चार वर्षको बच्चाले लक्ष्मी भगवानको मूर्ति निलेपछि

  

एजेन्सी । बच्चाहरुको गतिविधीमा विषेश ध्यान दिन जरुरी छ । बच्चाहरु चनचले स्वाभावको हुनाले कुनै पनि बेला नसोचेको घटना हुन सक्छ ।  बच्चाहरुले अरुको सिको गर्दै नसक्ने काम पनि गर्न खोज्छन् । 

जसले गर्दा नसोचेको दुर्घटना निम्तिन सक्छ । यस्तै भारतमा पनि यस्तै एक अनौठो घटना भएको छ । भारतको कर्नाटकको रायचुर शहरमा एक ४ वर्षका बच्चाले मूर्ति निलेका छन् ।  

सधै सानो लक्ष्मीको मूर्तिसँग खेलिरहने ती बच्चाले अचानक मूर्ति मुखमा हालेर अड्काए । लक्ष्मीको सानो मूर्ति निलेपछि परिवार निकै आत्तिए । मूर्ति निलेको केही घण्टामा बच्चालाई अस्पताल लगेर भर्ना गरियो । 

अस्पतालमा डाक्टरले इन्डोस्कोपी गरेर बच्चाको पेटबाट मूर्ति निकाले । मूर्ति सानो भएकोले आन्द्रासम्म नपुगेकोले बच्चा भाग्यले बाचेको डाक्टरले बताए । डाक्टरले बच्चाको शरिरमा मूर्तिको विष फैलिएको भए खतरा हुने पनि बताए । समयमा नै निकालिएकोले बच्चालाई केही हुन पाएन ।