रसुवाका सबै वडामा काँग्रेसको विरोध प्रदर्शन

  

संसद विघटनका विरुद्ध नेपाली काँग्रेसको आन्दोलन अनुरुप बिहीबार रसुवाका सबै वडामा विरोध प्रदर्शन भएको हो


रसुवा । रसुवाको २७ वटै वडामा सोमबार नेपाली कांग्रेस बिरोध प्रदर्शन गरेको छ । प्रतिनिधि सभा बिघटन बिरुद्ध कांग्रेसले देशभरको वडास्तरमा बिरोध प्रदर्शन कार्यक्रम अन्तर्गत जिल्लाका २७ वटै वडामा प्रदर्शन गरेको हो । जिल्लाको २७ वटै वडामा भएको बिरोध सभालाई जिल्लाका प्रमुख शिर्ष नेताहरुले सम्बोधन गरेको नेपाली कांग्रेस रसुवाले जनाएको छ ।

जिल्लाको स्याफ्रुबेशीमा भएको बिरोध सभालाई प्रतिनिधिसभा सदस्य मोहन आचार्य, नेपाली कांग्रेस रसुवाका सभापती पेम्बाछिरिङ तामाङले सम्बोधन गरेका छन् । सदरमुकाम धुन्चेमा भएको बिरोध सभालाई कांग्रेस नेता उपेन्द्र लम्साल, लक्षिन तितुङ, कांग्रेस नेतृ सुनितामाया गुरुङले सम्बोधन गरेका छन् । त्यसैगरि उत्तरगया गाउँपालिका ४ कर्मिडाँडामा भएको बिरोध सभालाई कांग्रेस नेता उत्तम थापा, माँझगाउँमा भएको बिरोध सभामा नेता ओमप्रसाद आचार्य लगायतले सम्बोधन गरेका छन् ।

विरोध सभालाई सम्बोधन गर्दै प्रतिनिधिसभा सदस्य मोहन आचार्यले संसद बिघटनको कदम असंबैधानिक रहेको बताए । नेपाली कांग्रेस सधै स्वतन्त्र न्यायपालिकाको पक्षमा रहेको भन्दै उनले न्यायलयले दिने फैसला कांग्रेस लाई मान्य हुने समेत बताए । अब आन्दोलित हुँदै नयाँ निर्बाचनको तयारीमा सक्रिय हुन कार्यकर्तालाई आग्रह समेत गरे ।

त्यसैगरि नेपाली कांग्रेस रसुवाका सभापती पेम्बाछिरिङ तामाङ, कांग्रेस नेता उपेन्द्र लम्साल, महिला नेतृ सुनितामाया गुरुङले अब निर्वाचनका लागि जुट्नुको बिकल्प नभएको बताए । प्रतिनिधिसभा बिघटन असम्बैधानिक कदमको बिरोधलाई आन्दोलित गराउदै नयाँ चुनाबको लागि तयार र सक्रिय रहन अपिल समेत गरेका छन् ।

दुई दर्जनभन्दा बढी युवा काँग्रेसमा प्रवेश 

यसैगरी प्राप्त अर्काे एक समाचारअनुसार रसुवामा दुई दर्जन युवा नेपाली कांग्रेसमा प्रबेश गरेका छन् । बिहिबार सदरमुकाम धुन्चेमा भएको कार्यक्रममा नेकपा लगायतका बिभिन्न पाटी परित्याग गरि दुई दर्जन युवा नेपाली कांगे्रसमा प्रबेश गरेका हुन् ।

प्रबेशीहरुलाई नेपाली कांग्रेसका नेता उपेन्द्र लम्साल, राजु तितुङ, डि टी तितुङ र महिला नेतृ सुनितामाया गुरुङले खादा र अबिर लगाएर पार्टीमा स्वागत गरेका थिए ।