आयोगलाई चुनावको तयारी तिब्र बनाउन ओली समूहको सुझाव (पूर्णपाठसहित)

  

आधिकारिकताको बारेमा कुनै अन्योल छैन, अध्यक्ष र महासचिव भएको पार्टी नै आधिकारिक हुन्छ – नेवाङ्ग


काठमाडौ । नेकपा ओली समूहले निर्वाचन आयोगमा पुगेर चुनावको तयारीलाई तिब्र बनाउन सुझाव दिएको छ ।  

प्रतिनिधिसभा विघटन गर्ने प्रधानमन्त्री केपी ओलीको कदमका बारेमा हालसम्म मौन रहनु भएका नेता सुवास नेम्वाङ्ग सहितको टोलीले बैशाख १७ र २७ गते हुने निर्वाचनको तयारीलाई तिब्रता दिन आयोग समक्ष अनुरोध गरेको हो ।

पार्टीको आधिकारिताका बारेमा आयोगले मागेको थप पत्र सहित आयोग पुगेको नेम्वाङ्ग सहितको टोलीले अध्यक्ष ओली र महासचिव विष्णु पौडेल रहेको पार्टी नै आधिकारिक भएकाले अन्यौलमा नरहन पनि आयोगलाई आग्रह गरेको छ ।

तीन दिनअघि मात्र नेकपा नेपाल–दाहाल समूहका अध्यक्ष माधव कुमार नेपाल र पुष्पकमल दाहालले आयोग पुगेर निर्वाचन प्रक्रिया रोक्न आग्रह गर्नु भएको थियो तर आयोगले कानून अनुसार रोक्न नमिल्ने जानकारी गराएको थियो ।

पार्टीभित्र आधिकारिकताकाे विषय पेचिलाे बन्दै गएकाे समयमा दुवै समूह देशव्यापी कार्यकर्ता प्रशिक्षण र सभा जुलुस गर्न थालेका छन् । सभाहरू र कार्यकर्ता प्रशिक्षणमा दुबै समूहका नेताहरूले एकअर्कामाथि गम्भीर आराेप प्रत्याराेप लगाउने क्रम पनि जारी छ ।

यस्तो छ ओलीले पठाएको पत्र (पूर्णपाठ)