सुनको मूल्य एकै दिन ६ हजार २०० घट्यो, ताेलाकाे ९५ हजार ४०० मा काराेबार

  

काठमाडौं । केही दिनदेखि लगातार बढेर एक लाख नाघेकाे सुनकाे मूल्य बुधबार ह्यात्तै घटेको छ ।

नेपाल सुनचाँदी व्यवसायी महासंघका अनुसार बुधबार छापावाल सुनको मूल्य तोलामा ६ हजार २०० रुपैयाँ घटेको छ । अघिल्लो दिन तोलामा १ लाख १ हजार ६०० रुपैयाँमा कारोबार भएको छापावाल सुनको मूल्य बुधबार घटेर ९५ हजार ४०० रुपैयाँमा कारोबार भएको हो ।

गत साउन २३ मा तोलामा १ लाख तीन हजार ५०० रुपैयाँसम्म पुगेको सुनको मूल्य त्यससता भने क्रमशः घट्दै गएको हो ।

यस्तै तेजावी सुन तोलामा ९४ हजार ९०० रुपैयाँमा कारोबार भएको छ ।

सुनसँगै चाँदीको मूल्यमा पनि गिरवाट देखिएकाे छ । मंगलबार तोलामा १ हजार ४३५ रुपैयाँमा कारोबार भएको चाँदी बुधबार १ हजार २१० रुपैयाँमा कारोबार भएको महासंघले जनाएकाे छ ।