दुर्लभ बन्यजन्तु बाघको छाला कारोबार गर्ने पक्राउ

  

काठमाडौं । काठमाडौं जिल्ला तारकेश्वर न.पा. वडा नं ९ मनमैजु बालाजु एरियामा प्रतिबन्धित गरिएको दुर्लभ बाघको छाला अबैधरुपमा बिक्रि वितरण गरेको अभियोगमा एक व्यक्ती पक्राउ परेका छन् ।

यही मिति २०७७ साल पुष २८ गतेको दिन लम्जुङ जिल्ला दुधपोखरी घर भई का.जि. तारकेश्वर न.पा. वडा न ९ मनमैजु बस्ने बृस राज घलेले लुकाई छिपाई ल्याएर कोठामा राखेको छ भन्ने विशेष सूचनाको आधारमा प्रहरीले पक्राउ गरेको हो ।

६ फिट २ ईन्च लम्बाई र १ फिट २ ईन्च चौडाई भएको प्रतिबन्धित बाघको छाला बिक्रि वितरण गर्ने उद्येश्यले लिई आएकोमा महानगरीय अपराध महाशाखाबाट खटिएको विशेष अनुसन्धान टोलीले पक्राउ गरेको जनाएको छ । त्यहाँबाट आवश्यक कारबाहिको लागी जिल्ला बन कार्यालय हात्तिसार, काठमाडौं पठाईएको बताइएको छ ।