प्रधानमन्त्री ओली र भारतीय विदेश सचिवबीच शिष्टाचार भेटवार्ता

  

(photos: prime minister's press advisor Surya Thapa/social site)

काठमाडौं । प्रधानमन्त्री केपी शर्मा ओली र भारतीय विदेशसचिव हर्षवर्द्धन श्रृंगलाबिच शिष्टाचार भेटवार्ता भएको छ । आज साँझ प्रधानमन्त्री निवास बालुवाटारमा प्रधानमन्त्री ओली  र भारतका विदेश सचिव श्रींगलाबिच शिष्टाचार भेटवार्ता भएको प्रधानमन्त्रीका प्रेस सल्लाहकार सुर्य थापाले जानकारी दिएका हुन् ।

आजै बिहिवार मात्रै श्रींगला दुई दिने नेपाल भ्रमणका लागि काठमाडौं आइपुगेका थिए । उनले परराष्ट्र सचिवस्तरको बैठकमा सहभागी हुनुका साथै परराष्ट्र मन्त्री प्रदीप ज्ञवालीसँग पनि भेटवार्ता गरिसकेका छन् ।  

श्रृंगलाको आजको उच्चस्तरीय भेटवार्तामा राष्ट्रपति विद्यादेवी भण्डारी, प्रधानमन्त्री केपी शर्मा ओली, परराष्ट्रमन्त्री प्रदीप कुमार ज्ञवालीलगायतलाई भेट्ने कार्यक्रम रहेको थियो । भोली शुक्रबार उनी गोरखा र मनाङमा भारतको सहयोगमा निर्माण भएका घर र धार्मिक स्थल उद्घाटन गर्न जाने कार्यक्रम रहेको छ ।