कृषि विकास बैंकको साधारण सभा सम्पन्न, १५ प्रतिशत बोनस शेयर वितरण गर्ने प्रस्ताव पारित

  

काठमाडौँ । कृषि विकास बैंकको १४औँ वार्षिक साधरणसभा सम्पन्न भएको छ । बैंकको केन्द्रीय तालिम प्रतिष्ठान बोडे भक्तपुरमा आज (बुधबार) भर्चुअल माध्यमबाट साधारण सभा सम्पन्न भएको हो ।

उक्त साधारण सभाले करिब ३ लाखको संख्यामा रहेका शेयरधनीहरुलाई उत्साहजनक प्रतिफल स्वरुप १५ प्रतिशत बोनस शेयर र कर प्रयोजन वापत ०.७८९५ प्रतिशत नगद लाभांश वितरण गर्ने प्रस्ताव पारित गरेको छ ।  कृषि विकास बैंक नेपालका वाणिज्य बैंकहरु मध्ये सबै भन्दा बढी अधिकृत पूँजी भएको मानिएको छ ।