सभामुख निवासमा कार्यरत एक सुरक्षाकर्मीलाई कोरोना पुष्टि

  

काठमाडौं । सभामुख अग्निप्रसाद सापकोटाको निवासमा केही समय अघि कार्यरत एक सुरक्षाकर्मीलाई कोरोना भाइरस संक्रमण भएको छ । सुरक्षाकर्मी भएका कारण प्रहरी प्रधान कार्यालयमा आउजाउ भै रहेको र त्यहाँ अन्य सुरक्षाकर्मीलाई संक्रमण देखिएको अवस्थामा उनलाई पनि देखिएको हो ।  

ती  सुरक्षाकर्मीको शुक्रबार स्वाब संकलन गरी इपिडिमियोलोजी तथा रोग नियन्त्रण महाशाखा टेकुमा परीक्षण गर्दा कोरोना भाईरस भएको पुष्टि भएको हो । कार्यलयमा कार्यरत कर्मचारीमा कोरोना संक्रमण पुष्टि भएसँगै सभामुख सापकोटा सहित सहित ३० भन्दा बढीको स्वाब संकलन गरी परीक्षणका लागि इपिडिमियोलोजी तथा रोग नियन्त्रण महाशाखा टेकु लगिएको छ ।