एजेन्सी । बलिउड फिल्म ‘हेरा फेरी ३’ केही समयदेखि चर्चामा छ । अभिनेता परेश रावलले यो फिल्ममा काम गर्न अस्वीकार गरेका छन् ।

यसैबीच, अभिनेता अक्षय कुमारले आफ्नो प्रोडक्सन हाउस ‘केप अफ गुड फिल्म्स’मार्फत परेश रावललाई कानुनी सूचना पठाएको खबर छ ।

यस सूचनामा रावलले फिल्मको छायांकन बीचैमा छोडेर अव्यवसायिक तरिका अपनाएकोमा अक्षयले २५ करोड रुपैयाँ माग गरेका छन् ।

अक्षय कुमार यस फिल्मका मुख्य अभिनेताका साथै निर्माता पनि हुन् । उनले फिरोज नाडियाडवालाबाट फिल्म हेरा फेरी ३ को अधिकार कानुनी रूपमा खरिद गरेका छन् ।

एचटीको रिपोर्ट अनुसार, मुद्दासँग सम्बन्धित एक कानुनी स्रोतले भन्यो, ‘परेश रावलले आफ्नो पेशागत जिम्मेवारी राम्ररी पूरा गरेनन् । यदि उनी फिल्म गर्न चाहँदैनथे भने सुटिङ सुरु हुनुभन्दा अगाडि र पैसा खर्च हुनुभन्दा अगाडि नै उनले अस्वीकार गर्नुपर्थ्यो । अब बलिउडमा यो कुरा स्पष्ट पार्नुपर्ने समय आएको छ कि हलिउडमा जस्तै यहाँ पनि कोही पनि आफ्नो इच्छाले फिल्म छोड्न सक्दैन ।’

स्रोतका अनुसार यो फिल्मका लागि उनलाई सामान्य पारिश्रमिकभन्दा तीन गुणा बढी पारिश्रमिक दिइँदै थियो ।

फिल्म निर्माता प्रियादर्शनले आफ्नो प्रतिक्रिया दिएका छन् । हिन्दुस्तान टाइम्ससँग कुरा गर्दै उनले भने कि अक्षयले फिल्ममा आफ्नै पैसा लगानी गरेकाले कानुनी कारबाही अगाडि बढाउने अधिकार छ ।

बलिउड हंगामाको रिपोर्ट अनुसार, परेश रावल आफैंले फिल्म हेरा फेरी ३ छोडेको पुष्टि गरेका छन् । फिल्म छोड्नुको कारण निर्माताहरूसँगको रचनात्मक मतभेद रहेको बताइएको छ ।

२०२२ मा, अक्षय कुमारले पनि फिल्मबाट पछि हटे, जसले दर्शकहरूलाई निराश बनायो, तर पछि उनी फिल्ममा फर्किए । त्यस्तै, परेश रावलले पनि पुनरागमन गर्न सक्ने अपेक्षा गरिएको छ ।

एजेन्सी । बलिउडको चर्चित फिल्म ‘हेरा फेरी ३’ को सुटिङ सुरु भएको छ । फ्यानहरूले लामो समयदेखि फिल्मको तेस्रो भागको माग गर्दै आएका थिए । विशेष कुरा के छ भने अक्षय कुमार पनि यो फिल्मको हिस्सा बनेका छन् ।

फिल्मको सुटिङ सेटबाट अक्षय कुमार, सुनील शेट्टी र परेश रावलको तस्बिर सार्वजनिक भएको हो । यो तस्बिरमा तीनै कलाकार फिल्ममा आफ्नो क्यारेक्टरको गेटअपमा देखिएका छन् ।

केही समय पहिले अक्षय कुमारले यो फ्रेन्चाइजी छोडेको भनिएको थियो । यति मात्रै होइन, फिल्ममेकर फिरोज नाडियाडवालासँगको उनको मनमुटावको कुरा पनि बाहिर आएको थियो । यसैबीच, केही महिनाअघि अक्षयले पनि एक अन्तर्वार्तामा आफूलाई फिल्मको स्क्रिप्ट मन नपरेको भन्दै फिल्मको हिस्सा नरहेको बताएका थिए । यति हुँदाहुँदै पनि फ्यानले उनलाई ‘हेरा फेरी ३’ साइन गर्न बारम्बार आग्रह गरिरहेका थिए ।

‘हेरा फेरी ३’ मा अक्षय कुमारको स्थानमा कार्तिक आर्यन देखिने बताइएको थियो । तर, अब यो तस्बिर आएपछि यो फिल्ममा अक्षय मात्रै रहेको स्पष्ट भएको छ ।