा जनताको वहुदलीय जनवादको मार्गदर्शन र निर्णायक योगदान छ ।
तर यतिबेला नेपाली कम्युनिष्ट आन्दोलन इतिहासकै सबैभन्दा ज्यादा अप्ठ्यारो मोड र रक्षात्मक अवस्थामा आइपुगेको छ ।

हामीले राष्ट्रिय राजनीति र पार्टीको आन्तरिक जीवनमा जनताको वहुदलीय जनवादबाट ठिक ढंगले निर्देशित हुन सक्यौं वा सकेनौं भनेर वस्तुनिष्ट समीक्षा गर्न विलम्ब भैसकेको छ । जनताको वहुदलीय जनवादलाई ठिक ढंगले आत्मसात गर्न र सही ढंगले प्रयोग गर्न नसक्दा यो अवस्था सिर्जना भएको हो भन्ने सच्चायीलाई स्वीकार्नु ढिलो भैसकेको छ ।

तसर्थ, आफ्ना तर्फबाट भएका भूल–त्रुटी र गल्ति–कमाजोरीहरु स्वीकार गर्दै जनता समक्ष आत्मालोचक भएर प्रस्तुत हुन, जनताको वहुदलीय जनवादको मर्मलाई ठिक ढंगले आत्मसात गर्दै गुमेको जनताको विश्वास पुन: प्राप्त गर्न र नेकपा (एमाले)लाई राष्ट्रिय राजनीतिको निर्णायक शक्तिको भूमिकामा पुन:स्थापित गर्न दृढ संकल्प गरौं, यही नै मदन–आश्रितप्रति सच्चा श्रद्धाञ्जली हुनेछ ।

काठमाडाैँ । नेकपा (एमाले) का उपाध्यक्ष विष्णुप्रसाद पौडेलले वर्तमान सरकारका गतिविधिहरू लोकतान्त्रिक मूल्य–मान्यता र संवैधानिक मार्गदर्शन विपरित रहेको बताएका छन् ।

सरकारका पछिल्ला कामकारबाहीले जनतामा निराशा पैदा गरेको भन्दै उहाँले एमालेको गम्भीर ध्यानाकर्षण भएको उल्लेख गरेका हुन्। बुधवार २७ औं यदु स्मृति दिवस तथा २४ औं यदु स्मृति पत्रकारिता पुरस्कार वितरण गर्दै उपाध्यक्ष पौडेलले ट्रेड युनियन अधिकार र विद्यार्थीको सङ्गठित हुन पाउने अधिकारमाथि सरकारले प्रहार गरिरहेको आरोप लगाए।

सरकारले जनसरोकारका विषयहरूलाई नजरअन्दाज गरेको र जनताका समस्याप्रति चरम लापरवाही देखाएको उनको तर्क छ । सरकार सञ्चालनका क्रममा दुईवटा खम्बा—संविधान र लोकतान्त्रिक मूल्यलाई बिर्सन नहुनेमा जोड दिए।

पछिल्लो समय सरकारले संसदलाई छलेर अध्यादेशमार्फत शासन चलाउन खोजेको भन्दै उहाँले ‘अध्यादेशको सिलसिला’ शुरु भएकोमा समेत आपत्ति प्रकट गरे ।

काठमाडौं । नेकपा (एमाले) उपाध्यक्ष विष्णुप्रसाद पौडेलले समयको निर्देश अनुरूप समग्र पार्टीलाई पुनर्गठन गर्न र नेपाली कम्युनिस्ट आन्दोलनलाई नयाँ ढङ्गले अगाडी बढाउन जरूरी रहेको बताउनु भएको छ ।

नेपाल कम्युनिस्ट पार्टीको ७७औं स्थापना दिवसका अबसरमा उपाध्यक्ष पौडेलले यस्तो बताउनु भएको हो ।

उहाँले नीति, नेतृत्व, संगठन र कार्यशैलीमा रहेका हाम्रा गल्ति, कमजोरीहरूलाई उद्घाटित गर्न, स्वीकार गर्न र सच्याउन जरूरी रहेको पनि जनाउनु भएको छ ।

हाँले भन्नुभएको छ हामीले सफलता र उपलब्धिको जस लिएजसरी नै पराजय र क्षतिको पनि जिम्मेवारी लिन जरूरी छ ।

सामाजिक संञ्जालमा उहाँले लेख्नुभएको छ

पार्टी स्थापनाको नेतृत्व गर्ने कमरेडहरू पुष्पलाल, नरहहादुर कर्मचार्य, निरञ्जन गोविन्द वैद्य, नारायण विलास जोशी र मोती देवीप्रति श्रद्धा र सम्मान गर्ने दिन । जनताको वहुदलीय जनवाद जस्तो युग सुहाउँदो, गतिशील र लोकतान्त्रिक सिध्दान्त प्रतिपादन गर्ने जननेता मदन भण्डारीबाट प्रेरणा लिने दिन । कम्युनिस्ट आन्दोलनका सम्पूर्ण शहीदहरू र मनमोहन अधिकारी लगायत सम्पूर्ण अग्रजहरूलाई आदरपूर्वक स्मरण गर्ने दिन । नेपाली कम्युनिस्ट आन्दोलनका उपलब्धि र कमजोरीहरूको समिक्षा गर्न,तीनबाट शिक्षा लिन र अगाडी बढ्न संकल्प गर्ने दिन ।

नेपाल कम्युनिस्ट पार्टीको स्थापना सबै प्रकारका निरङ्कुश शासनको अन्त्य, लोकतान्त्रिक शासन ब्यवस्थाको स्थापना र समृद्धि, सामाजिक न्याय र समाजवादको उद्देश्य प्राप्तीका लागि भएको थियो ।

पार्टी स्थापना देखि आजसम्म आईपुग्दा नेपाली कम्युनिस्ट आन्दोलनले असाधारण उपलब्धि हासिल गरेको छ र कहालीलाग्दो क्षति पनि बेहोरेको छ । संविधान सभाबाट संघीय लोकतान्त्रिक गणतन्त्रमा आधारित संविधान घोषणा भएपश्चातको दशक कम्युनिस्ट पार्टीले झण्डै दुइतिहाइको सरकार गठन गर्न सफल भएको दशक र नेपाली कम्युनिस्ट आन्दोलनको इतिहास कै सबैभन्दा ठूलो असफलता र पराजयको दशक बन्न पुगेको छ ।

सरकारको नेतृत्व गरेको हाम्रो पार्टी २०८२ भदौ २४ सम्म आइपुग्दा नराम्रोसंग सडकमा पछारिएको छ । फागुन २१ गते सम्पन्न निर्वाचनमा नेपाली मतदाताको अत्यधिक ठूलो हिस्साले हाम्रो पार्टीलाई अस्वीकार गरेकाछन् । हामी प्रतिनिधि सभाको प्रत्यक्ष तर्फको १६५ मध्ये ९ स्थान र समानुपातिक समेत कूल २७५ मध्ये २५ स्थानमा खुम्चिन बाध्य भएका छौं ।

हामीले कुनै द्विविधा राख्नु हुँदैन, हिजोको सफलतामा हाम्रो योगदान र योग्यताको निर्णायक भूमिका थियो र आजको असफलता र पराजयमा पनि हाम्रै गल्ति, कमजोरी र अयोग्ताको निर्णायक भूमिका छ ।

अब हामीले अविलम्ब समग्र नेपाली कम्युनिस्ट आन्दोलनको, विशेष गरी बिगतको एक दशकको र पछिल्लो पटक सरकारको नेतृत्व गर्दा देखि आम निर्वाचन सम्पन्न हुदा सम्मको वस्तुनिष्ठ र यथार्थपरक समिक्षा गर्न जरूरी छ । नीति, नेतृत्व, संगठन र कार्यशैलीमा रहेका हाम्रा गल्ति, कमजोरीहरूलाई उद्घाटित गर्न, स्वीकार गर्न र सच्याउन जरूरी छ । हामीले सफलता र उपलब्धिको जस लिएजसरी नै पराजय र क्षतिको पनि जिम्मेवारी लिन जरूरी छ । समयको निर्देश अनुरूप समग्र पार्टीलाई पुनर्गठन गर्न र नेपाली कम्युनिस्ट आन्दोलनलाई नयाँ ढङ्गले अगाडी बढाउन जरूरी छ ।

पार्टी स्थापनाको यस् ऐतिहासिक दिनमा नेकपा (एमाले) लाई लोकप्रिय, गतिशील र राष्ट्रलाई नेतृत्व गर्ने निर्णायक शक्तिमा बदल्ने सङ्कल्प गरौं । धन्यवाद ।

काठमाडौं । नेकपा एमालेका उपाध्यक्ष तथा रुपन्देही क्षेत्र नम्बर २ उम्मेदवार बिष्णु पौडेलले आ(आफ्नो विश्वासका आधारमा घण्टी, रूख, तारा वा अन्य चुनाव चिन्हमा मतदान गर्नुहुने मतदाता प्रति हार्दिक सम्मान ब्यक्त गर्नुभएको छ ।

निर्वाचन परिणाम आफ्नो पक्षमा नआए लगत्तै समाजिक संञ्जाल मार्फत पौडेलले लोकतन्त्रको सुन्दरता नै जनताको अभिमत भएको जनाउनु भएको छ ।

उहाँले पदमा रहे पनि नरहेपनि रुपन्देहीको विकास समृद्धि र यहाँका दाजुभाइ, दिदीबहिनीहरूको सुखदु:खमा साथ र सक्रियता हिजो जस्तै निरन्तर रहने प्रतिबद्धता जनाउनु भएको छ ।

उहाँले लेख्नु भएको छ-

आदरणीय आमाबुवा, दिदिबहिनी तथा दाजुभाईहरु,

हार्दिक नमस्कार !

लोकतन्त्रको सुन्दरता नै जनताको अभिमत हो र म रुपन्देही क्षेत्र नं। २ का आदरणीय मतदाताहरूको फैसलालाई सविनय र सहर्ष स्वीकार गर्दछु ।
यस निर्वाचनमा विजयी हुनुभएका राष्ट्रिय स्वतन्त्र पार्टीका उम्मेदवार सुलभ खरेलज्यूलाई हार्दिक बधाई तथा सफल कार्यकालको शुभकामना व्यक्त गर्दछु । आशा छ, तपाईले यस क्षेत्रका जनताका अपेक्षा अनुरूप उत्कृष्ट कार्य गर्नुहुनेछ र रुपन्देहीको विकास र समृद्धिको यात्रालाई अझै उचांईबाट अगाडी बढाउनु हुनेछ ।

निर्वाचनमा हार र जीत एउटा स्वाभाविक प्रक्रिया हो । मेरा लागि रुपन्देही र विशेष गरी क्षेत्र नं। २ को यो पवित्र माटो केवल एउटा निर्वाचन क्षेत्र मात्र होइन, यो मेरो जीवनको अभिन्न हिस्सा र मेरो कर्मभूमि हो । यो माटोको माया र यहाँका जनताको स्नेह मेरो लागि पद र शक्तिभन्दा धेरै माथि र अमूल्य छ ।
म पदमा रहूँ वा नरहूँ, रुपन्देहीको विकास समृद्धि र यहाँका दाजुभाइ, दिदीबहिनीहरूको सुखदु:खमा मेरो साथ र सक्रियता हिजो जस्तै निरन्तर रहनेछ । यस क्षेत्रको समृद्धिका लागि मैले देखेका सपनाहरू र अघि बढाएका योजनाहरूलाई सार्थक तुल्याउन म आफ्नो ठाउँबाट सदैव लागिरहने छु ।

यस् निर्वाचनमा मलाई विश्वास गरेर मतदान गर्नुहुने र आ-आफ्नो विश्वासका आधारमा घण्टी, रूख, तारा वा अन्य चुनाव चिन्हमा मतदान गर्नुहुने मतदाता महानुभावहरू प्रति हार्दिक सम्मान ब्यक्त गर्दछु । चुनावी अभियानमा अहोरात्र खटिनुहुने नेकपा (एमाले) का सम्पूर्ण नेता, कार्यकर्ता तथा शुभेच्छुकहरूमा हृदयदेखि नै आभार व्यक्त गर्दछु । निर्वाचन सम्पन्न गर्न योगदान गर्नुहुने राष्ट्रसेवक कर्मचारी, सुरक्षा निकाय, राजनीतिक दलका नेता कार्यकर्ता, सञ्चारकर्मि र सञ्चारमाध्यमहरू प्रति धन्यवाद ज्ञापन गर्दछु ।

पार्टीका सम्पूर्ण कमरेडहरूलाई मेरो एउटै आग्रह छ, निर्वाचनको यो परिणामबाट कत्ति पनि विचलित नहुनुहोस । राजनीति एउटा लामो यात्रा हो, जहाँ उतारचढाव आइरहन्छन । कस्तै परिस्थितिमा पनि हाम्रो निष्ठा र सङ्कल्प कमजोर हुनुहुँदैन। यसर्थ, अझ सशक्त रूपमा जनताको सेवामा समर्पित हुन हार्दिक अनुरोध गर्दछु ।

बिगतमा हाम्रा तर्फबाट भएका गल्ती कमजोरीहरूको गंभीर समिक्षा गर्न, जनअपेक्षा अनुसार आफैलाइ रुपानन्तरण गर्न र नेकपा (एमाले) को नीति, नेतृत्व, संगठन र कार्यशैलीलाई जनअपेक्षा अनुरुप पुनर्गठन गर्न अग्रसरता लिने र अविचलित भएर जनता र राष्ट्रको सेवामा समर्पित भैरहने प्रतिबद्धता ब्यक्त गर्दछु ।

धन्यवाद
विष्णुप्रसाद पौडेल

काठमाडौं । नेकपा (एमाले) का उपाध्यक्ष एवम् रुपन्देही क्षेत्र नं. २ बाट प्रतिनिधिसभा सदस्य पदका उम्मेदवार विष्णुप्रसाद पौडेलले बुटवल उपमहानगरपालिका वडा नं. ८ स्थित पश्चिमाञ्चल डिभिजन सडक कार्यालय बुटवल मतदान केन्द्रमा मतदान गर्नु भएको छ ।

बुटवल । प्रतिनिधि सभा सदस्य निर्वाचन अन्तर्गत रूपन्देही निर्वाचन क्षेत्र नं. २ का उम्मेदवार विष्णुप्रसाद पौडेलले मतदातालाई हस्तलिखित पत्रबाटै सम्बोधन गर्दै विकास–समृद्धिलाई तीव्रता दिने प्रतिवद्धता जनाएका छन् । निर्वाचन क्षेत्रका मतदातालाई उनले आफ्नो तर्फबाट लिखित पत्र नै दिएर प्रचार अभियान थालेको एमाले नेता युवराज घिमिरेले जानकारी दिए ।

घरदैलो अभियानकै क्रममा मतदाताको नाम लेखेर उनले लिखित अपिलमार्फत विगतका उपलब्धि, वर्तमान जिम्मेवारी र आगामी योजनाबारे विस्तृत धारणा सार्वजनिक गरेर पारदर्शीता देखाउन खोजेको हुन् ।

निर्वाचन परिचालन कमिटीले यसको समन्वय गरेर सम्बन्धित व्यक्तिको नामै लेखेर पुराउने अभियान थालेको घिमिरेले जानकारी दिए । पत्रमा पौडेलले सम्पूर्ण मतदाता तथा परिवारजनप्रति सम्मान व्यक्त गर्दै स्वास्थ्य, दीर्घायु र समृद्ध जीवनको कामना गरेका छन् । उनले आगामी फागुन २१ गते हुने प्रतिनिधि सभा सदस्य निर्वाचनलाई संविधान, लोकतन्त्र, राष्ट्रियता र विकासको दिशानिर्धारण गर्ने महत्वपूर्ण अवसरका रूपमा उल्लेख गरेका छन् ।

उम्मेदवार पौडेलले विगतमा मतदाताबाट प्राप्त विश्वासका आधारमा आफू निर्वाचित भई अर्थतन्त्र चलायमान बनाउने, विकास निर्माणलाई गति दिने तथा महामारी र आर्थिक चुनौतीबीच पनि स्थायित्व कायम राख्ने प्रयास गरेको दाबी गरेका छन् । विशेषगरी भूकम्पपछिको पुनर्निर्माण, नाकाबन्दीपछिको आपूर्ति व्यवस्थापन तथा कोभिड–१९ महामारीका बेला अर्थतन्त्र जोगाउने कार्यमा आफ्नो भूमिका रहेको उनले स्मरण गरेका छन् ।

रूपन्देहीलाई केवल भौगोलिक क्षेत्र नभई सम्भावनाको केन्द्रका रूपमा विकास गर्ने लक्ष्यसहित ठूला पूर्वाधार आयोजना अघि बढाइएको पत्रमा उल्लेख छ । गौतमबुद्ध अन्तर्राष्ट्रिय विमानस्थल, बुटवल–बेलहिया व्यापारिक करिडोर, अन्तर्राष्ट्रिय सम्मेलन केन्द्र, प्रदर्शनीस्थल लगायत आयोजना क्षेत्रको पहिचान बनेको उनको भनाइ छ । त्यस्तै, लुम्बिनी गुरुयोजना, लुम्बिनी बौद्ध विश्वविद्यालय, बुटवल मेडिकल कलेज, प्रादेशिक अस्पताल, कृषि थोक बजार, सिद्धार्थ राजमार्ग स्तरोन्नति, बुटवल–नारायणगढ सडक विस्तार, पुल तथा करिडोर निर्माणजस्ता आयोजनाले समग्र क्षेत्रको आर्थिक र सामाजिक रूपान्तरणमा टेवा पुर्‍याएको उनले उल्लेख गरेका छन् ।

उनले अधुरा आयोजना सम्पन्न गर्ने प्रतिबद्धता जनाएका छन् । पत्रमा उनले सुरु भइसकेका तर अपूरा रहेका आयोजना छिटो सम्पन्न गर्ने, नयाँ योजनाको थालनी गर्ने, औद्योगिक विकास विस्तार गर्ने तथा रोजगारी र स्वरोजगारी सिर्जना गर्ने प्रतिवद्धता जनाएका छन् । शिक्षा, स्वास्थ्य, उत्पादन र आयआर्जनका क्षेत्रमा रूपन्देहीलाई अग्रणी केन्द्र बनाउने योजना पनि अघि सारेका छन् ।

त्यसैगरी पौडेलले विकासलाई सामाजिक न्यायसँग जोड्दै समान अवसर, समावेशी सहभागिता र आत्मसम्मानसहितको समाज निर्माणमा जोड दिने उल्लेख गरेका छन् । सुशासन, पारदर्शिता र जवाफदेहितालाई आफ्नो कार्यशैलीको मूल आधार बनाउने प्रतिबद्धता उनले व्यक्त गरेका छन् ।
उनले मतदातासँग पुनः समर्थनको अपिल आफूले अघि बढाएको विकास र समृद्धिको अभियानलाई निष्कर्षमा पुर्‍याउन पुनः जनसमर्थन आवश्यक रहेको भन्दै सूर्य चिन्हमा मतदान गर्न अपिल गरेका छन् । राष्ट्र निर्माण, आर्थिक रूपान्तरण र क्षेत्रीय समृद्धिका लागि आफ्नो उम्मेदवारी रहेको उनको भनाइ छ ।

उनी आबद्ध दल नेकपा एमालेले पनि रूपन्देही–२ मा विकास निरन्तरताका आधारमा चुनावी अभियान तीव्र बनाएको जनाएको छ ।

समग्रमा पौडेलको प्रतिबद्धता पत्र विगतका उपलब्धि संस्थागत गर्ने, अधुरा आयोजना पूरा गर्ने र रूपन्देहीलाई राष्ट्रिय आर्थिक केन्द्रका रूपमा स्थापित गर्ने दीर्घकालीन विकास दृष्टिसहित केन्द्रित देखिएको पत्र पाएको मतदाता काव्या थापा बताउँछिन् । अब मतदाताले उनको कार्यसम्पादन मूल्यांकन गर्दै पुनः जिम्मेवारी सुम्पिन यो पत्रले थप प्रष्ट भएको उनको भनाइ छ । ‘सामाजिक सन्जालमा केही भ्रम आइरहेका थिए, यसमा उहाँले उल्लेख गरेका योजनाको विषयले कतै सोच्न नपर्ने बनायो’ उनले भनिन् ।

रुपन्देही २ मा पौडेलले ०६४ सालदेखि लगातार जित्दै आएका छन् ।

रुपन्देही । नेकपा (एमाले) का उपाध्यक्ष विष्णुप्रसाद पौडेलले झुटा सूचनाको फैलावटले समाजमा गम्भीर समस्या सिर्जना गरिरहेको बताएका छन् ।

प्रेस चौतारी नेपाल रूपन्देहीले आयोजना गरेको कृत्रिम बुद्धिमत्ता (एआई) सम्बन्धी तालिमको उद्घाटन गर्दै उपाध्यक्ष पौडेलले सामाजिक सञ्जालमार्फत् फैलिँदै गएको भ्रमपूर्ण सूचनालाई रोक्न पत्रकारहरू जिम्मेवार र सचेत हुनुपर्नेमा उनले जोड दिए ।

“समाजमा झुटो सूचनाको बिगबिगी छ । सामाजिक सञ्जाल झुटो सूचना फैलाउने माध्यमका रुपमा विकास भइरहेका छन्, यसलाई रोक्न सकिएन भने समाजमा गम्भिर समस्या पैदा हुन्छ”, उपाध्यक्ष पौडेलले भने, “झुटो भ्रमपूर्ण सूचनालाई रोक्न पत्रकारहरू जिम्मेवार र सचेत हुनुपर्छ । प्रेस चौतारीलाई यसको अगुवाइ गर्न आग्रह गर्दछु ।”

विज्ञान र प्रविधिले मानवीय जीवनमा ठूलो परिवर्तन ल्याइरहेको भन्दै पौडेलले विज्ञान तथा प्रविधिको विकाससँगै विश्व साँघुरो बन्दै गएकाले यसको प्रयोग मानवहितका लागि हुनुपर्ने बताए ।

उनले विज्ञान र प्रविधिले जति नै ठूलो परिवर्तन गरे पनि मानिस नै अन्तिम सत्य हुने स्पष्ट पारे । “प्रविधिले मान्छेको ज्ञान र विवेकलाई विस्थापित गर्न सक्दैन”, उनले भने, “मानिसले विज्ञानको सहायताले आफ्नो दैनिकी सहज बनाइरहेको छ, तर आफ्नै अस्तित्व समाप्त हुने गरी प्रविधिको प्रयोग हुनु हुँदैन ।”

उपाध्यक्ष पौडेलले सामाजिक सञ्जालमा फैलिने झुटा सूचनाले समाजलाई समस्यातर्फ धकेल्ने चेतावनी दिँदै यस्ता सूचनाको पहिचान र नियन्त्रणमा पत्रकारको भूमिका निर्णायक हुने बताए । उनले प्रविधिको प्रयोग गर्दा सत्य, तथ्य र जिम्मेवारीलाई केन्द्रमा राख्न आग्रह गरे ।

प्रेस चौतारी नेपालको २८ औं स्थापना दिवसको अवसरमा आयोजिक तालिममा रुपन्देहीमा क्रियाशील २ दर्जन बढी पत्रकारहरुको सहभागीता रहेको छ । तालिमको प्रशिक्षकमा एआई विज्ञ अजय शर्मा र अमृत पन्थी रहेका छन् ।

रुपन्देही । पूर्व अर्थमन्त्री तथा एमाले उपाध्यक्ष विष्णुप्रसाद पौडेलले भौतिक पूर्वाधारको विकाससँगै अब मानवीय विकास र रोजगारी प्रवर्द्धनलाई आफ्नो पहिलो प्राथमिकता बनाउने बताउनु भएको छ ।

आगामी फागुन २१ गते हुने प्रतिनिधिसभा निर्वाचनका लागि रुपन्देही क्षेत्र नम्बर २ का उम्मेदवार पौडेलले रुपन्देहीमा निर्माणाधीन तथा प्रस्तावित ठूला पूर्वाधार योजनाहरू सम्पन्न गर्दै औद्योगिक विकास र बहुराष्ट्रिय कम्पनीहरूलाई लगानीका लागि आकर्षित गरिने बताउनु भयो । उहाँले यसमार्फत स्थानीयस्तरमा रोजगारी सिर्जना गरिने बताउनु भयो ।

एमालेको बुटवल–११ देवीनगर तथा बुटवल–१ पारीबुटवलमा वडास्तरीय निर्वाचन परिचालन कार्यालय उद्घाटन कार्यक्रममा बोल्दै पौडेलले रुपन्देहीमा भौतिक संरचनाको विकास उल्लेखनीय रूपमा अघि बढिसकेको बताउनु भयो ।

उहाँले भन्नुभयो ‘रुपन्देही भौतिक विकासको चरण पार गर्दै सम्पन्नताको दिशातर्फ उन्मुख हुँदैछ । अब यहाँका नागरिकको जीवनस्तर उकास्ने, रोजगारी र स्वरोजगारका अवसर सिर्जना गर्ने योजनामा मेरो ध्यान केन्द्रित हुनेछ। ’

पौडेलले जेनजी आन्दोलनको मुख्य माग रोजगारी रहेको उल्लेख गर्दै त्यसलाई सम्बोधन गर्नेगरी नीति तथा कार्यक्रम अघि बढाइने बताउनु भयो ।

उहाले बुटवलमा निर्माणाधीन १२ तले लुम्बिनी प्रादेशिक अस्पताल सम्पन्न गर्ने, बुटवल–पोखरा सडकलाई दुई घण्टामै यात्रा गर्न मिल्ने गरी विस्तार गर्ने, बुटवल–गोरुसिंगे र बुटवल–नारायणगढ सडक विस्तार सम्पन्न गर्ने, तिनाउ पुलमा सिग्नेचर ब्रिज निर्माण गरी पर्यटकीय गन्तव्य बनाउने तथा मेडिकल कलेज स्थापना जस्ता परियोजनाहरूलाई अघि बढाउने प्रतिबद्धता व्यक्त गर्नुभयो ।

त्यसैगरी भैरहवाको अन्तर्राष्ट्रिय विमानस्थललाई पूर्ण रूपमा सञ्चालनमा ल्याउने, बुटवलमा निर्माण सम्पन्न भएका अन्तर्राष्ट्रिय सम्मेलन केन्द्र र प्रदर्शनी केन्द्र सञ्चालन तथा औद्योगिक क्षेत्र विकासमार्फत रोजगारी सिर्जना गर्नुपर्नेमा उहाँले बताउनु भयो ।

आफूले विगतमा गरेका विकासका कामबारे मतदाताहरू जानकार रहेको उल्लेख गर्दै पौडेलले आगामी निर्वाचनमा पनि जनताको समर्थन प्राप्त हुनेमा विश्वास व्यक्त गर्नुभयो ।

लुम्बिनी। नेपाल कम्युनिष्ट पार्टी (एमाले)का उपाध्यक्ष विष्णुप्रसाद पौडेलले रूपन्देहीको विकासलाई प्रमुख प्राथमिकता राख्दै योजना कार्यान्वयन गर्ने बताउनुभएको छ ।

निर्वाचन क्षेत्रमा आज निर्वाचन परिचालन समिति कार्यालयको उद्घाटन गर्दै उहाँले मतदातालाई अहिलेसम्म गरेका कामको निष्पक्ष मूल्याङ्कन गर्न आग्रह गर्नुभयो ।

उहाँले भौतिक पूर्वाधारका साथै सामाजिक, मानवीय विकाससँगै शिक्षा, स्वास्थ्य र रोजगारी सृजना आफ्नो प्रमुख प्राथमिकता रहने उल्लेखगर्नुभयो ।

आसन्न फागुन २१ गते हुने प्रतिनिधिसभा निर्वाचनमा रूपन्देही क्षेत्र नं २ बाट एमालेका तर्फबाट उम्मेदवार बन्नुभएका पौडेलले यस क्षेत्रको भौतिक विकास देशका लागि सिकाइको नमूना बन्ने बताउनुभयो । उहाँले आगामी दिनमा नागरिकको आयस्तर वृद्धि हुने किसिमका आयोजना कार्यान्वयनमा आफू प्रतिबद्ध भएर अगाडि बढ्ने स्पष्ट पार्नुभयो ।

निर्वाचन परिचालन कार्यालयको औपचारिक उद्घाटनसँगै एमाले नेता भोजप्रसाद श्रेष्ठको संयोजकत्वमा ९०१ सदस्यीय निर्वाचन परिचालन समिति गठन गरिएको छ ।

समितिको सहसंयोजकमा राजु गुरुङ रहनुभएको छ । निर्वाचन परिचालन समितिका संयोजक श्रेष्ठले रूपन्देहीको सुकुम्बासी समस्या समाधान गर्न एमाले सधैँ प्रतिबद्ध रहेको बताउनुभयो । रासस

काठमाडौं । नेकपा (एमाले) का उपाध्यक्ष / पूर्वउपप्रधान तथा अर्थमन्त्री एबं रुपन्देही क्षेत्र नं २ का उम्मेदवार विष्णुप्रसाद पौडेलले रुपन्देही जिल्ला एउटा भूगोल मात्र होइन, आफ्नो कर्म र सङ्कल्पको केन्द्र बनिसकेको जनाउनु भएको छ ।

रुपन्देहीलाई देशकै आर्थिक केन्द्र र विकासको रोल मोडल बनाउन सुरु गरिएको विकासको यो महाअभियानलाई निष्कर्षमा पुर्‍याउन फेरि पनि मतदातको साथ र आशीर्वाद आवश्यक रहेको उहाँले जनाउनु भएको छ ।

पौडेलले सामाजिक संञ्जालमा लेख्नुभएको छ-

आगामी फागुन २१ गते हुन गइरहेको प्रतिनिधिसभा सदस्य पदको निर्वाचनका लागि आज उम्मेदवारी दर्ता गराउँदै गर्दा तपाईंहरूले देखाउनुभएको माया र विश्वासप्रति म नतमस्तक छु। यहाँहरूको अमूल्य मत प्राप्त गरी विगतमा अर्थ मन्त्रालयको जिम्मेवारी सम्हाल्दै गर्दा भूकम्प, नाकाबन्दी, कोभिड–१९ जस्ता संकटहरूले शिथिल बनाएको अर्थतन्त्र उकास्न र ओरालो लागेको सेयर बजार लगायत अर्थतन्त्रका समग्र सुचकहरुलाई उचाइमा पुर्‍याउन हामीले खेलेको भूमिकाबारे यहाँहरू अवश्य जानकार नै हुनुहुन्छ ।

मेरो लागि रुपन्देही जिल्ला एउटा भूगोल मात्र होइन, मेरो कर्म र सङ्कल्पको केन्द्र बनिसकेको छ । हिजो तपाईंहरूसँगै मैले देखेका थुप्रै सपनाहरू आज एक्सप्रेस हाइवे, आधुनिक फराकिला सडक, पुल र सुरुङ मार्ग जस्ता आधुनिक पूर्वाधारका रूपमा उभिँदै छन् ।

गौतम बुद्ध अन्तर्राष्ट्रिय विमानस्थलको निर्माण, बुटवल–बेलहिया ६ लेन व्यापारिक मार्ग र बुटवल अन्तर्राष्ट्रिय सम्मेलन केन्द्रजस्ता गौरवका आयोजनाहरूले रुपन्देहीलाई विशिष्ट पहिचान दिएका छन् । बृहत् लुम्बिनी गुरुयोजना, लुम्बिनी बौद्ध विश्वविद्यालय, बुटवल मेडिकल कलेज, लुम्बिनी प्रादेशिक अस्पताल, सेमलार कृषि बजार, सिद्धबाबा सुरुङ मार्ग, कालीगण्डकी–तिनाऊ डाइभर्सन, सिद्धार्थ राजमार्गको बुटवल–पोखरा खण्ड, बुटवल–नारायणगढ र बुटवल–चन्द्रौटा सडक जस्ता मेघा परियोजनाका साथै थुप्रै ठुला/साना आयोजनाहरूको प्रभावकारी तथा पूर्ण कार्यान्वयनपछि यो क्षेत्र समृद्धिको नयाँ उचाइतर्फ अघि बढ्दै छ ।

रुपन्देहीलाई देशकै आर्थिक केन्द्र र विकासको रोल मोडल बनाउन सुरु गरिएको विकासको यो महाअभियानलाई निष्कर्षमा पुर्‍याउन मलाई फेरि पनि तपाईंहरूको साथ र आशीर्वाद आवश्यक छ। हामीलाई थाहा छ— हामीले आरम्भ गरेका पूर्वाधारहरू सम्पन्न गर्न, विकासको गतिसँगै रोजगारी र स्वरोजगारीका अवसर सिर्जना गर्न, त्यसलाई सामाजिक न्यायसँग जोड्न र आत्मसम्मानसहितको सभ्य समाज निर्माण गर्न अझै धेरै काम गर्न बाँकी छ ।

हामीले सुरु गरेको समृद्धिको यो यात्रालाई अझ उचाँई बाट अघि बढाउन, रुपन्देहीलाई नेपालकै सबल आर्थिक केन्द्र र विकासको रोलमोडलका रुपमा स्थापित गर्न रुपन्देही क्षेत्र नं. २ का आदरणिय मतदाताहरु समक्ष सुर्य चिन्हमा आफ्नो अमुल्य मतको अपेक्षा गर्दछु ।

काठमाडौँ, ७ माघः आगामी फागुन २१ गतेका लागि तय भएको प्रतिनिधिसभा निर्वाचनमा प्रत्यक्षतर्फका १६५ सिटका लागि मङ्गलबार मनोनयन दर्ता भइसकेको छ । ती पदका लागि देशभरबाट तीन हजार ४०० भन्दा बढी व्यक्तिले उम्मेदवारी दिएका छन् ।

विभिन्न राजनीतिक दलको चुनाव चिह्नमा निर्वाचन लड्नेदेखि स्वतन्त्र उम्मेदवारी दिने र लामो राजनीतिक पृष्ठभूमि तथा संसदीय अभ्यासमा घुलेकादेखि पहिलोपटक आकांक्षी देखिएकासम्मबाट मनोनयन दर्ता भएको छ । प्रतिनिधिसभा सदस्य निर्वाचनका लागि चार पूर्वप्रधानमन्त्री चुनावी मैदानमा उत्रिदा ६ पूर्वअर्थमन्त्री र एक पूर्वअर्थराज्यमन्त्री सङ्घीय सांसद बन्ने प्रतिस्पर्धामा होमिएका छन् ।

पूर्व अर्थमन्त्रीसमेत रहनुभएका पूर्वप्रधानमन्त्री डा बाबुराम भट्टराई, पाँच पटकसम्म अर्थमन्त्री बन्नुभएका निवर्तमान अर्थमन्त्री विष्णुप्रसाद पौडेल, समान दुईपटक अर्थमन्त्री भएका वर्षमान पुन र जनार्दन शर्मा, अर्थमन्त्रीको जिम्मेवारी सम्हाले पनि वार्षिक बजेट ल्याउन नपाएका ज्ञानेन्द्रबहादुर कार्की र अघिल्लोपटक समानुपातिक सांसद रहेर अर्थमन्त्री बन्नुभएका डा प्रकाशशरण महत आसन्न निर्वाचनका लागि प्रत्यक्षतर्फका उम्मेदवार हुनुहुन्छ । पूर्वअर्थराज्यमन्त्री उदयशम्शेर जबरा पनि प्रत्यक्षतर्फका उम्मेदवार हुनुहुन्छ ।

शीर्षस्थ दलसँगको आबद्धता, प्रभावशाली राजनीतिज्ञका रुपमा पहिचान र दरिलो विषयगत ज्ञान भए पनि यी कुनैपनि पूर्वअर्थमन्त्रीले लगातार दुई आर्थिक वर्षको बजेट ल्याउन पाएनन् । पटक–पटक फेरिने राजनीतिक गठबन्धन र सरकार बन्ने–भत्किने श्रृङ्खला चलिरहँदा यी कुनै पनि अर्थमन्त्रीले अघिल्लो वर्षका योजना र कार्यक्रम पछिल्लो वर्ष आफै निरन्तरता दिने अवसर पाएनन् । बजेट निर्माण गर्दा एउटा र कार्यान्वयन गर्दा अर्कै व्यक्ति अर्थ मन्त्रालयको नेतृत्वमा रहने क्रम पटक–पटक दोहोरियो ।

विसं २०६५ यताको बजेट इतिहास हेर्दा राष्ट्रियसभा सदस्यका रुपमा संसद् छिरेका डा युवराज खतिवडाले तीन वटा, संविधानसभा सदस्य डा रामशरण महतले दुई वटा र तत्कालीन अन्तरिम चुनावी मन्त्रिपरिषद्का अर्थमन्त्री शङ्करप्रसाद कोइरालाले दुई वटा बजेट लगातार ल्याएको देखिन्छ । अध्यादेशमार्फत ल्याइका पेस्की बजेट र पुरक बजेटलाई छोडेर हेर्ने हो भने प्रतिनिधिसभा सदस्यका रुपमा माथि उल्लिखित कुनै पनि पूर्वअर्थमन्त्रीले लगालग दुई आर्थिक वर्षको बजेट ल्याउन पाएका थिएनन् ।

पूर्वप्रधानमन्त्रीसमेत रहनुभएका डा भट्टराईले आसन्न प्रतिनिधिसभा सदस्य निर्वाचनका लागि गोरखा क्षेत्र नम्बर दुईबाट उम्मेदवारी दर्ता गर्नुभएको छ । प्रगतिशील लोकतान्त्रिक पार्टीबाट चुनाव लड्न लाग्नुभएका भट्टराईले अर्थमन्त्रीका रुपमा आर्थिक वर्ष २०६५/६६ को बजेट ल्याउनुभएको थियोे । त्यो वर्ष असार र असोज गरी दुई वटा बजेट ल्याइएको थियो । डा भट्टराईको राजनीतिक जीवन २०२७ सालमा तत्कालीन नेकपा (चौथो महाधिवेशन) बाट सुरु भई २०३४ मा अखिल भारत नेपाली एकता समाजको संस्थापक अध्यक्ष, २०४७ मा संयुक्त जनमोर्चाको अध्यक्ष, २०५१ सालमा तत्कालीन नेकपा (माओवादी) मा आबद्ध भएपछि २०६२ सम्म भूमिगत जीवन र त्यसपछि मूलधारको सक्रिय राजनीतिसम्म पुगेको देखिन्छ ।

पूर्वअर्थमन्त्री वर्षमान पुनले नेपाली कम्युनिष्ट पार्टीबाट रोल्पा क्षेत्र नम्बर १ मा उम्मेदवारी दर्ता गर्नुभएको छ । उहाँ प्रतिनिधिसभा निर्वाचन २०७९ मा रोल्पा क्षेत्र १ बाट निर्वाचित हुनुभएको थियो । सांसदका रुपमा पहिलोपटक २०६४ सालमा संविधानसभा सदस्य बन्नुभएका पुन २०६७ सालमा शान्ति तथा पुनर्निमाण मन्त्री, २०६८ सालमा अर्थमन्त्री, २०७४ सालमा ऊर्जा, जलस्रोत तथा सिँचाइमन्त्री र २०८० फागुनमा पुनःअर्थमन्त्री बन्नुभएको थियो । उहाँले आर्थिक वर्ष २०८१/८२ को वार्षिक बजेट र आर्थिक वर्ष २०६९/७० का लागि अध्यादेशमार्फत् बजेट ल्याउनुभएको थियो ।

प्रतिनिधिसभा निर्वाचन २०८२ का लागि रुपन्देही २ मा नेकपा (एमाले) बाट उम्मेदवारी दर्ता गर्नुभएका पूर्वअर्थमन्त्री विष्णुप्रसाद पौडेल प्रतिनिधिसभा निर्वाचन २०७९ मा सोही क्षेत्रबाट निर्वाचित हुनुभएको थियो । हालसम्म पाँच पटकसम्म अर्थमन्त्री बन्नुभएका र तीन आर्थिक वर्षको बजेट ल्याउनुभएका पौडेल २०६४ र २०७० मा संविधानसभा सदस्य र २०७४ सालमा प्रतिनिधिसभा सदस्य हुनुहुन्थ्यो । हाल कार्यान्वयनमा रहेको चालु आर्थिक वर्ष २०८२/८३ को बजेट पौडेलले ल्याउनुभएको थियो । आर्थिक वर्ष २०७३/७४ र आर्थिक वर्ष २०७८/७९ को बजेट ल्याउँदा पौडेल अर्थमन्त्री हुनुहुन्थ्यो । विसं २०५१ मा पहिलोपटक सांसद बन्नुभएका पौडेल २०५३ सालमा युवा, खेलकुद तथा संस्कृतिमन्त्री, २०६५ सालमा जलस्रोत मन्त्री, २०६७ सालमा रक्षामन्त्री र २०७२ सालमा पहिलोपटक अर्थमन्त्री बन्नुभएको थियो ।

प्रतिनिधिसभा निर्वाचन २०८२ का लागि सुनसरी ४ मा नेपाली कांग्रेसबाट उम्मेदवारी दिनुभएका पूर्वअर्थमन्त्री ज्ञानेन्द्रबहादुर कार्की प्रतिनिधिसभा निर्वाचन २०७९ र २०७४ सालमा सोही क्षेत्रबाट प्रत्यक्षतर्फ निर्वाचित हुनुभएको थियो । उहाँले ऊर्जा, जलस्रोत तथा सिँचाइमन्त्री, कानुन न्याय तथा संसदीय मामिलामन्त्री र सञ्चार तथा सूचना प्रविधिमन्त्रीका रुपमा जिम्मेवारी निभाइसक्नुभएको छ ।

पूर्वअर्थमन्त्री जनार्दन शर्माले प्रगतिशील लोकतान्त्रिक पार्टीबाट गृह जिल्ला रुकुम पश्चिमबाट उम्मेदवारी दर्ता गर्नुभएको छ । विसं २०६३ मा अन्तरिम व्यवस्थापिका संसद्, २०६४ र २०७० सालमा संविधानसभा सदस्य तथा प्रतिनिधिसभा निर्वाचन २०७४ र २०७९ सालमा रुकुम पश्चिमबाट निर्वाचित हुनुभएको थियो । विसं २०६५ मा शान्ति तथा पुनःनिर्माणमन्त्री, २०७३ सालमा ऊर्जामन्त्री, २०७४ सालमा गृहमन्त्री र २०७८ सालमा अर्थमन्त्री बन्नुभएको थियो । उहाँले आर्थिक वर्ष २०७९/८० को बजेट ल्याउनुभएको थियो ।

नेपाली कांग्रेसका नेता तथा पूर्व अर्थमन्त्री डा प्रकाशशरण महत नुवाकोट १ बाट उम्मेदवारी दिनुभएको छ । उहाँले नेपाल विद्यार्थी सङ्घको महामन्त्री, राष्ट्रिय योजना आयोगको सदस्य, प्रधानमन्त्रीको सल्लाहकार, परराष्ट्रमन्त्री, ऊर्जामन्त्रीको जिम्मेवारी निभाइसक्नुभएको छ । प्रतिनिधिसभा निर्वाचन २०७९ मा उहाँ नेपाली कांग्रेसबाट समानुपातिक सांसदका रुपमा निर्वाचित हुनुभएको थियो । डा महतले आर्थिक वर्ष २०८०/८१ को बजेट ल्याउनुभएको थियो ।

पूर्वअर्थ राज्यमन्त्री उदयशमशेर जबराले ललितपुर १ बाट उम्मेदवारी दिनुभएको छ । उहाँले नेपाल तरुण दलको केन्द्रीय अध्यक्षका रुपमा २०६८ देखि २०७२ सालसम्म भूमिका निर्वाह गर्नुभएको थियो । संविधानसभा सदस्य २०७० सालमा रहनुभएका राणा २०७४ सालमा अर्थ राज्यमन्त्री बन्नुभएको थियो ।

निर्वाचनमा होमिएका उल्लिखित पूर्वअर्थमन्त्रीहरुले मात्र नभई अपवादबाहेक कसैले पनि आफूले ल्याएका बजेटको आफैँ कार्यान्वयन गर्न सकेनन् । आर्थिक वर्ष २०७४/७५ को बजेट तत्कालिन उपप्रधानमन्त्री तथा अर्थमन्त्री कृष्णबहादुर महराले ल्याउनुभएको थियो भने आर्थिक वर्ष २०७५/७६, आव २०७६/७७, आव २०७७/७८ मा डा युवराज खतिवडा, आर्थिक वर्ष २०७१/७२ र आव २०७२/७३ मा डा रामशरण महत र आर्थिक वर्ष २०६९/७० र २०७०/७१ आवमा शङ्करप्रसाद कोइरालाले वार्षिक बजेट ल्याउनुभएको थियो ।

त्यस्तै, आव २०६८/६९ का लागि तत्कालिन उपप्रधानमन्त्री तथा अर्थमन्त्री भरतमोहन अधिकारीले बजेट ल्याउनुभएको थियो भने आर्थिक वर्ष २०६७/६८ का लागि सुरेन्द्र पाण्डे र आर्थिक वर्ष २०६५/६६ का लागि डा बाबुराम भट्टराईले बजेट पेस गर्नुभएको थियो ।रासस

बुटवल । नेकपा एमाले उपाध्यक्ष विष्णुप्रसाद पौडेलले रुपन्देही क्षेत्र नम्बर २ मा उम्मेदवारी दर्ता गरेका छन् ।

फागुन २१ गते हुने प्रतिनिधिसभा निर्वाचनका लागि पौडेलले निर्वाचन आयोगको कार्यलय पुगेर उम्मेदवारी दर्ता गराएका हुन् ।

पौडेलले २०६४ सालदेखि यो क्षेत्रबाट लगातर निर्वाचन जित्दै आएका छन् ।

रुपन्देही । रुपन्देही क्षेत्र नं २ मा नेकपा एमालेका केन्द्रीय उपाध्यक्ष विष्णुप्रसाद पौडेलको एकल उम्मेदार सिफारिस भएको छ ।

आगामी प्रतिनिधि सभाको निर्वाचनको लागि रुपन्देही २ मा विष्णु पौडेलको नाम एकल रुपमा सिफारिस भएको हो ।

पटक पटक मन्त्री, अर्थमन्त्री तथा उपप्रधानमन्त्री भइसकेका पौडेलले यो क्षेत्रबाट २०५६ सालदेखि निरन्तर उम्मेदार दिँदै आएका छन् । उनले २०६४ देखि निरन्तर जित्दै आएका छन् ।

काठमाडौँ । नेकपा एमालेका उपाध्यक्ष विष्णुप्रसाद पौडेलले जेन–जी पुस्ताको रियल लिडर आफ्नो पार्टी भएको दाबी गर्नुभएको छ ।

प्रेस चौतारी नेपालले बुधवार काठमाडौंमा आयोजना गरेको एक कार्यक्रममा बोल्दै उहाँले सो कुरा बताउनुभएको हो । उपाध्यक्ष पौडेलले एमाले  जेन–जीको जायज आकंक्षा र अपेक्षाका विरुद्ध कहिल्यै नरहेको र नरहने समेत स्पष्ट पार्नुभयो ।

एमाले कहिल्यै जेन–जी विरुद्ध नरहेको उहाँको भनाई थियो । उपाध्यक्ष पौडेलले एमालेले सबै उमेर समूहका नागरिकहरुको प्रतिनिधित्व गरिरहेको जिकिर समेत गर्नुभयो ।

उहाँले भन्नुभयो, ‘जेन–जी उमेर समूहको रियल लिडर पनि एमाले हो भन्ने म दाबी गर्न चाहन्छु । एमालेले कहिल्यै पनि जेनजीका विरुद्धमा जेन–जीका मागका विरुद्धमा, उनीहरुका न्यायिक र जायज आकांक्षा र अपेक्षाका विरुद्धमा एमाले थिएन र रहँदैन भन्नेकुरा स्पष्ट पार्न चाहन्छु । जहाँसम्म भदौ २३, २४ को सन्दर्भ छ । २३ गते जेनजीहरु जुन माग र मुद्दामा आएका थिए । उनीहरुले अघि सारेका माग चाहे सोसल मिडियाका कुरा गरौैँ । सोसल मिडिया निर्वाध उपयोग गर्ने उनीहरुको माग हो । सोसल मिडिया कसरी रेगलेट गर्ने भन्ने विषयमा जेन–जीहरुले माग राखेका होइनन् । उनीहरुको एउटै माग हामीले त्यसलाई निर्वाध उपयोग गर्न पाउनुपर्छ भन्ने थियो । यो नितान्त जायज माग थियो उनीहरुको ।’ 

उपाध्यक्ष पौडेलले सरकारले निर्वाचनको लागि आवश्यक वातावरण बनाउन नसकेको बताउनु भयो ।

काठमाडौँ । नेकपा (एमाले) का उपाध्यक्ष विष्णुप्रसाद पौडेलले देशमा भएको राजनीतिक घटनाक्रमलाई प्रतिगामी भन्दै त्यसका विरुद्ध पार्टी सडक आन्दोलनमा जानुपर्ने टिप्पणी गर्नुभएको छ ।

मंगलवार पार्टीको विघटित संसदीय दलको बैठकमा बोल्दै उहाँले यस्तो टिप्पणी गर्नुभएको हो । उहाँले गत भदौ २३ र २४ मा भएको जेन–जी आन्दोलन संविधानमिाथिको आक्रमण भएको जिकिर गर्नुभयो । उहाँले अनधिकृत रुपमा संसद विघटन गरेर संसदबाहिरबाट सरकार गठन गरिएको उल्लेख गर्दै यसका विरुद्ध निर्णायक आन्दोलनमा जानुपर्ने बताउनु भयो । उहाँले जनतालाई संगठित गर्दै प्रतिनिधि सभा पुनःस्थापनाका लागि निर्णायक आन्दोलन सुरु गर्नुपर्ने पार्टीको निष्कर्ष रहेको पनि बताउनु भयो ।

उहाँले भन्नुभयो, ‘गत भदौ २३, २४ को सिरानी हालेर देशमा जुन प्रकारको प्रतिगमन भएको छ यो प्रतिगमनको विरुद्धमा आन्दोलनमा जानुपर्ने, सडकमा उत्रिनुपर्ने जिम्मेवारीमा छौं । हामीले सुविचार लिएर जनताको माझमा जानुपर्ने, जनतालाई संगठित गर्नुपर्ने र आन्दोलित गर्नुपर्ने परिवर्तित भुमिकामा छौं । हामीले हरेक परिस्थितिमा आफूलाई खरो रुपमा उतार्न सक्नुपर्छ जस्तो मलाई लाग्छ । हाम्रो पार्टीको पृष्ठभूमि र हाम्रो पार्टीको विगत पनि त्यस्तै छ । अहिले जुन ढंगले हाम्रो संविधानमाथि आक्रक्रमण भएको छ । संविधानलाई घाइते तुल्याइएको छ । अनधिकृत रुपमा संसद विघटन गरिएको छ । र सदनभन्दा बाहिरबाट जुन ढंगको सरकार गठन गरिएको छ । यो सबै प्रतिगामी क्रियाकलाहरुका सम्बन्धमा हामी संगठित रुपमा जनताका माझमा जाने। जनतालाई आन्दोलित गर्ने र निर्णायक आन्दोलनको बलमा हामीले प्रतिनिधि सभाको पुनःस्थापना गर्ने निष्कर्षमा हाम्रो पार्टी पुगेको छ । हामीले यसबीचमा धेरै महत्वपूर्ण छलफल पनि गरेका छौं ।’

उहाँले मुलुकमा विकसित घटनाक्रम र पार्टीको भूमिकाका विषयमा पार्टी आन्तरिक छलफलमा जुटिरहेको समेत बताउनु भयो ।

लुम्बिनी। नेपाल कम्युनिष्ट पार्टी (एमाले)का उपाध्यक्ष, पूर्व उपप्रधान तथा अर्थमन्त्री विष्णुप्रसाद पौडेलले संविधान संशोधनमार्फत नयाँ अन्तरिम सरकार गठन गरेर निर्वाचनमा जानुपर्ने बताउनुभएको छ ।

प्रेस चौतारी नेपाल रूपन्देहीले आज बुटवलमा आयोजना गरेको पत्रकार सम्मेलनमा उहाँले जेनजीका माग सम्बोधनका लागि संविधान संशोधन गर्नुपर्नेमा जोड दिनुभयो । “संविधानको रक्षा गर्दै देशलाई अघि बढउन र देशलाई संवैधानिक मार्गबाट अगाडि बढाउन प्रतिनिधिसभा पुनः स्थापना अनिवार्य छ”, उहाँले भन्नुभयो, “सङ्घीय लोकतान्त्रिक गणतन्त्रको रक्षा गर्न एमाले प्रतिबद्ध छ ।”

उहाँले संविधान गतिशील दस्तावेज भएकाले सङ्घीय लोकतान्त्रिक गणतन्त्रलाई मजबुत बनाउँदै त्यसमा भएका कमजोरी संशोधन गर्न एमाले तयार रहेको बताउनुभयो ।

उहाँले आगामी मङ्सिर २७ गतेदेखि २९ गतेसम्म हुने एमालेको महाधिवेशनले सर्वसम्मत रूपमा नेतृत्व चयन गर्ने बताउनुभयो।  रासस

काठमाडौं । उपप्रधानमन्त्री एवं अर्थमन्त्री विष्णुप्रसाद पौडेललाई आक्रमण गरिएको भन्दै फैलाइएका भिडियो तथा हल्लाहरू भ्रामक भएको अर्थमन्त्रीको सचिवालयले बताएको छ।

सचिवालयले हिजो (भदौ २४ गते) पौडेलमाथि कुनै आक्रमण नभएको जनाएको हो।

सचिवालयले भनेको छ ‘२०८२ साल भदौ २४ गते उपप्रधानमन्त्री एवं अर्थमन्त्री विष्णुप्रसाद पौडेललाई आक्रमण गरिएको भन्दै फैलाइएका भिडियो तथा हल्लाहरू भ्रामक हुन्। उहाँमाथि कुनै आक्रमण भएको छैन ।’

काठमाडौं । उपप्रधानमन्त्री एवं अर्थमन्त्री विष्णुप्रसाद पौडेल र विश्‍व बैंकका दक्षिण एशिया क्षेत्र हेर्ने उपाध्यक्ष जोहानेस जुटबीच शिष्टाचार भेटघाट भएको छ ।

अर्थ मन्त्रालयमा भएको भेटमा अर्थतन्त्र, शहरी भौतिक पूर्वाधार, लगानी, पर्यटन, वातावरण लगायतका विषयमा छलफल भएको छ । अर्थमन्त्री पौडेलले गत वर्षको तुलनामा अर्थतन्त्रका सुचकहरुमा उल्लेखनीय सुधार आएको जानकारी दिँदै नेपालले नीतिगत, संरचनागत, निर्णय र कार्यान्वयन प्रकृयामा सुधार गरेको बताउनुभयो ।

उहाँले विश्व बैंकले आगामी ६ वर्षका लागि तयार पारेको कन्ट्री पार्टनरसीप फ्रेमवर्क नेपालमा विकासको आवश्यकता र सरकारको प्राथमिकतासँग तादम्य रहेको उल्लेख गर्दै फ्रेमवर्क अनुसारका आयोजना तथा कार्यक्रम तर्जुमा गर्न सरकार विश्व बैंकसँग मिलेर काम गर्न चाहेको बताउनुभयो ।

अर्थमन्त्री पौडेलले वैकल्पिक विकास वित्त परिचालन विधेयक प्रतिनिधिसभाबाट पारित भइ राष्ट्रिय सभामा छलफलमा रहेको जानकारी गराउँदै विधेयक पारित भएसँगै निजी क्षेत्रसँग मिलेर प्रतिफल दिने आयोजनाहरुमा लगानी गर्ने बताउनुभयो । उहाँले विधेयकको लक्ष्य अनुसार अघि बढ्न विश्व बैंकबाट सहयोगको अपेक्षा गर्नुभयो ।

विश्‍व बैंकका दक्षिण एशिया क्षेत्र हेर्ने उपाध्यक्ष जुटले नेपालमा उच्च आर्थिक वृद्धिदर हुने गरी विश्व बैंकले सहयोग गर्ने बताउनुभयो । उहाँले विश्व बैंकले लुम्बिनी, काठमाडौं उपत्यकाको शहरी पूर्वधार, वातावरणीय प्रदुषण न्यूनीकरण र आर्थिक वृद्धिका लागि सहयोग गर्ने भन्दै निजी क्षेत्रलाई पनि साथमा लिएर अघि बढ्नु पर्ने धारणा व्यक्त गर्नुभयो ।

उपाध्यक्ष जुटले नेपालको अर्थतन्त्रका परिसूचकहरु सुधार हुनु सकारात्मक भएको उल्लेख गर्दै नेपालका लागि लगानी अझ बढाउन जरुरी भएको बताउनुभयो । उहाँले वैकल्पिक विकास वित्त परिचानन सम्बन्धी कानून बनेसँगै पूर्वाधार क्षेत्रमा लगानीका लागि थप नयाँ क्षेत्रहरु पहिचान हुन सक्ने विश्वास व्यक्त गर्दै निजी क्षेत्रको लगानी आकर्षित गर्न र आर्थिक वृद्धिका लागि महत्वपूर्ण भूमिका निर्वाह गर्न सहयोग पुर्याउने बताउनुभयो । उहाँले लगानी र उत्पादकत्व वृद्धिमा केन्द्रित हुन पनि सुझाव दिनु भएको थियो ।

रुपन्देही। उपप्रधानमन्त्री तथा अर्थमन्त्री विष्णुप्रसाद पौडेलले आज भैरहवास्थित सिद्धार्थ क्रिकेट रङ्गशालाको अवलोकन गर्नुभएको छ ।

रङ्गशाला अवलोकनपछि सञ्चारकर्मीसँग कुराकानी गर्दै उहाँले सरकारले क्रिकेट खेललाई प्राथमिकतामा राखेर काम अगाडि बढाएकाले रङ्गशालालाई बजेटको अभाव हुन नदिने बताउनुभयो ।

उपप्रधानमन्त्री पौडेलले सिद्धार्थ रङ्गशालाका लागि यस वर्ष रु तीन करोड बजेट छुट्याएको र आगामी दिनमा बजेटको अभाव हुन नदिने प्रतिबद्धता व्यक्त गर्नुभयो । उहाँले भन्नुभयो, “तपाईंहरू उत्साहका साथ खेलकुदको विकासमा लाग्नुहोस् । यो रङ्गशाला लुम्बिनी प्रदेशमै महत्वपूर्ण खेल पूर्वाधार हो । यहाँ रहेका अधुरा कामहरू सम्पन्न गर्न लाग्नुस् । आर्थिक रूपमा कुनै समस्या हुँदैन ।”

रङ्गशालाबारे जानकारी दिँदै रुपन्देही क्रिकेट सङ्घका अध्यक्ष हरिबहादुर थापाले यसलाई बहुवर्षीय योजनामा राखिदिन आग्रह गर्नुभयो । उहाँले सिद्धार्थ रङ्गशाला काठमाडौँपछि स्तरीय रहे पनि त्यसको अनुपातमा बजेटको अभाव झेलिरहेको बताउनुभयो ।

डेढ दशकमा रङ्गशाला निर्माणको काम करिब १६ प्रतिशत मात्रै छ । यहाँ हालसम्म करिब रु १२ करोड खर्च भइसकेको छ । न्यून बजेटका कारण यसको निर्माण समयमै हुन नसकेको अध्यक्ष थापाले गुनासो गर्नुभयो ।

क्रिकेट सङ्घका पूर्वअध्यक्ष प्रशान्तविक्रम मल्लले विसं २०६८ मा भैरहवा र मूलपानीमा अन्तरराष्ट्रियस्तरको मैदान बनाउन सुरु गरिएकामा मूलपानी मैदानले गति लिँदा यहाँ भने कछुवा गतिमा काम भइरहेको बताउनुभयो ।

सात हजार दर्शक अट्नेगरी प्यारापिटसहित अन्तरराष्ट्रिय क्रिकेट खेलाउने उद्देश्यसहित राखेपले यो योजना अगाडि बढाएको थियो । विस्तृत परियोजना प्रतिवेदन (डिपिआर) त्यसबेला कम्तीमा रु ३८ करोड लाग्ने जनाइएको थियो । तर, समयमै काम नहुँदा अब कम्तीमा रु ७० करोडभन्दा बढी लागत लाग्ने अनुमान गरिएको छ ।रासस