एकिकृत बजार प्रति उपभोक्ताको रुचि बढ्दै

काठमाडौं ।पछिल्लो समय धेरै ठाउमा चहारेर सामान खरिद गर्ने भन्दा पनि एक स्थानमा आफूलाई आबश्यक पर्ने सामग्री खरिद गर्ने रुची उपभोक्ताहरुका बढेको छ । साना पसलहरुमा भन्दा पनि एकिकृत बजार उपभोक्ताहरुको रोजाई पर्न थालेपछि मार्टहरु खुल्ने क्रम बढेको छ ।

यसै क्रममा काठमाडौंको मैतीदेवीचोकमा ‘नेचर सुपरमार्केट प्रा.लि सञ्चालनमा आएको छ  ।सुपरमार्केटको बुधबार एक कार्यक्रमबीच वाणिज्य आपूर्ति तथा उपभोक्ता संरक्षण विभागका महानिर्देशक नेत्र सुवेदी, हास्य कलाकार दीपाश्री निरौला र जितु नेपालले सयुक्त रुपमा उद्घाटन गरेका छन् । महानिर्देशक सुवेदीले एकै ठाउँबाट खाद्यान्न, ग्रोसरी र ग्यास उपलब्ध गराउने गरी सुपरमार्केट सञ्चालनमा आउँदा उपभोक्ताहरु लाभान्वित हुने हुदा मुल्य र गुणस्तरमा ध्यान दिन सुझाब दिनुभयो ।

प्रालीका अध्यक्ष जनक धामीले  ‘उपभोक्ताको सन्तुष्टि, हाम्रो दायित्व’भन्ने मुल मन्त्र अघि सारेर   व्यावसायिक सुरुवात गरिएको जानकारी गराउनु भयो । उहाँका अनुसार  ‘२ हजार ५ सय रुपैयाँ भन्दा बढीको सामान खरिद गर्ने ग्राहकलाई घरमा नै सामान पुर्योउने व्यबस्था मिलाईएको छ ।  एक बर्ष भित्र उपत्याकाका १० स्थानमा शाखा बिस्तार गर्ने र बिस्तारै उपत्यका बाहिर पनि शाखा बिस्तार गर्ने लक्ष्य कम्पनीले राखेको छ ।