तुलसीपुर उपमहानगरका प्रशासकीय अधिकृत पक्राउ

  

काठमाडौं: दाङ जिल्लाको तुलसीपुर उप–महानगरपालिकाका प्रमुख प्रशासकीय अधिकृत कृष्णाकान्त उपाध्याय घुस लिएको अभियोगमा पक्राउ परेका छन् । अख्तियार दुरुपयोग अनुसन्धान आयोगको टोलीले काठमाडौं आउँदै गर्दा उनलाई शुक्रबार साँझ नागढुंगामा पक्राउ गरेको हो ।

ठेकदारसँग लिएको एक लाख ४० हजार रुपैयाँ नगद र ८ लाख बैंकमा जम्मा गरेको भौचरसहित उनलाई आयोगको टोलीले पक्राउ गरेको हो । घुस लिएर काठमाडौं आउँदै गरेको सूचनाका आधारमा आयोगको टोलीले पिछा गरी चेकपोष्टमा उनलाई पक्राउ गरिएकाे अख्तियारले जनाएकाे छ ।