गायिका अन्जु पन्तको विवाह समारोह सम्पन्न (भिडियोसहित)

  

काठमाडौं । चर्चित गायिका अन्जु पन्तको दोस्रो विवाह समारोह सम्पन्न भएको छ । दुबै जना क्रिश्चियन धर्ममा आस्था राख्ने भएकाले उनीहरुले क्रिश्चियन परम्परा अनुसार विवाह गरेको हो।

उनले बुधबार प्रेमी थीर कोइरालासँग विवाह गरेकी हुन् । एक दशक अगाडि गायक मनोजराजसँग डिभोर्स गरेकी पन्तले क्रिश्चियन परम्परा अनुसार थीरसँग बुधबार चर्चमा विवाह गरिन् । विवाह समारोहमा थीर कोइरालाले कलेजी रङ्गको सुट लगाएका थिए भने अन्जु पन्तले सेतो रङ्गको गाउन पहिरिएकी थिइन् । 

अन्जु र थीर केही समयदेखि प्रेमसम्बन्धमा रहेको पनि खुलिएको थियो । उनीहरुको प्रेम सम्बन्धलाई छोरीको अनुरोधमा विवाहमा लैजाने निर्णय लिएको अन्जु पन्तले केही मिडिया मार्फत भन्दै आएकी थिइन् । उनले केही आफन्तको मात्र विवाहमा सहभागिता गराएकी थिइन् । 

अन्जुले सामाजिक संजालमा टिकटिकबाट अपलोड गरेर भिडियो समेत राखेकी छिन् । उक्त भिडियोमा थीरले मायाले अन्जुलाई खाना खुवाएको देख्न सकिन्छ ।