नेपालमा थप ९४ जनामा कोरोना संक्रमण पुष्टि, एक जनाको मृत्यु

  

काठमाडौं । नेपालमा पछिल्लो २४ घन्टामा थप ९४ जनामा कोरोना संक्रमण पुष्टि भएको छ । ३ हजार ६ सय ९२ पीसीआर परीक्षणमा ९४ जनामा कोरोना पुष्टि भएको हो ।

स्वास्थ्य तथा जनसंख्या मन्त्रालयका अनुसार आज काठमाडौं उपत्यकाभित्र भक्तपुरमा २, ललितपुरमा १२ र काठमाडौंमा ३३ जनामा कोरोना पुष्टि भएको छ । योसँगै नेपालमा कोरोना संक्रमितको संख्या २ लाख ७३ हजार ७ सय ६० पुगेको छ । हालसम्म १ हजार ५ सय ५५ जना सक्रिय संक्रमित छन् । 

साथै आज ७१ जना संक्रमित कोरोनामुक्त भएका छन् । यो सँगै नेपालमा कोरोनामुक्त हुनेको संख्या २ लाख ७० हजार १ सय ३९ पुगेको छ । आज कोरोनाबाट एक जनाको मृत्यु भए सँगै नेपालमा हालसम्म मृत्यु हुनेको संख्या २ हजार ६६ पुगेको स्वास्थ्य मन्त्रालयले जनाएको छ ।