काठमाडौं । अन्तर्राष्ट्रिय विकासका लागि अमेरिकी नियोग (युएसएआईडी) प्रमुख सामन्था पावरले अमेरिकाले नेपालसँगको मित्रताको सम्बन्धलाई बिस्तार गर्न चाहेको बताउनुभएको छ ।
बुधवार दुई दिने नेपाल भ्रमणका क्रममा काठमाडौं आउनुभएकी उहाँले यस्तो बताउनुभएको हो ।

उहाँले नेपाल र अमेरिकाबीचको सम्बन्ध सुमधुर बनाउनका लागि अमेरिकाले विगत लामो समयदेखि नै नेपालका विभिन्न क्षेत्रहरुमा सहयोग गर्दै आएको बताउनु भयो । उहाँले नेपालमा अमेरिकाले गर्दै आएको सहयोग र आगामी दिनमा गर्ने सहयोगमा कुनै भूराजनीतिक सम्बन्ध नरहेको दाबी गर्नुभयो ।

उहाँले नेपालमा अमेरिकाले गरेको लगानीलाई भूराजनीतिक सम्बन्धका रुपमा नबुझ्नसमेत आग्रह गर्नुभयो । उहाँले अमेरिकाले नेपाललाई प्राथमिकताका साथ सहयोग गरिरहेको पनि बताउनु भयो । उहाँले नेपालसँग सम्बन्ध स्थापित गरेर सँगै काम गर्न अमेरिका इच्छुक रहेको बताउनु भयो ।

उहाँले भन्नुभयो, ‘भूराजनीति परिवर्तन भइ नै रहन्छ । शीतयुद्धभन्दा अघि एक ठाउँ थियो र शीतयुद्धमा अर्को र पछि अर्को भयो । तर हामी काममा केन्द्रित हुनेछौँ, नेपाललाई अमेरिकाले गरेको सहयोगलाई भूराजनीतिक विषयसँग नजोड्नुहोला । हामी साथमा काम गर्नेर्छौं, अमेरिकाले नेपालमा गर्ने लगानी कुनै भूराजनीतिक आयामको उत्पादन हो भनेर हामीले लिएका छैनौँ । नेपालसँग गरेको प्रतिवद्धताको उत्पादन हो ।’

प्रमुख सामन्थले सञ्चारकर्मीहरुले सोधेको अमेरिकी राष्ट्रपति जो बाइडेनले आयोजना गर्ने ’प्रजातन्त्र सम्मेलन’मा नेपालका प्रधानमन्त्रीलाई बोलाइएको हो भन्ने प्रश्नमा नेपालका प्रधानमन्त्रीले यसअघिको सम्मेलनमा व्यक्त गर्नुभएका प्रतिवद्धताहरुलाई व्यक्त गर्न पाउने अवसरका रुपमा हेरेको बताउनु भयो । उहाँले सो सम्मेलनमा नेपालका प्रधानमन्त्री पुष्पकमल दाहाललाई पनि निमन्त्रणा गरेको जानकारी दिनुभयो ।

काठमाडौँ । प्रधानमन्त्री पुष्पकमल दाहाल प्रचण्ड र अन्तर्राष्ट्रिय विकासका लागि अमेरिकी नियोग (युएसएआईडी)प्रमुख सामन्था पावरबीच भेटवार्ता भएको छ ।

बुधवार सिंहदरबारस्थित प्रधानमन्त्रीको कार्यालयमा प्रमुख सामन्था र प्रधानमन्त्री प्रचण्डबीच भेटवार्ता भएको हो ।

भेटका क्रममा पावरले नेपाल र अमेरिकाबीचको सम्बन्ध विस्तारका साथै अमेरिकी सहयोग परियोजना (एमसीसी)को कार्यान्वयनमा जोड दिनुभएको थियो ।

काठमाडौँ । उपप्रधान तथा अर्थमन्त्री विष्णुप्रसाद पौडेल र अन्तर्राष्ट्रिय विकासका लागि अमेरिकी नियोग (युएसएआईडी) प्रमुख सामन्था पावरबीच शिष्टाचार भेटवार्ता भएको छ ।

बुधवार सिंहदरबारस्थित अर्थ मन्त्रालयमा पुगेर प्रमुख सामन्थाले अर्थमन्त्रीसँग भेट गर्नुभएको हो । भेटका क्रममा उहाँले नेपालको अर्थतन्त्र, नेपाल र अमेरिकाबीचको सम्बन्ध बिस्तारका साथै अमेरिकी सहयोग परियोजना (एमसीसी) को कार्यान्वयनमा जोड दिनुभएको छ ।

उहाँले यसअघि मंगलवार परराष्ट्रमन्त्री डा. विमला राई पौड्यालसँग पनि भेटवार्ता गर्नुभएको थियो । दुई दिने नेपाल भ्रमणमा मंगलवार काठमाडौं आइपुग्नुभएकी उहाँ आज राष्ट्रपति विद्यादेवी भण्डारी र प्रधानमन्त्री पुष्पकमल दाहालसँग भेटेर आज नै स्वदेश फर्किने कार्यक्रम रहेको छ ।

स्वदेश फर्किनुअघि आज साँझ ५ बजे उहाँले पत्रकार सम्मेलन गर्नुहुनेछ । अमेरिकी विदेश मन्त्रालयको राजनीतिक मामिला हेर्ने उपमन्त्री भिक्टोरीया नुल्याण्डले नेपाल भ्रमण गरेर फर्किएको हप्ता दिन नपुग्दै सामन्था नेपाल भ्रमणमा आउनुभएको थियो । अमेरिकाको राष्ट्रिय सुरक्षा परिषद्को सदस्यसमेत रहनुभएकी उहाँ अमेरिकाको क्याबिनेट स्तरकी उच्च अधिकारी समेत हुनुहुन्छ ।

काठमाडौँ । अन्तर्राष्ट्रिय विकासका लागि अमेरिकी नियोग (युएसएआइडी) की प्रमुख सामन्था पावरले सानोठिमीस्थित आदर्श मावि पुगेर त्यहाँका छात्राहरुसँग बास्केटबल खेल्नुभएको छ ।

जर्सी लगाएर केहीबेर बास्केटबल खेल्नुभएकी पावरले विद्यार्थीहरुबाट उनीहरुको भविष्यका योजना र लक्ष्यहरुबारे प्रत्यक्षरुपमा सुन्नुभएको नेपालस्थित अमेरिकी राजदूतावासले जनाएको छ ।

दूतावासका अनुसार २०७२ सालको भूकम्पमा ध्वस्त भएको उक्त विद्यालय पुनर्निर्माण गर्न र त्यहाँ पढ्न सक्ने विद्यार्थीहरूको सङ्ख्या दोब्बर बनाउन युएसएआइडीले स्थानीय समुदायसँग साझेदारी गरेको थियो ।

अमेरिकाको राष्ट्रिय सुरक्षा परिषद्को सदस्यसमेत रहनुभएकी उहाँ आजै नेपाल आइपुग्नुभएको हो । उहाँ अमेरिकाको क्याबिनेटस्तरकी उच्च अधिकारी हुनुहुन्छ ।

नेपालमा रहँदा उहाँले प्रधानमन्त्री पुष्पकमल दाहाल प्रचण्ड, उपप्रधानमन्त्री एवं अर्थमन्त्री विष्णु पौडेल, परराष्ट्रमन्त्री विमला राई पौड्याल, नागरिक समाजका व्यक्तित्व, सामुदायिक समूहहरु र व्यवसायहीहरुसँग भेट गर्ने कार्यक्रम छ ।

काठमाडौँ । नेपाल आइपुग्नुभएकी अन्तर्राष्ट्रिय विकासका लागि अमेरिकी नियोग (युएसएआइडी) की प्रमुख सामन्था पावर भक्तपुरको एक स्कुल पुग्नुभएको छ ।

आज बिहान काठमाडौँ आइपुग्नुभएकी पावर सानोठिमीस्थित आदर्श मावि पुग्नुभएको हो । उहाँले त्यहाँ स्कूलका विद्यार्थीहरुसँग बास्केटबल खेल्ने र अन्तरक्रिया गर्ने कार्यक्रम रहेको बताइएको छ । विद्यालयमा उहाँलाई स्कूलका विद्यार्थीहरुले परम्परागत नेवारी नाच देखाएर स्वागत गरेका थिए ।

अमेरिकाको राष्ट्रिय सुरक्षा परिषद्को सदस्यसमेत रहनुभएकी उहाँ अमेरिकाको क्याबिनेट स्तरकी उच्च अधिकारी हुनुहुन्छ । नेपालमा रहँदा उहाँले प्रधानमन्त्री पुष्पकमल दाहाल प्रचण्ड, उपप्रधानमन्त्री एवं अर्थमन्त्री विष्णु पौडेल, परराष्ट्रमन्त्री विमला राई पौड्याल, नागरिक समाजका व्यक्तित्व, सामुदायिक समूहहरु र व्यवसायहीहरुसँग भेट गर्ने कार्यक्रम छ ।

Welcoming @USAID Administrator Samantha Power to #Nepal for her first trip. First up a breakfast with inspirational civil society leaders. 🇳🇵🇺🇸@PowerUSAID pic.twitter.com/xL15xGDuS5

— USAID/Nepal (@USAIDNepal) February 7, 2023

काठमाडौँ । अन्तर्राष्ट्रिय विकासका लागि अमेरिकी नियोग (युएसएआइडी) प्रमुख सामन्था पावर आज नेपाल आउदै हुनुहुन्छ ।

नेपालमा नयाँ सरकार बनेपछि कुनै पनि मुलुकबाट हुन लागेको यो उच्च तहको भ्रमण हुनेछ । यसअघि सन् २००२ मा अमेरिकाका तत्कालीन विदेशमन्त्री कोलिन पावेलले नेपालको औपचारिक भ्रमण गर्नुभएको थियो । पावरलाई क्याबिनेटस्तरकी उच्च अधिकारी मानिन्छ । उहाँ राष्ट्रिय सुरक्षा परिषद्को सदस्यसमेत हुनुहुन्छ ।

छोटो अवधिमै अमेरिकाबाट हुन लागेको यो उच्चस्तरको भ्रमण हुन लागेको हो । यसअघि अमेरिकी राजनीतिक मामिला उपमन्त्री भिक्टोरिया नुल्यान्डले हालै नेपालको भ्रमण गरी फर्किसक्नुभएको छ ।

नेपाल भ्रमणमा रहँदा पावरले नेपालका नागरिक समाजका अगुवाहरु, सामुदायिक समूहहरु, विद्यार्थी, व्यवसायी र सरकारी अधिकारीहरुसँग भेट्ने कार्यक्रम रहेको युएसएआइडीले जनाएको छ । भेटमा नेपाललाई थप लोकतान्त्रिक समृद्ध, समावेशी र लचिलो मुलुक बनाउने प्रयास र उपलब्धिहरुबारे छलफल हुनेछ ।

विज्ञप्तिअनुसार पावरले नेपाल र नेपाल सरकारसँग आफ्नो संलग्नता बढाउने युएसएआइडीको प्रतिबद्धता उजागर हुनेछ । विज्ञप्तिमा संघीयता, सामाजिक समावेशीकरण, नागरिक समाज, मिडिया स्वतन्त्रतामा लोकतान्त्रिक लाभहरुलाई सुदृढ बनाउन गति निर्माण गर्न नयाँ प्रयासहरुको पावरले घोषणा गर्ने उल्लेख छ ।

सन् २०२१ मे ३ बाट युएसएआइडीको जिम्मेबारी सम्हालेकी पावरले नेपाल सरकार र जनतासँगको अमेरिकाको ७५ वर्षभन्दा लामो साझेदारीलाई जोड दिने बताइएको छ ।

काठमाडौँ । यही फेब्रुअरी महिनाको पहिलो साता अन्तर्राष्ट्रिय विकासका लागि अमेरिकी नियोग (युएसएआइडी) प्रमुख सामन्था पावर नेपाल आउने हुनुभएको छ । बुधबार विज्ञप्ति जारी गर्दै युएसएआइडीले पावरले नेपालको भ्रमण गर्ने बताएको छ । यद्यपि उहाँ कुन मितिमा नेपाल आउने भन्नेबारे विज्ञप्तिमा केही उल्लेख गरिएको छैन ।

नेपालमा नयाँ सरकार बनेपछि कुनै पनि मुलुकबाट हुन लागेको यो उच्च तहको भ्रमण हुनेछ । यसअघि सन् २००२ मा अमेरिकाका तत्कालीन विदेशमन्त्री कोलिन पावेलले नेपालको औपचारिक भ्रमण गर्नुभएको थियो । पावरलाई क्याबिनेटस्तरकी उच्च अधिकारी मानिन्छ । उहाँ राष्ट्रिय सुरक्षा परिषद्को सदस्यसमेत हुनुहुन्छ ।

छोटो अवधिमै अमेरिकाबाट हुन लागेको यो उच्चस्तरको भ्रमण हुन लागेको हो । यसअघि अमेरिकी राजनीतिक मामिला उपमन्त्री भिक्टोरिया नुल्यान्डले हालै नेपालको भ्रमण गरी फर्किसक्नुभएको छ ।

नेपाल भ्रमणमा रहँदा पावरले नेपालका नागरिक समाजका अगुवाहरु, सामुदायिक समूहहरु, विद्यार्थी, व्यवसायी र सरकारी अधिकारीहरुसँग भेट्ने कार्यक्रम रहेको युएसएआइडीले जनाएको छ । भेटमा नेपाललाई थप लोकतान्त्रिक समृद्ध, समावेशी र लचिलो मुलुक बनाउने प्रयास र उपलब्धिहरुबारे छलफल हुनेछ ।

विज्ञप्तिअनुसार पावरले नेपाल र नेपाल सरकारसँग आफ्नो संलग्नता बढाउने युएसएआइडीको प्रतिबद्धता उजागर हुनेछ । विज्ञप्तिमा संघीयता, सामाजिक समावेशीकरण, नागरिक समाज, मिडिया स्वतन्त्रतामा लोकतान्त्रिक लाभहरुलाई सुदृढ बनाउन गति निर्माण गर्न नयाँ प्रयासहरुको पावरले घोषणा गर्ने उल्लेख छ ।

सन् २०२१ मे ३ बाट युएसएआइडीको जिम्मेबारी सम्हालेकी पावरले नेपाल सरकार र जनतासँगको अमेरिकाको ७५ वर्षभन्दा लामो साझेदारीलाई जोड दिने बताइएको छ ।