क्रिस्टियन बेनटेकले अन्तिम क्षणमा गरेको गोलमा प्यालेसको जित

  

लन्डन । इङ्लिस प्रिमियर लिगमा सोमबार क्रिस्टल प्यालेसले ब्राइटनलाई २–१ ले पराजित गरेको छ । क्रिस्टियन बेनटेकले खेल सकिनु केही अगाडि मात्र गरेको गोलमा क्रिस्टल प्यालेसले जित आफ्नो तर्फ पार्न सफल रहेको हो । घरेलु मैदानमा अधिकांश समय खेल आफ्नो नियन्त्रणमा राखेर पनि ब्राइटन पराजित भएको हो ।

जियान फिलिपको गोलमा प्यालेसले अग्रता लिएपछि ब्राइटनका लागि जोएल भाल्टमनले बराबरी गोल फर्काए ।

तर बेनटेकले इन्ज्युरी समयको पाँचौं मिनेटमा गोल गरे । यो जितपछि प्यालेस ३२ अंकसहित १३औं स्थानमा उक्लेको छ । ब्राइटन भने २६ अंकसाथ १६औं स्थानमा छ ।