भारतको कर्नाटकमा जिलेटिन लोड गरिएको ट्रक विष्फोट हुँदा ८ जनाको मृत्यु

  

काठमाडौं । भारतको कर्नाटक राज्य शिवमोगा जिल्लामा गएराति सवा १० बजेतिर जिलेटिन लोड गरिएको एक ट्रक विष्फोट हुँदा ८ जनाको ज्यान गएको छ। सो स्थानमा विष्फोटक पदार्थहरु भएको हुनसक्ने आशंकामा बम डिस्पोजल टोली पनि झिकाइएको छ । साथै प्रहरीले घटनास्थल वरपरको क्षेत्र नियन्त्रणमा लिएको छ ।

बीबीसीका अनुसार विष्फोटपछि फैलिएको गन्ध र अँध्यारो भएका कारण उद्धारको काम प्रभावकारी हुन सकेन् । 

विष्फोट निकै नै ठुलो आवाजमा भएको र धेरैजसो घरका झ्याल र ढोकाका सिसा फुटेका कुरा पनि त्यहाँका स्थानियहरुले बताएका छन् । विष्फोटको आवाज छिमेकी जिल्लाहरुमा समेत सुनिएको थियो ।