काठमाडौँ।  सूर्य नेपाल गल्फ टुर २०२५/२६ अन्तर्गत सिजनको अन्तिम प्रतियोगिता सूर्य नेपाल प्रिमियर गल्फ च्याम्पियनसिपको तेस्रो दिन सुवास तामाङ समग्रमा १५–अण्डर २ सय १ सहित शिर्षस्थानमा उक्लन सफल भएका छन् ।

आज सुवाशले ७–अन्डर ६५ को स्कोर सहित लगातार दुई दिनका लिडर भुवन नगरकोटीलाई १ स्ट्रोकले पछि पारेका हुन् ।

भुवनले आज १–अन्डर ७१ खेल्दा समग्रमा १४–अन्डर २ सय २ सहित दोस्रो स्थानमा तल झरे। शुक्र बहादुर राई र एमेच्योर सदभाव आचार्य समग्रमा १२–अन्डर २ सय ४ सहित संयुक्तरुपमा तेस्रो स्थानमा रहे। शुक्रले ४–अन्डर ६८ र सदभावले १–अन्डर ७१ मा तेस्रो दिनको खेल सकाए ।

साविक विजेता राहुल विश्वकर्मा समग्रमा १०–अन्डर २ सय ६ सहित पाँचौं स्थानमा रहेका छन् ।

उनले आज ४–अन्डर ६८ को स्कोर कार्ड तयार पारे। एमेच्योर तेन्जिङ छिरिङ समग्रमा ७–अन्डर २ सय ९ सहित छैटौं स्थानमा रहेका छन् ।

आज उनले २–अन्डर ७० मा खेल सकाए । समग्रमा ५–अन्डर २ सय ११ सहित एमेच्योर वाङचेन ढोन्डुप सातौं स्थानमा रहे। उनले आज २–अन्डर ७० खेले। १–अन्डर ७१ सहित समग्रमा २–अन्डर २ सय १४ स्कोरका साथ दिनेश प्रजापति आठौं स्थानमा छन्।

समग्रमा १–अन्डर २ सय १५ स्कोर बनाएका निरज तामाङ र सञ्जय लामा संयुक्तरुपमा नवौं स्थानमा रहे। निरजले १–अन्डर ७१ खेल्दा सञ्जयले १–ओभर ७३ मा खेल सकाए ।

सुबाशले बोगी रहित ७–अन्डरको उत्कृष्ट स्कोर बनाउने क्रममा फ्रन्ट नाइन ४–अन्डर ३२ मा सकाए। उनले पहिलो, तेस्रो, पाँचौं र नवौं होलमा बर्डी प्रहार गरे । यसपछि ११ औं, १२ औं र १७ औं होलमा एक–एक सट बचाउँदा ब्याक नाइन ३–अन्डर ३३ मा पूरा गरे ।

भुवनले तेस्रो र छैटौं होलको बर्डीले फ्रन्ट नाइन २–अन्डर ३४ खेले । यसपछि १० औं र १८ औं होलमा बोगी प्रहार गरेका उनले १६ औं होलमा एक सट बचाए । ब्याक नाइन १–ओभर ३७ मा सकाए ।

शुक्रले तेस्रो, पाँचौं, छैटौं, सातौं र नवौं होलमा गरी कुल ५ बर्डी प्रहार गरे। आठौं होलको बोगीले फ्रन्ट नाइन ४–अन्डर ३२ खेले । यसपछि ११ औं र १३ औं होलमा एक–एक सट खेर फाल्दा १२ औं र १४ औं होलको बोगीले ब्याक नाइन इभन–पार ३६ मा सकाए ।

सदभावले पहिलो, तेस्रो र सातौं होलमा बर्डी प्रहार गरे पनि चौथो र पाँचौं होलमा बोगी खेपे। आठौं होलको डबल बोगीले फ्रन्ट नाइन १–ओभर ३७ मा पूरा गरे । यसपछि ११ औं होलमा इगलको सफलता प्राप्त गर्दा १३ औं र १८ औं होलमा बर्डी प्रहार गरे। १२ औं र १६ औं होलको बोगीले ब्याक नाइन २–अन्डर ३४ मा सकाए ।

एमेच्योरतर्फ सदभाव सदभाव शिर्षस्थानमा छन् । उनले राहुललाई २ स्ट्रोकले पछि पारे। राहुल दोस्रो, तेन्जिङ तेस्रो र वाङचेन चौथो स्थानमा रहेका छन् । अन्तिम १८ होलको खेल भोलि हुनेछ। सिजनकै सर्वाधिक १८ लाख नगद पुरस्कार राशी रहेको प्रतियोगिताको विजेताले उपाधिसँगै नगद ३ लाख २० हजार प्राप्त गर्नेछन् ।

दोस्रो, तेस्रो र चौथो हुने खेलाडीहरूले क्रमशः २ लाख ६ हजार, १ लाख ६२ हजार र १ लाख ४५ हजार नगद पुरस्कार प्राप्त गर्नेछन् । शनिवार प्रो–एम प्रतियोगिता हुनेछ । –न्युज एजेन्सी नेपाल

]]> https://www.newspolar.com/archives/445082/feed 0