प्रतिलिपी अधिकार उल्लंघनको आरोपमा बिन्दवासिनी म्युजिककी अध्यक्ष रेग्मी पक्राउ

  

काठमाडौं । बिन्दवासिनी म्युजिक प्रालिकी अध्यक्ष लिना शर्मा रेग्मी प्रतिलिपि अधिकार उल्लंघन गरेको आरोपमा पक्राउ परेकी छन्। उनलाई सोमबार महानगरीय प्रहरी परिसर, काठमाडौंको टोलीले पक्राउ गरेको प्रहरी नायब उपरीक्षक प्रमेश बिष्टले जानकारी दिए।

गायक प्रमोद खरेललगायत केही कलाकारहरूले आइतबार परिसरमा प्रतिलिपि अधिकार उल्लंघनमा उनीविरुद्ध जाहेरी दिएपछि सोही जाहेरीको आधारमा प्रहरीले जिल्ला अदालत काठमाडौंबाट पक्राउ अनुमति लिएको थियो।

'कलाकारहरूले कपीराइट सम्बन्धमा जाहेरी दिनुभएको थियो। त्यसैआधारमा हामीले पक्राउ अनुमति लिएर ल्याएका हौं,' उनले भने। यस उपर थप अनुसन्धान भईरहेको छ ।