राजधानी भित्रिने र बाहिरिने यात्रु तथा सवारी साधनहरु  रोकिने

  

धादिङ । जिल्ला प्रशासन कार्यालय धादिङले बिहिबार बिहान ६ बजेदेखि अर्को आदेश  नभएसम्म जिल्ला भित्र पर्ने राजमार्गमा निषेधाज्ञा जारी गरेको छ । 

बुधबार साँझ बसेको जिल्ला सुरक्षा समितिको बैठकले २०७७ साउन २९ गते बिहान ६ बजेबाट अर्को आदेश नभएसम्मको लागि त्रिभुवन राजपथको पिपलाकोमोड देखि पृथ्वी राजमार्गको मौवा खोलासम्म संक्रमण ऐन २०२० को दफा २ र स्थानीय प्रशासन ऐन २०२८ को दफा ६ को उपदफा ३ अनुसार निषेधाज्ञा जारी गर्ने र मालबाहक गाडी र एम्बुलेन्स बाहेक अन्य सवारी साधन सञ्चालनमा रोक लगाउने निर्णय गरेको छ ।

यो निर्णयपछि राजधानी भित्रिने र बाहिरिने यात्रु तथा सवारी साधनहरु रोकिने भएका छन् ।