अन्तरजिल्ला सवारी पास नदिन गृहमन्त्रालयको निर्देशन

  

काठमाडौं । गृह मन्त्रालयले बिहिबारबाट सवारी पास बन्द गर्न ७७ वटै जिल्ला प्रशासन कार्यलयलाई निर्देशन दिएको छ । गृहले बुधबार ७७ वटै जिल्ला प्रशासन कार्यालयलाई परिपत्र  सवारी पास जारी नगर्न निर्देशन दिएको हो । 

कोरोना भाइरस संक्रमितको संख्या दिनप्रतिदिन बढ्दै गएपछि गृह मन्त्रालयले सवारी पास बन्द गर्ने निर्णय गरेको हो । यसअघि जिल्ला प्रशासन कार्यालयहरुले अन्तरजिल्ला सवारी पास जारी गर्दै आएका थिए। 

गत सोमबार बसेको मन्त्रिपरिषद् बैठकले काठमाडौं उपत्यका र सक्रिय संक्रमित २ सय नाघेका जिल्लामा अतिआवश्यक बाहेक अन्तरजिल्ला आवागमन बन्द गरेको थियो। अति आवश्यक कामले सवारीसाधन लिएर अन्तरजिल्ला जानु परे जिल्ला प्रशासन कार्यालयबाट सवारी पास लिनु पर्दथ्यो।तर गृहले अर्को व्यवस्था जारी नभएसम्मका लागि भन्दै पास जारी नगर्न भनेको हो।