मुस्लिम धर्मावलम्बीहरु बकर इद (इदुल जोहा) पर्व हर्षोल्लासका साथ मनाउँदै

  

काठमाडौं । मुस्लिम धर्मावलम्बीहरुले आज बकर इद (इदुल जोहा) पर्व हर्षोल्लासका साथ मनाउँदै छन् । रमजान पर्वको ७० औं दिनमा मनाइने मुस्लिम समुदायको दोस्रो महान पर्व बकर इदमा बिहानै स्नान गरी नजिकैको मस्जिद वा इदगाहमा गई सामूहिक नमाज पढ्छन् । नमाज पढिसकेपछि एक आपसमा अङ्कमाल गर्दै शुभकामना आदान प्रदान गरिन्छ । 

विगत वर्षहरुमा बकर इदको दिन नेपाली जामे मस्जिद, काश्मीरी मस्जिदलगायत देशभरका मस्जिद र इदगाहमा मुस्लिम धर्मावलम्बीको भीड लाग्ने गरेको भएपनि यो वर्ष भने सुनसान देखिएको छ । विश्वव्यापी बनेको कोरोना संक्रमणको जोखिमलाई मध्यनजर गर्दै मुस्लिम समुदायले घरघरमै नवाज पढेर बकर इद बनाउँदै छन् । राष्ट्रिय मुस्लिम आयोगले बकर इदमा घरघरमै बसेर नवाज पढ्न आग्रह गरेको छ । 

आयोगका अध्यक्ष समिम मिया अन्सारीले कोरोना संक्रणको जोखिम बढ्दै गएकाले सबै पक्षसँग सल्लाह गरी घरघरमै नवाज पढ्न आग्रह गर्ने निर्णय गरिएको बताउनुभयो । वर्षमा एकपटक मात्रै आउने पर्व भएकाले केही असहज भएपनि देशवासीका लागि यो कदम चालिएको उहाँले बताउनुभयो । यसै गरी नेपाल मुस्लिम संघका अध्यक्ष अब्दुल सतारले बकर इद (इदुल जोहा) पर्वको अबसरमा शुभकामना दिर्दै  प्रतिकुल अबस्थामा  स्बास्थ्थ सुरक्षाका बिषयलाई ध्यान दिएर पर्ब मनाउन आग्रह गर्नुभएको छ । 

इदका अवशरमा मक्का मदिना जानु शुभ मानिने भए पनि यस वर्ष कोरोनाका कारण अन्तर्राष्ट्रिय उडानसमेत बन्द रहेको छ । जसका कारण हजयात्री मक्का मदिना जान पाएका छैनन् । यस पर्वमा अल्लाहलाई खुशी पार्न मुसलमानले धर्मले जायज मानेका जनावरलाई कुर्बानी ९बलि० दिने गर्दछन् ।