नेपाली पर्वताराेहीकाे माउन्ट केटु यात्रा (फाेटाे फिचर)

काठमाडौंः विश्वकै दोस्रो अग्लो हिमाल माउन्ट केटु (Mount K2) नेपालका दश जना पर्वतारोहीले शनिबार सफलतापूर्वक आरोहण गरेर इतिहास रचेका छन् ।

माउन्ट केटु पाकिस्तानमा रहेको र यसको उचाई ८,६११ मिटर अग्लो छ ।

यस पर्वतारोहण टोलीमा निर्मल (निम्सदाइ) पुर्जा, मिङमा जी शेर्पा, मिङ्मा डेभिड शेर्पा, मिङ्मा तेन्जी शेर्पा, गेल्जे शेर्पा, दावा तेम्बा शेर्पा, पेमछिरी शेर्पा, किलुपेम्बा शेर्पा, दावा तेन्जिङ शेर्पा र सोना शेर्पा रहेका छन् ।

निकै कठिन मानिएको यस हिमालको आरोहण हिउँदे सिजन गर्नु पनि अति ठूलो चुनौती हो । यस हिमालमा हिउँदे सिजनमा कोही पनि आरोहण नगरेको पाकिस्तानको पर्यटन बोर्डले जनाएको छ ।

दश आरोहीमध्ये मिङ्मा जी शेर्पाले अक्सिजनबिना नै आरोहण गरेको आरोहण दलका सदस्य एवं सुप्रसिद्ध पर्वतारोही निर्मल पुर्जाले बताएका छन् ।

सुरुमा तीन ओटा समूहमा विभाजित पर्वतारोहीहरू अन्तिममा एकसाथ शिखरमा पुगेका थिए ।